mánadagur 15. apríl 2019síða 16

Mánadagur 15. apríl 2019 · Nr. 44 16 Sosialurin Hugskot og viðmerkingar – send sms til 225000 STUTTSØGD Pætur Albinus E-SPORT TT Gaming eru føroyameistarar í telduspælinum Counter Strike Global Offensive, betur kent undir styttingini CS:GO. TT Gaming vann FM-finalu­ na ímóti 'Músavíkingar' í finalu­til­taki á Elektron í gjár. Talan var um endabrestin á Elektron­deildini, sum fremsta deild­in í Føroyum eitur. TT Gaming vann 3-1 eftir hesar støður­nar:16-14 til Músa­vík­ ingar á de_mirage, 16-14 til TT Gam­ing á de_nuke, 16-8 til TT Gam­ing á de_cache og 16-12 til TT Gaming á de_overpass. Teir fimm menninir, ið manna TT Gaming, eru Heðin "Hmonster" Mortensen, Rókur D. "RdN" Norðoy, Aron "Arizon" Hamm­ er, Fríði Lómstein "FrusaZ" Zacharia­sen og Jógvan "Jimmy" Sólsker. FÓTBÓLTUR Adrian Cieslewicz, sum er upp­ vaksin í Vági og hevur spælt við eitt nú VB og B36, gjørdist um vikuskiftið meistari í Wales saman við The New Saints. Hetta er áttanda árið á rað, at The New Saints vinnur meistara­heitið í Wales, men hesa­ferð fingu teir harða kapp­ ing frá Connah's Quay Nomads. Adrian Cieslewicz, sum er 28 ára gamal og hevur spælt við The New Saints síðani 2014, skeyt hetta kappingarárið tvey mál í 13 dystum fyri liðið. FLOGBÓLTUR Við 3-1-sigri á KÍF tryggjaði kvinn­urnar úr Mjølnir sær í gjár bronsuna í meistara­deild­ inini. Dysturin varð spæld­ur í Kollafirði, og hetta var ein beinleiðis dystur um bronsu­na. Mjølnir vann 22-25, 25-19, 20-25, 9-25. Hin dysturin hetta viku­ skiftið var ímillum botn­lið­ini, TB og Drátt. Tann dystin vann TB 3-0 við settúrslitunum 25-17, 25-21, 25-22. FM-finalur ímillum Fleyr og SÍ verða spældar á páskum. Seinastu dystirnir í grund­ spæli­num hetta kappingarárið vóru eisini í meistaradeildini hjá monnum hetta vikuskiftið. Heima í Klaksvík vann odda­ liðið, Mjølnir, 3-1 á SÍ, og á Kambs­dali vann ÍF 3-0 á hinum FM-finalu­liðnum, Fleyr. ÍF vann seg upp á eins nógv stig sum Fleyr, men av tí at teir bara kundu koma upp á eitt sett verri settmun - sum teir eisini gjørdu við 3-0-sigri - so kundu teir júst ikki røkka 2. plássinum og FM-finaluni. FM-finalur ímill­um Mjølnir og Fleyr verða spæld­ar á páskum. Marienlyst stríðist í løtuni um at vinna bronsu í bestu donsku deildini. Bárður Ben­ dix Mikkelsen er venjari hjá liðnum, har ein annar før­ oy­ingur spælir við - nevni­ liga Kasper Loren­zen, sum tó í løtuni er skadd­ur. Fyrsta bronsu­dyst­urin út av møgu­lig­ um trimum vann Marien­lyst 3-1 á Middelfart. Annar bronsu­ dysturin verður spældur í kvøld kl.18.30, og vinnur Marien­lyst tann dystin, so eru teir bronsuvinnarar. Tað eru Hvid­ovre VK og Gentofte VK, sum dystast um gullið. FORMIL 1 Tað var formil 1-kappkoyring numm­ar 1000 í søguni, tá ið Shanghai í gjáramorgun var vertur fyri triðju Grand Prix- kappkoyringini í hesum kapp­ ingarárinum. Verandi heims­ meistarin, Lewis Hamilton (Mercedes), var fyrstur um mál­strikuna frammanfyri lið­ felag­an, finska Valtteri Bottas. Hetta var sigur nummar 75 hjá Hamilton. Týski Sebastian Vettel (Mercedes) fekk síðsta plássið á sigursskamlinum og bleiv nummar trý. Danski Kevin Magnussen, sum koyrir fyri Haas, bleiv nummar 13 og fekk einki stig til samlaðu HM- støðuna, har Lewis Hamilton (68 stig) er eitt vet frammanfyri Valtteri Bottas (62 stig). Langt er niður til nummar trý, Max Verstappen (Red Bull / 39 stig). SKJÓTING Seinastu úttøkukappingarnar hjá skjótifeløgunum (leir­ dúgvu­skjóting) til Oyggjaleikir hava verið, og nú er greitt hvørjir skulu umboða Føroyar á oyggja­leikunum á Gibraltar í summ­ar. Í skeet: Marius F. Joen­sen (SBF) og Tórur Fløtt (SBF). Í trap: Finn Ludvig (VBM) og Alex Johannesen (EYS). - Úttøkan í trap gjørdist rættu­liga spennandi, og tað var ikki fyrr enn seinastu leir­ dúgvurnar blivu skotnar, at tað gjørdist greitt, hvør bleiv úttikin. Esmar Joensen úr VBM hevði ein av sínum góðu døgum og var einans tvær dúgvur frá at taka plássið frá Alex, skrivar Skjótisamband Føroya. SÚKKLING Torkil Veyhe og liðfelagarnir úr Riwal Readynez vunnu í gjár sín fyrsta samalaða sigur á procontinental-støði, tá ið kapteynur teirra, Alexander Kamp, vann Circuit des Ardennes. Hetta var ein kapp­ ing við trimum teinum. Torkil Veyhe varð brúktur sum hjálpari, og hann var við til at gera eitt stórt arbeiði í feltinum, eitt nú á síðsta teininum, tá tamar­hald mátti havast á einum hóttandi útbroti. Av tí at Torkil Veyhe gav alt, hann átti, var gekk orkan hjá honum púr­asta undan, og hann endaði aftast­ur í kappingini. Hetta er tó mangan eitt gott tekin í súkkl­ing, so leingi tú ert ein (góður) hjálpari. MJØLNIR FÓR VIÐ BRONSUNI FM-finalur í flogbólti verða spældar á páskum, og um vikuskiftið varð bronsuvinnarin funnin. Í Danmark spæla føroyingar eisini um bronsu í flogbólti, og her heima hevur FM-finala verið í e-sporti savnsmynd