týsdagur 23. apríl 2019síða 36

Mikudagur 24. apríl 2019 · Nr. 46 36 Sosialurin Hugskot og viðmerkingar – send sms til 225000 FÓTBÓLTUR Lands­kapp­ing: Skála og B36 taptu á heimavølli, tá ið EB/Streymur lyfti sær úr botninum, og KÍ setti seg á toppin Jóannes Hansen Páskaumfarið í lands­kapp­ ingini tók seg ikki frítt øðrvísi upp, enn tað varð roknað við. Í Fuglafirði varð páska­frið­ urin órógvaður av tíðindunum um, at tað varð mett vera neyðugt at skifta venjaran út. Tíð­ind­ini vóru ógvuliga avmáld, men tað varð sagt, at eitt stig í fimm dystum var orsøkin til, at nevndin helt tað vera best, at ÍF og Hegga Samuelsen, sum í fjør hevði ábyrgdina, tá ið ÍF vann uppflyting, og sum hevur verið ábyrgdarmaður inntil mána­ dagin í dimbildagavikuni, fóru hvør til sítt. Eingin permanent venjara­ loysn er funnin. Tí var tað Ólav­ur Larsen, sum er hjálp­ ar­venjari, ið hevði ábyrgd­ina, tá ið fulgfirðingar skíriskvøld vóru í Runavík. Tað sá leingi út til at ganga væl. Jóhan Petersen legði ÍF framum, tá ið hann sneiddi seg leysan eitt sindur til vinstru í brotsteiginum og sendi bóltin dygst inn við nærru stólpa­rót­ ini. ÍF varðveitti leiðsluna fram til miðskeiðis í seinna hálvleiki, og tað var ikki frítt, at tankin spøkti, at nú vóru ÍF og Ólavur Larsen við at endurtaka tað, sum Ole Gunnar Solskjær og Man­chester United megnaðu, tá ið norðmaðurin var fyri­bils­ settur venjari. ÍF og Ólavur Larsen vóru tó væl styttri í barónasongini, enn Ole Gunnar Solskjær og teir í Manchester vóru. NSÍ var lítið sannførandi, men heimaliðið reisti seg eftir steðgin og vann 3-1. Tað glapp av álvara Skála – EB/Streymur 1-2 Hjá skálamonnum var tað stórt vónbrot, at heimaliðið undir Mýruhjalla stóð eftir við ongum, tá ið dómarin bríkslaði fyri síðstu ferð. Skála hevði í fyrra hálvleiki tríggjar heilt stórar møguleikar at skora, men tað eydnaðist bara at skjóta málið, sum Jákup Johan­ sen skoraði ein minutt undan steðgi­num. Steffan Løkin javnaði til 1-1 beinanvegin eftir steðgin, og so endaði tað við, at inn­skifti Niklas Kruse skoraði sigurs­ málið, so EB/Streymur vann 2-1. -Tá ið vit hava vunnið fyrsta sigurin, so fer tað at gleppa, hevur EB/Streymavenjarin Jákup Martin Joensen fleiri ferð­ir sagt fyrr í ár, tá ið EB/ Streymur hevur tapt við einum máli. Nú vísti hetta seg at vera so, tí undan sigrinum á Skála vann EB/Streymur 5-1 á heima­ vølli ímóti AB. Skálamenn hildu seg ikki hava undirmett grannarnar í EB/Streymi: -Vit spældu okkum til møgu­ leikarnar, sum skulu til fyri at skjóta fleiri mál, men vit vóru ikki nóg neyvir í síðstu send­ ingunum og royndunum ímóti málinum, sigur Skálavenjarin Eyðun Klakstein. Úrslitini ímóti AB og Skála hava við sær, at EB/Streymur hoppaði av aftasta plássi og fram á áttanda pláss, meðan Skála framvegis er næstfremst. KÍ er topplið B36 – KÍ 0-3 Klaksvíkingar vístu skírisdag taktiskt meistaraverk, og teir í árstalsfelagnum vóru ógvuliga vón­brotnir. Teir kendu seg leingi hava tamarhald á spæli­num, men teir megnaðu ikki at fáa hol á. Í seinna hálvleiki vóru teir frustreraðir og høvdu hug at illneitast inn á dómaran, meðan alt gekk fyri seg eftir treytunum hjá væl nøgdu klaks­víkingunum bæði á og kring vøllin í góðveðrinum í Gunda­dali. KÍ hevði øgiliga vakið eyga við Árna Frederiksberg, sum mis­nýtti tvey fríspørk úr góð­um støðum. Tað var ikki hansara dagur, og tað var ikki dagurin hjá B36. 3-0 tapið hjá B36 var merkis­ vert á tann hátt, at hetta var fyrsta ferðin síðani 6. mai í 2017, at B36 er farið av vøllinum uttan at skora. Fyri knøppum tveim­um árum síðani endaði lands­kapp­ingardysturin ímóti EB/Streymi við Margáir mál­ leysur. B36 hevur ikki tapt við trim­ um málum ella meiri enn tað síðani á mikkjalsmessu í 2013. Tann dagin, 29. september 2013, vann NSÍ 4-0 á heimavølli ímóti B36. Hetta var í 24. umfari í 2013. Sigurin ber við sær, at KÍ fram­vegis er ósigrað og topplið. Tølini siga, at tað riggar í báðum endum. Fimm mál eru farin ígjøgnum í seks dystum, og tólv ferðir hava tey í bláu leguni fegnast um skotin mál. Simen Sandmæl, sum setti hol á eftir gott einmansavrik og við fínum skoti, var eyð­ sýndur á sentrala mið­vølli­ num, har hann saman við lið­for­manninum Jákupi B. Andreasen vann nógvar nær­ dyst­ir. Jóannes Bjartalíð, sum eftir stórt mistak í B36 verjuni fram ímóti dystarenda stað­ festi sigurin, var aftur framúr væl upplagdur. Darius Lewis, sum løtu framman­undan var skiftur inn, skoraði 2-0 málið, tá ið hann eftir sending framímillum rann frá miðverjuni og sneiddi fram­ við málverjanum, áðrenn hann trillaði bóltin í málið. Víkingur gjørdi skjótt av TB – Víkingur 1-2 Máltalvan við Stórá í Trongis­ vági vísti framvegis 0-0, tá ið liðini komu á vøllin eftir steðgin. So gekk skjótt, og Víkingur skoraði eftir lítlari løtu tíðliga í seinna hálvleiki málini, sum bóru sigurin við sær. Teitur Olsen, sum ikki hevur spælt higartil í ár, var vikarur í TB miðverjuni í staðin fyri leik­bannaða Poul Ingason. Tað riggaði væl, inntil seinni hálv­leikur var fimm minuttir gamal. So skoraðu veteranarnir Sølvi Vatn­hamar og Adeshina Lawal inn­anfyri tríggjar minuttir. Hetta vísti seg at vera av­ gerandi, hóast TB hevði fleiri møguleikar enn gestirnir og skoraði eitt mál fram ímóti dystar­enda. Enn einaferð var Stefan Radosavjlevic mál­ skjútti. Hesa ferð var tað við lang­skoti. -Víkingur hevði lotið undan í fyrra hálvleiki, og tí høvdu vit møguleikan eftir steðgin, men vit vóru ikki nóg neyvir og gjørdu ov nógv mistøk, heldur TINDARNIR SMOKKAÐU SAMAN