týsdagur 30. apríl 2019síða 6

Mikudagur 1. mai 2019 · Nr. 49 6 Sosialurin Hugskot og viðmerkingar – send sms til 225000 TÍÐINDI Hevur telvað væl og siglt millum skerini Samgongan heldur valskeiðið út og tingið fer heim fríggjadagin Árni Gregersen arni@sosialurin.fo GREINING: Løgtingið fer til hús fríggjadagin og kemur so ikki saman aftur fyrr enn ólav­ søkudag. Soleiðis sær støðan út í skriv­andi stund, men í politikki kann alt henda, so stingur okk­ urt mál seg upp, so kann støð­ an broytast ógvuliga knapp­ liga. Eftir at hava brotið eina av­ talu við uttanflokkating­mann­ in Magna Laksáfoss, er greitt talan um eina minniuluta­sam­ gongu, sum kortini ikki hevur ein meirluta í tinginum ímóti sær. Tað vil siga, at samgongan hev­ur torført við at fáa egin upp­skot samtykt, men hin­ vegin hevur andstøðan heldur ikki nóg nógvar atkvøður at koppa samgonguni – møguliga við einum misálitisuppskoti á løgmann. Støðan er fastlæst, men fyri at koma víðari og fáa væl í aug­ust mugu avtalur gerast um, hvussu víðari skal farast fram. Á einum fundi millum allar floksformennirnar var av­ gjørt, at víkjast kann frá tíðar­ freist­ini í nøkrum málum. Talan er um mál, sum ikki kunnu bíða. Talan er um eyka­ játtanina til Landssjúkrahúsið og um eykajáttan til Glasir, so skúlin kann gerast liðugur. Bárður Nielsen, formaður í Sambandsflokkinum, sigur, at avtala er gjørd við sam­gong­ una um at víkja frá tíðar­freist­ un­um í hesum málum, men and­støðan hevur kortini ikki av­talað at atkvøða saman við sam­gongu ni í hesum málumn. Tá ið avtornar, fer tað at vísa seg, at meira enn hálvt­ hundrað mál fara at liggja eftir í nevndum, tá ið tingið fer heim og tingsetan endar. Politikkur Andstøðan hevur sjálvandi eis­ini fingið okkurt afturfyri og tað eru onkur mál, sum and­ støð­an vil hava avgreidd í ting­ in­um áðrenn tingið fer heim. Seinastu tingdagarnir und­ an einum vali eru ofta eitt sind­ur kaotiskir og serliga, tá ið talan er um eina minni­luta­ sam­gongu. Onnur mál koma eisini fram. Uttanflokkatingmaðurin Magni Laksáfoss segði her í blaðnum mánadagin, at hann ætlar sær at fara uppí Fram­ sókn og stilla upp fyri flokkin. Hetta er ein útmelding, sum kanska alalrbest lýsir, hvussu støðan kann broytast í polit­ ikki. Magni Laksáfoss fór úr Sam­bandsflokkinum og vil nú sleppa at stilla upp fyri tjóð­ skap­arflokkin Framsókn. Sæð úti frá er talan um eina ómøguliga blanding, sum hevði skaðað trúvirðið hjá Fram­sókn og hjá Magna Laksá­foss sjálvum. Vænti tí ikki, at hetta fer at gerast vedruleiki. Meira sann­ líkt er, at Magni Laksáfoss stend­ur einsamallur eftir á vig­vøllinum, tá ið val verður. Ivist í um pláss er fyri honum í nøkr­um av flokkunum, sum nú eru umboðaðir á tingi. Væl er telvað Hyggja vit eftir, hvussu gongd­ in hevur verið í hesum val­ skeiðn­um, so hevur tað verið rættuliga buldrasligt, serliga orsaka av lógini um Fyrisiting av Sjófeingi. Innanhýsis hjá samgonguni hevur brotið í bæði borð, men kortini er tað eydnast samgonguleiðarunum – og serliga Akseel V. Johanne­ sen, løgmanni – at sigla millum sker­ini og fáa tær 17 atkvøð­ur­ nar hjá samgonguni og Sonju Jógvansdóttir, at trýsta á sama knøttin hvørja ferð. Nú hesar seinastu dagarnar hevur hann eisini telvað so mikið væl, at hann er sloppin undan at verða trýstur upp í eitt horn og verið noyddur at út­skriva væl. Í Danmark verður gitt, at fólka­tingsvæl verður 26. Mai. Tað er ein sunnudagur, so tá ber ikki til at halda løgtingsval í Føroyum. Tað er heldur ikki nakað ynski millum føroysku flokkarnar at hava fólka­ting­ val og løgtingsval sama dag. Í Føroyum fer tingið til hús fríggjadagin og fyri at venda aftur til tað, sum eg byrjaði við: tá ið tingfólk so hittast í tingsalinum eftir skrúð­gong­ una ólavsøkudag, fer løgmaður helst at boða frá, at væl verður ein dag í seinastu vikuni í aug­ ust. Magni Laksáfoos, utttanflokkatingmaður, fer helst at standa einsamallur eftir á vígvøllinum, tá ið væl er útskrivað. Løgmaður hevur dugað at telva og sigla millum sker. Bárður S. Nielsen, formaður í Sambandsflokkinum, og restin av andstøðuni hava gjørt avtalu um nøkur mál, har víkjast kann frá tíðarfreistini.