hósdagur 4. apríl 2019síða 32

FRÍGGJADAGUR 5. APRÍL 2019 SOSIALURIN 40 32 FRANTS JENSEN - Vit eru ein bólkur, ið fegin vil hava, at tit taka av 70 ára fráfaringaraldurin hjá tí almenna. Her vil eg handa tær tað skrivið, ið vit hava sett saman. Vit hava 126 undirskriftir, segði Ingrid Henriksen úr Havn, tá ið hon vegna stigtakararnar til undirskriftainnsavnanina, handaði undirskriftirnar í Løgtinginum. - Vit vóna, at tit í næstum av­taka hetta markið við 70 ára frá­faringaraldri, tí vit eldru vilja sjálvi avgera, nær vit fara frá. Vit halda ikki, at at tað eigur at vera nakað mark yvirhøvur, sigur Ingrid. Vit kenna okkum fyri mismuni Saman við Thordis Skaalum og Bozena Rasmussen hava tær tikið stig til undir­skrifta­inn­ savnanina. Tær brúktu tveir dagar, og hava staðið í FK í Mið­vági og í SMS í Havn við listunum og spurt fólk um at skriva undir. - Tað er so týdningarmikið at sleppa at arbeiða so leingi sum møguligt, tá ið vit eru røsk, og vit vita, at vit gera nyttu á arbeiðsmarknaðinum. Vit eru tað gráa gullið. Og vit vilja fegin sjálv gera av, nær vit fara frá. Vit kenna okkum fyri mismuni. Júst í løtuni er einki arbeiðsloysi, men um arbeiðsloysi hevði verið, so høvdu vit ikki sloppið at verið á arbeiðsmarknaðinum, sigur Thordis Skaalum úr Sørvági. Partur av viðgerðini Formaðurin í rættarnevndini, Kristin Michaelsen, var ikki í Løg­tinginum, tá ið tær komu við undirskriftunum. Tí var tað ístað­in Magnus Rasmussen, næst­formaður, ið tók ímóti. - Eg takki fyri undirskriftirnar. Tær verða tiknar við inn í rættarnevndina og verður hetta partur av málinum. Hetta er eitt løgtingsmál, ið longu liggur í rættarnevndini, sum er um at banna mismuni og tryggja javn­ við­gerð á arbeiðs­mark­naði­num. Eg beri tað víðari til Kristin, og vit vilja taka hetta við í víðari við­gerðina, segði Magnus. Hevði skund 126 undirskriftir ljóða ikki av so nógvum, men kvinnurnar aftan fyri átakið eru tó vísar í, at nógv fleiri taka undir við hesi áheitanini. - Vit skundaðu okkum, tí vit vistu, at hetta málið longu var fyri í rættarnevndini. Tí ynsktu vit at geva rættarnevndini undirskriftirnar nú beinanvegin, so at tey fáa tikið tað við í við­ gerðina. Men vit vita, at vit kundu fingið nógv, nógv fleiri undir­skriftir, um vit høvdu brúkt longri tíð. Men vit kundu ikki bíða, tí málið er longu til við­ gerðar. Tað hevur skund, segði Thordis. - Nú vóna vit, at vit verða inn­ kallað til hoyringar, tá ið málið kemur fyri, so at vit kunnu greiða nærri frá okkara sjónarmiðum, sigur Ingrid Henriksen. - Eg havi ein mann, ið verður 71 ár í juni. Hann er í starvi hjá tí al­menna. Hann stúrdi nógv fyri at verða uppsagdur, tá ið hann varð 69. Hann arbeiðir enn, men hvussu leingi hann slepp­ ur, veit hann ikki, sigur Ingrid S. Henriksen úr Havn. Maðurin hjá Ingrid var væl fyri og hevði hug at arbeiða longri enn bara til 70 ára aldur. Men tá ið hann verður 71 í summ­ar, veit hann ikki, hvat hend­ir. Konan vísir á, at sum reglur­ nar eru, skal ein nærum biðja um loyvi at halda fram eitt ella tvey ár afturat. Maður hennara hevur arbeitt í hálva tíð í nøkur ár, men hann er enn væl fyri. Uppsagdur men framvegis unglingi Nú Ingrid, Thordis og Bozena hava savnað undirskriftir inn, hava tær eisini tosað við fólk, ið ynskja at arbeiða eftir 70 ára aldur. - Tað var millum annað ein, ið segði, at hann kundi hugsa sær at arbeitt kanska eini fýra ella fimm ár afturat, men hann slapp ikki. Hann varð koyrdur, tá ið hann var 70 ár. Og hann sá út sum ein unglingi. Hann hevði verið í almennum starvi, sigur Ingrid. Tær vísa eisini á, at tað eru fleiri pensjónistar, ið keða seg, sum saktans kundu verið á arbeiðs­mark­naðinum nøkur ár afturat. - Tað er framvegis tørvur á okk­um, og vit hava royndirnar, sigur Ingrid, sum sjálv er 66 ár, men arbeiðir tó ikki í løtuni. Elst á arbeiðsplássinum Thordis Skaalum úr Sørvági er 70 ára gomul. Hon hevur arbeitt á Ellis­heiminum í Vágum síðani 1984, og hon arbeiðir enn. - Eg ynski at sleppa at ar­ beiða so leingi, sum eg orki. Eg tími ikki at sita heima í sofuni, hóast eg eisini eg eri virkin í øðr­um. Eg arbeiði umleið 10 kvøld­vaktir um mánaðin, og tað dámar mær sera væl, sigur Ingrid. - Eg haldi, at vit skulu sleppa at at arbeiða, so leingi sum vit vilja. Eg veit, at um arbeiðsloysi hevði verið, so hevði eg sum tann elsta helst rokið fyrst, sigur Thordis. Ynskja at arbeiða eisini eftir 69 ára aldur TAKIÐ AV 70 ÁRA FRÁFARINGAR­ ALDURIN HJÁ TÍ ALMENNA 126 undirskriftir vórðu mikudagin handaðar næstformanninum í rættarnevndini, Magnusi Rasmussen. Tað eru tríggir pensjónistar, ið hava tikið stig til undirskriftainnsavnanina, har tey heita á Løgtingið, at 70 ára gomul eisini í framtíðini skulu sleppa at arbeiða hjá tí almenna Ingrid S. Henriksen og Thordis Skaalum handa Magnusi Rasmussen undirskriftirnar MYND: FRANTS JENSEN