mánadagur 1. apríl 2019síða 20

Mánadagur 1. apríl 2019 · Nr. 38 20 Sosialurin Hugskot og viðmerkingar – send sms til 225000 HONDBÓLTUR Sjúrður Hildarson Hoydal Eftir seinastu hálvfinalurnar hjá monnum vóru av miku­ kvøldið, gjørdist greitt at ársins finalur um Føroya­ meistaraheitið hjá monnum skuldu leikast ímillum H71 og Neistan. Men tað er synd at siga, at hondbóltsføroyar vóru í finalu­ hýri hesar seinastu dag­arnar. Rokaligi hálvfinaludysturin ímillum Kyndil og Neistan fekk sinnini upp á kók í báðum legunum. Skuldsetingar hava flogið aftur og fram, men so at siga ongar kundu prógvast. Uttanveltaðu áskoðararnir hava havt trupult at skilja hvat er farið fram. Hevur ein leikari spýtt eftir onkrum, ella hevur hann sparka onkran? Onnur legan sigur ja, og hin sigur nei. At enda hevur Hond­bólts­sam­ bandið heldur ikki givið nakrar revsingar fyri hesar svárastu skuldsetingar. Ístaðin gjørdi Hond­bólts­ sam­bandið eitt alment skriv, har heitt verður á feløg og áskoð­arar um at standa saman um at skapa rættan ítrottar­ anda í føroyskum hondbólti. Góðir og reinir nærdystir í finaluni Og hetta tóktust H71 og Neistin at hava tikið til eftirtektar í fyrstu mansfinaluni, ið var leikt í Hoyvíkshøllini sunnudagin. Tí hóast nógvar nærdystir í tøttu dystarbyrjanini, so var verju­spælið heldur gott á at líta, har tað var takklað rætt og reint í allarflestu førum. Hetta eydnaðist Neistanum nakað betur í fyrra hálvleiki. Eftir at liðini høvdu skiftst um leiðsluna, fekk Neistin eina leiðslu upp á trý mál sein­astu løtuna fyri hálvleik. Hesa løtuna hepnaðist serliga Rasmus Søby við nógvum, har hann annaðhvørt skeyt málini ella hevði seinastu spælingina til liðfelagarnar. Samstundis fekk Nicholas Satch­well saman við neista­ verju­ni fatur á flestu roynd­ un­um frá hoyvíkingum, og tá ið fyrstu 30 minuttirnir vóru farnir, var Neistin á odda við trim­um málum. Men Peter Krogh minkaði um munin til 12-14 til við einum beinleiðis frí­kasti eftir at tíðin var farin, og hetta mundi lyfta hýrin hjá hoy­víkingum. Neistin tók tó tamarhaldið á seinna hálvleiki, og eftir færri enn fimm minuttir var støð­ an 14-18 til Neistan. H71 fekk forðað fyri at munurin øktist, men tóktust ikki at hava neyðugu góðskuna at venda dysti­num. Málverjarnir seta sín dám á dystin Men Ári Dam í H71-málinum kom við hesi góðsku. Serliga fekk hann fatur á Rasmusi Søby, og so fór H71 at taka Neist­an aftur við skjótálopum, ið al­oftast endaðu hjá Pæturi Thom­sen. Dysturin gjørdist javnur við átta minuttum eftir at leika, og júst sum tað tóktist at dysturin kundi koppa til H71, so fór neistamálverjin, Nicholas Satchwell at finna stór­spælið fram aftur, har hann í fleiri førum bjargaði fyri púra fríum møguleikum. Neistin setti seg á longdu leiktíðina Endin var javnleikur 24-24, men í FM-finalunum í ár er einki sum eitur javnleikur. Dyst­urin skuldi avgerast við longdari leiktíð. Og her var Neist­in betra liðið beinanvegin. Nicholas Satchwell helt fram við stórspælinum, meðan H71 gjørdi mistøk, og eftir fyrstu fimm minuttirnar var Neistin á odda við trimum málum. Sein­ astu fimm minuttirnar hevði H71 ov nógvan skund, meðan Neistin spældi skilagott. H71 fekk ongantíð minkað um mun­in nærri enn tvey mál, og so kundu neistafólk fegnast um fyrsta finalusigurin. Eitt lítið, men týdningar­ mikið fet móti FM Men hetta var bert ein sigur á vegnum, tí undir nýggja kapp­ ingar­leistinum snýr tað seg um at vinna tríggjar finaludystir. Tí var hesin dysturin ikki meira enn eitt lítið fet á vegnum og ein ábending um hvønn veg hetta finalustríðið fer at koppa. Men úrslitið merkir sam­stundis at trýstið nú liggur á H71, ið hevur tørv á einum sigri í øðrum finaludystinum, ið verður leiktur mikukvøldið. Vinnur Neistin hendan, so skal H71 vinna tríggjar á rað, og so jøvn sum hesi liðini vístu seg at vera sunnudagin, er hetta lítið sannlíkt. SMS-deildin: Kyndil og Neistin stríðast um annað finaluplássið Meðan fólk flest høvdu eyguni eftir mansfinalunum, var eitt sera avgerandi umfar á skránni í kvinnudeildini. Tey fýra ovastu liðini hittust innanhýsis, og øll høvdu tørv á sigr­um. Í Hoyvíkshøllini hittust H71 og Neistin. H71 hevur siglt í tungum sjógvi í langa tíð, har tað ikki hevur eydnast at finna úrslitini frá fyrru helvt av kapp­ingarárinum aftur. H71 kundi við einum sigri leggja seg ájavnt við Neistan, meðan Neistin við sigri kundi fara fýra stig frá H71. Alt bendi á, at H71 fór at gera ein seinasta vørr í oddastríðnum, tí spælið var av­bera gott í fyrra hálvleiki. Í roynd og veru kundu hoy­víks­ kvinn­ur iðra seg nakað um at tær bert vóru á odda við fýra mál­um í hálvleikinum eftir at hava havt fult tamarhald á dysti­num. Men í seinna hálvleiki vendi gongdin fullkomliga. Neistin, ið spældi við fleiri leikarum, ið ikki hava verið ofta at sæð á liðnum hetta kappingarárið, fekk fullkomliga steðgað H71-álopi­ num. Serliga fingu Birita Ingolfs­ dóttir og Barbara Nattestad nógva ábyrgd, og henni tóku tær av. Neistin kom á odda fyri fyrstu ferð í dystinum við fimm minuttum eftir at leika, og tær bláu sleptu ikki leiðslu­ ni aftur. Neistin vann dystin 21-23 og legði seg fyribils eitt stig omanfyri Kyndil á stiga­talvuni. Samstundis mátti H71 ásanna at tað helst verður eitt fjórða pláss til liðið, ið vann fimm teir fyrstu dystirnar í kapp­ ingarárinum. VÍF tveitti dystin fyri borð Neistakvinnur kundu eftir dystin fara í Høllina á Hálsi, har Kyndil tók ímóti VÍF. Vest­ Eins og seinasta sunnudag vunnu neistamenn eftir longda leiktíð. Hesaferð var tað í fyrstu mansfinaluni ímóti H71, eftir ein dyst, ið var leiktur í góðum ítrottaranda – sum var kærkomin eftir seinastu rokaligu dagarnar. Neistakvinnur settu H71 av í finalustríðnum í SMS-deildini, ið nú stendur ímillum Kyndil og Neistan NEISTAMENN ELSKA LONGDA LEIKTÍÐ