týsdagur 12. mars 2019síða 38

Mikudagur 13. mars 2019 · Nr. 30 38 Sosialurin Hugskot og viðmerkingar – send sms til 225000 SUNDA KOMMUNA TAÐ GONGUR VÆL VIÐ ÚTSTYKKING Í SAKSUN - Ætlanin hjá kommununi er, at tey, sum fara at byggja í nýggju útstykkingini í Saksun, eisini vilja búgva har, men tað er ivasamt, um vit kunnu áleggja bústaðarskyldu Vilmund Jacobsen Í løtuni er Sunda kommuna í holt við eina minni útstykking í Saksun, har grivið er út fyri fýra grundstykkjum til sethús. Økið, har grundstykkini verða, liggur skamt við vegin, og Heðin Zachariasen, borgar­ stjóri í Sunda kommunu, sigur, at kommunan ætlar sær at selja grundstykkini byggi­ búgv­in. - Tað er stórur áhugi fyri at byggja í Sunda kommunu, og vit hava eisini fingið fyri­ spurn­ingar um møguleikar at byggja í Saksun. Tí hava vit valt at gera hesa útstykking, sum verður liðug heilt skjótt. Borgarstjórin sigur, at ætl­ anin hjá kommununi er, at tey, sum fara at byggja í nýggju útstykkingini í Saksun, eisini vilja búgva her, men tað er ivasamt, um kommunan kann áleggja bústaðarskyldu í bygd­ ini. - Vit hava ein langan lista yvir fólk, sum vilja byggja ymsa­staðni í kommununi, og tá útstykkingin í Saksun er liðug, fara vit at venda aftur til tey, sum standa á listanum, sigur hann. Byggja víða um Heðin Zachariasen vísir á, at Sunda kommuna eisini ar­ beiðir við einari útstykking til frítíðarhús í Saksun, og her er talan um at útvega møguleikar til umleið 12 summarhús. - Tað er soleiðis, at størstur hevur áhugin vera at byggja í miðjuni í kommununi, sum borg­arstjórin tekur til, men tað er eisini áhugi kring um í bygdunum annars. Í løtuni verður bygt bæði í Tjørnuvík og á Langasandi. Eisini eldri hús Við Norðskála er nógv bygt í fleiri ár, og í Streymnesi standa eini seks hús í gerð. - Tað er eisini nokso stórur áhugi fyri eldri húsum í komm­ ununi, har yngri fólk ynskja at keypa eldri hús og seta tey í stand til bústað. Heðin Zachariasen sigur, at Sunda kommuna eisini er í tøttum samstarvi við Bústaðir um eina verkætlan í Streym­ nesi við leigubústøðum. Vælumtóktur listabústaður Gamli skúlin í Tjørnuvík, sum virkar sum listafólkabústaður, hevur riggað rættiliga væl, og stórur áhugi hevur verið fyri at sleppa inn í skúlan at búgva og arbeiða Vilmund Jacobsen Listafólkabústaðurin er eitt samstarv, sum kom í lag mill­ um Sunda kommunu og Lista­ fólkasamband Føroya (LISA) fyri nøkrum árum síðan.  - Eftirspurningurin er so mikið stórur, at gamli skúli eisini er bílagdur langt inn í næsta ár. Tað er soleiðis, at sambært skipanini, sum koyrt verður eftir, kunnu fólk í mesta lagi búgva her í tríggjar mán­aðir í senn. Heðin Zachariasen, borgar­ stjórin í Sunda kommunu, heldur, at listafólkabústaðurin liggur sera væl í Tjørnuvík, og vegna Sunda kommunu fegn­ ast hann um, at tey kunnu vera við til at bjóða listafólkum – bæði úr Føroyum og øðrum londum – henda møguleika. Tað eru bæði føroyingar og útlendingar, sum hava búð í listafólkabústaðnum í Tjørnuvík