mánadagur 29. apríl 2019síða 20

Mánadagur 29. apríl 2019 · Nr. 48 20 Sosialurin Hugskot og viðmerkingar – send sms til 225000 Jóannes Hansen Støðutalvan haltar í løtuni. Tað verður ikki fyrr enn týskvøldið, at alt verður komið í rættlag aftur. Tá ið síðsta bríksl hevur verið við Løkin í Runavík millum NSÍ og B36 verður støðu­talvan gjørd upp eftir sjey umfør. Fríggjakvøldið hittust Vík­ ingur og B36, og í gjár spældu KÍ og TB og HB og Skála. Tey bæði stóru í Gundadali hava vunnið FM fýra ferðir síðani 2013. Víkingur vann í 2016 og 2017. Annars eru tað HB og B36, sum hava verið meistar­ ar (HB í 2013, B36 í 2014 og 2015 og HB í 2018). Tí kemur tað ikki so ofta fyri, at stóru høvuðsstaðarfeløgini einki stig vinna í einum viku­ skifti. Soleiðis var tað hesa ferð. B36 tapti fríggjakvøldið 1-0 í Gøtu, og HB tapti í gjár 2-0 á heimavølli ímóti Skála, sum eftir kiksaran á heimavølli ímóti EB/Streymi av álvara hev­ur reist seg. 5-1 steypasigur á heima­ vølli ímóti TB og nú 2-0 í Gunda­dali ímóti HB er frá­ boðan um, at skálamenn skulu takast í størsta álvara – bæði í landskappingini og steypa­ kappingini. Tað ber aftur við sær, at tað sær út til at fara at verða trongligt í kapp­ingini um europeisku atgongu­merk­ini, sum HB, B36, Víkingur, KÍ og NSÍ seinastu árini næstan hava havt einarætt at kappast um. KÍ er topplið, og merkisvert er tað, at fjarstøðan frá FM vinnarunum í HB og fram til KÍ er átta stig. Tað var tann tíð, tá ið tað varð sagt, at hjá B36 var tað sum hjá smálombunum. Tey vaksa nógv tíðliga á árinum og út á heystið verða tey slakt­að. Soleiðis hevur tað ikki verið hjá B36 nógvu tey seinastu árini. Henda leiklutin hevur KÍ átt tey seinnu árini. Trý tey undanfarnu árini hevur KÍ tíð­ liga í kappingini átt odda­sessin, men eftir summar­steðgin hevur tað ikki gingið væl. Nú eigur KÍ aftur odda­ sess­in. So fæst at síggja, um tað aftur í ár verður sum hjá smá­lombunum. Sammett við undanfarnu árini hevur tað kring KÍ í ár ikki verið so nógv tosað um FM, sum tað undan­ farnu árini hevur verið gjørt millum viðhaldsfólkini. Tað kann fara at vísa seg at vera fyri­munur. Skála sendi meistararnar í gólvið HB – Skála 0-2 Tað riggar ikki væl hjá HB, og tað riggar væl hjá Skála. Í fjør varð alt, sum HB nært við, til mál og sigrar og gull. Í ár er mótbrekkan væl tyngri, og marginalirnir eru ikki við. Hjá Skála gongur tað sum smurt. Tað sást aftur í Gunda­ dali ígjár. Eftir vón­brotið, sum 2-1 tapið á heimavølli ímóti EB/ Streymi var, hava skálamenn reist seg. Teir møttu upp við sjálvsáliti og í arbeiðsklæðum og við fínum hugburði. -Vit mugu ásanna, at vit eiga trupul­leikar í grundleggjandi spælinum. Vit verja ikki so væl, sum vit gjørdu í fjør. Vit renna ikki so nógv og skilagott fyri hvørjum øðrum í framrættaða partinum, sum vit gjørdu í fjør, og vit vísa ikki hugburðin, sum skal til, um vit skulu vinna nærdystirnar og stríðið um returbóltarnar, staðfestir HB venjarin Heimir Guðjónsson. Tað eru longu átta stig fram til toppin? -Vit kunnu ikki hugsa um annað enn okkara egnu av­ bjóð­ingar. Vit hava bara fokus á, at tað skal verða