mánadagur 15. apríl 2019síða 6

6 Sosialurin Hugskot og viðmerkingar – send sms til 225000 Mánadagur 15. apríl 2019 · Nr. 44 TÍÐINDI Nú kostar tað at fara út í Trælanípuna Festararnir av hagapartinum Nípuni í Miðvági hava nú sett skúr, har vakt er, sum tekur pening frá útlendingum fyri at fara út til vøkru náttúruperluna Trælanípuna í Vágum. Tey selja kaffi og annað, eru í gongd við at seta vesi upp og bjóða ferðaleiðara við á ferðina. Frants Jensen — Vit hava roynt á annan hátt, men tað hevur ikki riggað. Nú var tolið upp, og tí hava vit valt at gera á hendan hátt, sigur Gunnar R. Nattestad, ein av eigarunum av haga­part­in­ um Nípuni. Síðani 2. apríl hava teir havt vakt frá morgni til myrkurs við Miðportrið við Ovarugøtu, har ferðafólk vanliga fara út í Nípuna. Teir taka pening frá útlendingum fyri at fara túrin. Tað kostar 200 krónur fyri hvønn at fara út, og um onkur ynskir at hava ferðaleiðara við, so kostar tað 450 krónur fyri hvønn. Útlendingar og bólkar gjalda — Higartil hava tað ikki verið so nógvir útlendingar, onkran dagin 4 ella 5 og onkran dagin hava tað verið upp til 15 um dagin. Tað eru eisini nakrir, ið eru vendir aftur, tá ið teir hava fingið at vita, at tað kostar at fara í hagan, sigur Jóhannus Nattestad, ein av festarunum. — Vit taka bara gjald frá út­ lendingum. Ikki frá einstøkum føroyingum. Men um tað eru arbeiðspláss og stórir bólkar, ið fara avstað, so taka vit gjald, sigur Jóhannus. Júst hvussu nógv skulu vera saman fyri at tað skal vera ein bólkur, hevur hann tó ikki nakað greitt svar uppá. — Um ein føroysk familja kem­ur, ella nøkur fá føroysk vinfólk ganga saman, so taka vit ikki gjald frá teimum. Vit heita bara á tey um at ganga á gøtuni, sigur hann. Bjóða ferðaleiðara Eigararnir hava gjørt eina heima­síðu, sum eitur trala­nip­ an.fo, har greitt verður frá um náttúruperluna, og har til ber at bóka ferðir. — Vit gera íløgur í hetta, við at hava skúr, vesi, gera kaffi og annað. Og so hava vit eisini fólk, sum sita vakt allan dagin, og onkran sum kann vera ferða­leiðari og greiða frá. Enn hev­ur tað ikki loyst seg hjá okk­um, men vit vænta, at fleiri ferða­fólk fara at koma í fram­ tíð­ini, sigur Gunnar R. Natte­ stad. Onnur fáa pening, men vit fáa einki Eigararnir av hagapartinum Nípuni í Vágum taka nú pening frá útlendingum og bólkum, ið fara út í Trælanípuna. — Ferðaskrivstovur fáa nógvar pengar fyri at senda fólk út í Nípuna, men vit fáa einki. Tað ber ikki til, sigur Jóhannus Nattestad, ein av festarunum í Nípuni. Frants Jensen Trupulleikin hjá haga­part­ in­um Nípuni, hevur seinni árini verið, at av tí at so nógv ferða­fólk hava verið í haganum, er hagin so illa slitin, at seyðurin hevur mist nógv beiti. —  Vit eru nokk noyddir at taka eitt fylgi við eini 40 seyð­um av, tí at har er einki gras eftir til teirra. Alt er niður­traðkað, og so nógv fólk hava verið, at seyðurin verður stygd­ur burtur. Eg gekk har í gjár, og hagin er so harður sum betong. Har er einki at fáa. Vit eru noyddir at gera nakað, sigur Gunnar. Nípan er 6 merkur og hev­ ur 168 áseyðir. Teir hava tikið 10 seyðir av í tí eina fylginum, har mest fólk gongur, og so hava teir roynt at flutt restina av fylginum í bergið. Nú er tað hent, at ein partur av fylg­ inum er farið í granna­hag­an. Fyri at forða fyri, at størri skaði hendir, hava eigararnir roynt við at sett bússu upp, har fólk kunnu gjalda, men har komu næstan ongir peng­ ar í. — Har kom so at siga einki í. Onkran dagin 42 krónur ella okkurt líknandi, og tá vistu vit, at fleiri enn 100 fólk høvdu verið í haganum, sigur Jó­hannus. Teir samstarvaðu eisini við hiking.fo um at gera bólkaðar ferðir út í Nípuna, men tað vísti seg, at næstan eingin bók­aði túr. Fólk fóru bara sjálvi avstað. Ferðaskrivstovurnar fáa nógvan pening — Vit hava eisini upplivað, at ferðaskrivstovurnar í Havn taka 850 og 950 krónur fyri hvønn luttakarar í bólkum, sum tey so senda út í Træla­ nípuna. Men tey lata ikki eitt oyra til okkara. Tað eru eisini útlendskar ferðaskrivstovur, týskar og italienskar, sum senda bólkar út í Træla­níp­ una, og tær taka 1500 krónur og meira enn tað fyri hvønn luttakarar. Vit fáa heldur ikki eitt oyra burturúr hesum. Tað eru ofta útlendingar, ið hava ferðast nógv í Føroyum, og sum eru staðkendir her, sum eru ferðaleiðarar. Tey fáa at vita frá Visit Faroe Islands og aðrastaðni, at tað er ókeypis at ganga allastaðni, og at ikki er neyðugt at spyrja um loyvi, sigur Jóhannus. Útlendingar tjena upp á Trælanípuna — Eg veit eisini um italienskar ferðaskrivstovur, ið skipa fyri ferðum til Føroyar, sum kosta 30.000 krónur. Ein partur av skránni er at fara út í Træla­ níp­una, men vit fáa ikki eitt oyra burturúr, og tey slíta hag­an. Tað ber ikki til, sigur Jóhannus. — Partar av haganum eru null verdur fyri seyð. Vit stúra fyri, um hagin kemur fyri seg aftur. Fuglurin er eisini minkaður rættiliga nógv, sigur Jóhann­ us. — Tað eisini fleiri føroysk ar­beiðspláss, sum gera út­ferð­ ir út í Nípuna. Tey kunnu koma við fleiri bussum, kanska eini 80 til 100 fólk ella fleiri, sum fara avstað. Tey spyrja okkum heldur ikki um loyvi og lata ikki eitt oyra eftir seg. —  So er tað eisini ein trupul­leiki, at ferðafólkini halda seg ikki til gøturnar, men ganga allastaðni. Hagin slítist illa, og tað styggir seyðin. — Tí vóru vit noyddir at gera hetta, sigur Gunnar R. Natte­stad, ein av eigarunum. Skúrur er nú settur upp, har vakt situr, sum tekur pening frá ferðafólki, ið fara út í Trælanípuna.