týsdagur 9. apríl 2019síða 38

Mikudagur 10. apríl 2019 · Nr. 42 38 Sosialurin Hugskot og viðmerkingar – send sms til 225000 Vilmund Jacobsen Tað er Finn Olsen, sum eigur Hotel Bakkan í Vági. Aftrat sær hevur hann Ingun Poulsen, og tá nógv er at gera, hevur hon tvær kvinnur at hjálpa sær. Seinasta fríggjadag, tá Sosialurin vitjaði í Vági, vóru tær allar tríggjar til arbeiðis. Døgurðin var júst liðugur, og tær fing­ ust við at rudda tað sein­ asta av. Vit fingu eitt hugnaligt prát aftur við góðum kaffi­munni, og meðan vit steðgaðu, var eisini høvi at síggja hugnaligu kømrini í ovaru hæddini á hotellinum. - Her hava vit níggju kømur, sum vit leiga út, har­av fýra hava brúsu inni á kamarinum. Men, beint uttan fyri kamars­ hurðina á gongini eru eisini brúsur. So, tað er bara eitt hanagleiv úr kømrun­um við ongari brúsu og út í brúsuna á gongini, sigur Ingun Poulsen. Eingin svangur Fólk, sum leiga seg inn á Hotel Bakkan, fáa morgun­mat, og tey fáa eisini nátturða, um tey ynskja tað. - Tey, sum búgva her, kunnu altíð fáa at eta, og tey fáa gott at eta. Her nýtist ongum at ganga svang­ur ella tystur, sigur hon brosandi. Ingun Poulsen vísir á, at Hotel Bakkin eisini leigar eini stór sethús í Vági. Her búgva ofta ítróttarfólk, sum koma suður, og onkuntíð hava verið upp í eini 20-24 fólk í húsinum. Tað er ikki grundar­ lag fyri at hava mat­ stovu­na opna vanlig gerandis­kvøld, men bæði fríggjakvøld, leygarkvøld og sunnukvøld kunnu fólk keypa fleiri sløg av pizza, høsnarunga og kips, fisk og kips, dur­um, og eisini hava tey eina burgara-menu í viku­ skiftinum. - Vanliga lata vit upp klokkan 17 í viku­skifti­ num, og tá er vanliga opið til klokkan 22, um fólk eru so leingi, sigur hon. Umtóktur búffur Á Hotel Bakkanum hava tey døgurða hvønn dag, eisini í vikuskiftinum, tá vanligt er, at serliga ítróttar­fólk koma inn á gólvið at fáa sær ein bita. - Vit bjóða ymiskan døgurða­mat. Í dag høvdu vit frikadellur, rákost og epli, og í gjár høvdu vit svína­steik. Ingun Poulsen vísir á, at um vikuskiftið, tá roknast kann við ítróttar­ fólki, plaga tey eitt nú at hava høsnarunga ella grýtu­rætt, sum teimum ungu plagar at dáma. - Men tað, sum vit ser­ liga eru kend fyri her á hotellinum, er okkara frálíki enski búffur, sum vit fáa nógvar og góðar afturmeldingar um – ja, eg trúgvi neyvan, at betri búffur fæst í øllum Før­ oyum enn búffurin, sum vit hava í Vági, sigur hon brosandi. Hon vísir á, at fólk, sum koma á Hotel Bakkan at eta, altíð kunnu bíleggja sær enskan búff við fløta­eplum, bátaeplum og lekrari piparsós – eisini, um onnur matarskrá er júst henda dagin. - Fólk eru eisini væl­kom­in at ringja framman­undan, so tey sleppa undan at bíða ein hálv­an tíma eftir frálíka enska búffinum, sigur Ingun Poulsen. vilmund@sosialurin.fo TÚ KANST GISTA OG ETA Á HOTEL BAKKANUM Í VÁGI - Tey, sum búgva her, kunnu altíð fáa at eta, og tey fáa gott at eta. Her nýtist ongum at ganga svangur ella tystur. Vit hava døgurða á hotellinum hvønn dag, sigur Ingun Poulsen SUÐUROY Í ovaru hæddini eru níggju hugnalig kømur, harav fýra hava brúsu. Annars er brúsa beint úti á gongini Hugnaliga hotellið í Vági bjóðar bæði gisting og mat, og ikki minst er hotellið kent fyri góða enska búffin Vilmund Jacobsen Tað eru dagar, har nógv fólk sita við døgurða­ borðið á Hotel Bakka­ num í Vági. Her er pláss fyri umleið 80 fólkum í senn, og onkran dagin í undan­farnu viku sótu 60 fólk til borðs. - Vit plaga at siga, at døgurðin er millum klokkan 12 og 13.30, men ringir onkur, tí júst henda løtan ikki passar so væl, plaga vit altíð at finna út av einari loysn, sigur Ingun Poulsen. Hon sigur, at um­ framt vanliga virksemi við mati og gisting innan­veggja, ger Hotel Bakk­in eisini nógv smyrji­breyð, ymiskar grýtu­rættir og suppur. - Fólk eru eisini væl­ komin at leiga okkara hugnaligu høli til merkisdagar av ymisk­ um slag, og vit gera gjarna smyrjibreyð, grýtu­rættir ella suppur, um fólk ynskja tað. Ingun Poulsen sigur, at tað er púrasta upp til tey, sum leiga hølini, hvat tey vilja hava, at gestirnir fáa at eta. - Her eru allir møgu­ leikar opnir, sigur hon. Hotel Bakkin ger eisini flott fruktføt út av húsinum til serlig høvi, og sama er við bæði smyrji­breyði og pizza, um við­skiftafólk í nær­um­hvørvinum ynskja tað. - So, er tað gisting, matur ella hølisleiga, eru fólk hjartaliga væl­ komin at seta seg í sam­band við okkum á tlf. 373961, sigur Ingun Poulsen. vilmund@sosialurin.fo - Er tað gisting, matur ella hølisleiga, eru fólk hjartaliga vælkomin at seta seg í samband við okkum, sigur Ingun Poulsen 80 fólk kunnu sita til borðs í senn Tað er Finn Olsen, sum eigur Hotel Bakkan. Hansara høgra hond er Ingun Poulsen