betri, enn tað hevur verið higartil í ár, og vit rokna við, at við rætta hug­ burðinum og arbeiðs­lag­ num fer tað at eydn­ast, sigur Heimir Guð­jóns­son. Dygst undan steðginum legði Ronni Møller-Iversen, sum var framrættaður í høgru, Skála framum við brotssparkið, sum liðformaðurin Pætur Dam Jacobsen vann. Dómarin metti, at Lasse Andersen feldi Jákup Johan­sen óreguliga í brots­ teigi­num. -Fyrri hálvleikur var tættur og javnur, og tað var ógvuliga kærkomið at fara av vøllinum við 1-0 leiðslu. Fyrsta korterið eftir steðgin hekk spælið væl saman, og tað var fínt álop, tá ið Jákup Johansen eftir gjøgnum­brot í høgru og inn­ legg frá vongverjanum Ari Ol­ sen, økti um leiðsluna. Fram­ rætt­aðu spælararnir ar­beiddu nógv, og tað var við at strongja HB verjuna. Seinna part­in av seinna hálvleiki vóru vit undir trýsti, men verjan var væl skipað, og vit hóraðu und­an, hóast tað onkra løtu var tætt við, at HB skoraði, og støðugt lúrdi møguleikin, at vit kundu fara í mótálop, sigur Skála­ venjarin Eyðun Klakstein. Størsti KÍ sigur í 16 ár KÍ – TB 7-0 Zoran Pavlovic var venjari, tá ið TB í 1998 tapti 10-0 í Klaksvík. Í gjár vóru Zoran og TB aftur í Klaks­vík, og aftur var talan um stórt tap. 7-0 sigurin er tann størsti hjá KÍ í sekstan ár. Klaksvíkingar hava ikki vunnið við sjey málum síðani fjúrtanda sep­ tem­ber í 2003. Tá var tað á heima­vølli ímóti Skála. Trý av málunum í gjár vóru skorað við brotsspørkum. Jóan­nes Bjartalíð, sum var lið­for­maður, tá ið Jákup B. Andreasen longu í fyrra hálvleiki fór av vøllinum, skoraði tvær ferðir og er topp­ skjútti. Patrik Johannesen um­setti eitt brotsspark til mál ímóti barndómsfelagnum. Hetta var fyrsta málið hjá Patrik Johanne­sen í lands­ kapp­ing­ini fyri KÍ. Deni Pavlovic, sum eftir skaðasteðg var aftur í KÍ mið­ verjuni, stútaði eftir horna til 2-0. Hann er sonur TB venjaran, og hvørki hann ella Patrik Johannesen høvdu hug at fegnast so nógv, tá ið teir høvdu skorað. Boris Dosljak skoraði eitt mál úr stuttari fjarstøðu við handara stólpa, eftir at Ólavur Niclasen úr vinstru og við langari og neyvari sending hevði spælt hann púra leysan. -Tað var týdn­ingar­ mikið, at vit varðveittu leikferðina og harvið megnaðu at spæla okk­um til møguleikar og at skora mál. Spælararnir eiga rós fyri, at teir varðveittu góða hug­burðin, hóast vit í fyrra hálv­leiki vóru frammanfyri 4-0, sigur KÍ venjarin Mikkjal Thomas­sen. -Vit mugu bara staðfesta, at hesir báðir síðstu túrarnir norðan­fyri hava ikki verið góðir. Fyrst taptu vit í steypa­ kapp­ingini 5-1 á Skála, og nú taptu vit 7-0 í Klaksvík. Vit hava staðið okkum væl á heimavølli, og tað vóna vit aftur fer at eydnast, tá ið NSÍ kemur suður, sigur TB álopsspælarin Stefan Radosavljevic. Lagið er gott í Sarpugerði Víkingur – B36 1-0 Tað var eitt lot, og í løtum var tað eitt sindur tilvildarligt fríggja­kvøldið, tá ið útsetti dyst­ ur­in millum Víking og B36 var á FÓTBÓLTUR Skálasigurin ímóti meistarunum bendir á, at tað er góður møguleiki fyri, at tað vera fleiri um boðið at vinna europeisku atgongumerkini GUNDADALUR VOLAÐUR FYRI FYRSTU FERÐ Í ÁR