týsdagur 16. apríl 2019síða 4

Mikudagur 17. apríl 2019 · Nr. 45 4 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 TÍÐINDI Pætur Hjalmar Evensson Í nógv ár hava før­oysk­ ir tónleikarar lut­tikið í Grand Prix sang­kapp­ing­ um hjá grannalondum okkara við tí fyri eyga at brúka kappingarnar sum lopfjøl til altjóða gjøgnum­brotið. Vinnarin av sangkappingunum í hvørjum einstakum landi sleppur nevniliga til risa­ stóru Eurovision sang­ kapp­ingina, sum hvørt ár savnar fleiri milliónir hyggjarar framman fyri sjónvarpsskermin. Luttøka í Eurovision krev­ur, at landið er lim­ ur í EBU, sum er ein breið evropeisk sam­gonga millum public ser­vice sjónvarps- og út­varps­ støðir. Tað er EBU, sum skipar fyri Euro­vision kapp­ingini, og av tí at Før­oyar - ella Kring­varp­ ið, sum er føroyska public service støðin - ikki er limur í EBU, kunnu Før­ oyar í núverandi løtu ikki luttaka. KVF fer at kanna møguleikarnar Men nú ætlar Kringvarp Føroya at gera álvara av at kanna møguleikarnar hjá Føroyum at lut­taka í Eurovision sang­kapp­ ingini, sum flest øll onnur lond í Evropa luttaka í; enntá lond uttan fyri Evropa. - Vit fara at kanna, um vit kunnu blíva lim­ ir í EBU á ein slíkan hátt, sum loyvir okkum at luttaka í Eurovision sang­ kappingini, sigur Ivan Niclasen, stjóri í Kring­ varpi Føroya. - Vit uppfylla treytirnar Fyri at vera limur í EBU skal mann uppfylla public service skyldur uppá allar mátar. Ivan Nicla­sen hevur kannað í hvønn mun Kringvarpið upp­fyllir tær treytirnar, sum EBU ásetur. - Vit uppfylla tær flestu treytirnar, millum annað tí vit eru ein public service støð, sum røkk­ur øllum borgarum í landi­num, og vit hava eina ávísa breidd í okkara út­boði, sigur hann. Tær sjónvarpsstøðir, sum lúka hesar treytirnar, kunnu gerast limir í EBU. Men tað eru trý ymisk sløg av limaskapi í EBU. Mann kann vera heilur limur ella limur við av­ markaðari atgongd. Tað eru hesi viðurskiftini, sum Kringvarpið er í ferð við at kanna fyri at vita, hvat fyri slag av lima­skapi Kringvarpið skal og kann fáa í EBU. Fleiri fyrimunir við EBU limaskapi Kringvarp Føroya sær fleiri fyrimunir í at vera limur í EBU, tí lima­skap­ urin kann koma til góðar á fleiri frontum. Tí um­ framt at kunna vera við í Eurovision, so hevði før­oyski public service stovn­urin eisini fingið atgongd til eina rúgvu av tíðindum og øðrum til­ fari, sum EBU veitir. - Vit hava í løtuni at­ gongd til tilfar frá øðrum veitarum, men um vit høvdu blivið limur í EBU, so hevði EBU kunnað avloyst teir veitararnar, sigur kringvarpsstjórin. At vera við í EBU kost­ ar umleið 1,5 millión í at­ gongdsgjaldi, og síðani kost­ar tað umleið eina hálva millión um árið í rætti­ndum. - Tað hevði verið spennandi Ivan Niclasen heldur tað vera spennandi fyri bæði føroyingar, Kring­varpið og føroyskan tón­leik, um Føroyar í fram­tíð­ini høvdu kunnað verið við í Euro­vision sang­kapp­ ing­ini. - Tað hevði avgjørt verið ein stuttligur tanki, tí vit eiga nógvar góðar tón­leikarar og sangarar. Tað hevði verið ein stór, mennandi og spennandi avbjóðing, og tað hevði eisini verið stuttligt fyri før­oyskar hyggjarar at upp­liva, at føroyingar eisini eru við í Eurovision, sigur hann. Krevur eina føroyska undankapping Um Føroyar skulu luttaka í stórfingnu kappingini, er tað eitt sjálvsagt krav, at Kringvarpið skal skipa fyri einari føroyskari undankapping - einum føroyskum grand-prixi. Ivan Niclasen sigur, at einki talar ímóti at fara undir fyrireikingarnar til Euro­vision luttøku, um Kring­varpið gerst limur í EBU. - Um so er, at vit fáa tann limaskapin sum krevst, so fara vit at ar­ beiða fyri at skipa fyri einari Eurovision undan­ kapp­ing her í Føroyum. Tað hevði óivað borið til, tí vit eru von við at skipa fyri líknandi tón­leika­ kappingum í Føroyum. KRINGVARPIÐ KANNAR MØGULEIKARNAR: ARBEIÐA FYRI FØROYSKARI LUTTØKU Í EUROVISION - Um vit fáa tann limaskapin, sum krevst, so fara vit at arbeiða fyri einari Eurovision undankapping í Føroyum, sigur Ivan Niclasen, stjóri í Kringvarpinum, sum er í ferð við at kanna møguleikarnar fyri føroyskum limaskapi í EBU Í fjør luttóku Carlsen systrarnar í danska grand prixnum Mynd: Henning Bagger / Ritzau Scanpix