týsdagur 30. apríl 2019síða 12

Mikudagur 31. apríl 2019 · Nr. 49 12 Sosialurin Hugskot og viðmerkingar – send sms til 225000 Tróndur Arge – Í hólmanum, Eiði Gleðin er ikki til at taka feil av. Knýttir nevar og arm­ar­ nar upp um høvd. Eiler Ras­ mussen hevur bríkslað fyri sein­astu ferð í dystinum, og ÍF hevur vunnið fyrsta dyst­in í ár. Ólavur Larsen er nú fyribils høvðusvenjari, men mána­ kvøldið verður hann stuðlaður av nýggja venjara­toym­inum hjá fuglfirðingum, Hans Jørgen Djurhuus og Kára Reynheim. Eitt stríðssinnað ÍF-lið hevur vunnið 2-0 á EB/Streymi á Eiði. Undangongumenninir eru ungu Jóhan Petersen og Sámal Joen­sen, meðan royndir menn sum Høgni Madsen, Karl Løkin og Ólavssynirnir Ari og Jan eiga sín stóra lut. Rokaligt venjaraskiftið Tað hevur verið nakað av rokið í Fuglafirði seinastu dagarnar. Tað kom óvárt á, tá nevndin hjá ÍF mikudagin 17. apríl brádliga boðaði frá, at felagið hevur koyrt venjaran Jógvan Hendrik ”Hegga” Samuelsen. Sum skilst, hevur verið ósemja í nevndini avgerðina at koyra venjaran. Sosialurin hevur fingið upplýst, at tað fór til atkvøðu og trý vóru fyri, meðan tvey vóru í móti. For­ maðurin í felagnum, Dan Peter­ sen, hevur ikki ynskt at gera við­merkingar, tá útvarpsstøðin FM1 hevur verið í samband við hann. Nevndin boðaði í stuttum frá á heimasíðuni, at felagið ikki ynskir at gera fleiri viðmerkingar til málið. Fríggjakvøldið var Hans Jørgen Djurhuus gestur í Fót­bólts­panelinum, sum er sending á FM1, har hann heldur óvæntað tippaði ÍF at vinna á Eiði. Hann var tá longu í sam­ ráði­num við ÍF, um at blíva nýggur venjari í felagnum, men vildi hava ein royndan mann afturat sær. -Eg ynskti at hava ein venjara við, sum eg kann stóla upp á. Eg ringdi til Kára Reynheim og hann segði ja beinanvegin. Eg vóni eisini, at Ólavur Larsen heldur fram, so vit eru tríggir í venjaratoyminum. Tað ger at vit kunnu hava servenjingar, og tú fær fleiri eygu og meiningar, sigur Hans Jørgen Djurhuus. Sjálvur hevur Hans Jørgen Djurhuus ikki A-venjara­prógv­ ið hjá Fót­bólts­sam­bandi­n­ um, men er í holt við venj­ ara­út­búgvingina. Hóast ÍF lá aftast undan hes­um dysti­ num, so ivaðist fyrr­ver­andi stríðsmaðurin hjá Víkingi ikki í, at taka av. - Eg ætli mær at verða venjari og fekk bjóðað eitt starv í Betri- deild­ini, so eg ivaðist ikki eina løtu. Eg bleiv stoltur, tá teir ringdu. Eg eri ikki bangin fyri at taka uppgávur á meg, og tað havi eg ongantíð verið, sigur Hans Jørgen Djurhuus. Ongin sjampagna og einki Tiki-Taka Tað sást á øllum brøgdum, at fuglfirðingar spældu við nýggj­ari orku mánakvøldið. Eitt nú ósigarnir móti AB í landskappingini og 1. deildar­ felagnum B71 í steypa­kapp­ ingini, góvu tekin um eitt lið við lítlum villskapi og vilja. - Eg venji líka sum eg spæli og tað skulu vit eisini. Tað skal vilji og orka til at vinna dystir. Soleiðis skulu vit eisini venja. Síðani fara vit at byrja við verjuni. Vit lata ovn ógv mál inn, sigur Hans Jørgen Djur­huus og leggur afturat: - Vit kunnu ikki byrja við sjampagnu-fótbólti og Tiki-Taka, men vit mugu byrja frá verjuni av og byggja upp, sigur nýggi venjarin hjá ÍF. Sjampagnu-fótbóltur verður mangan sagt um álopskendan fót­bólt við lítlum fyriliti fyri verju­partinum, meðan Tiki- Taka er ein spælistílur, har liðið hevur nógv við nógvum stuttum avleveringum. Hugsar ikki um niðurflyting Undan dystinum móti EB/ Streymi lá ÍF aftast við einum stigi fyri seks dystir. Tey flestu hava teir sum favorittar at flyta niður aftur, men eisini eru flest øll samd um, at tað er góðir og royndir spælarar í hópi­num. Sjálvur undrast Hans Jørgen á, at nakar hugs­ar um niður­flyt­ing so tíð­liga. -Spælararnir skulu ikki hugsa um niðurflyting ella nakað nú. Tað eru 21 dystir eftir, og teir skulu bara hugsa um komandi dyst. Tað er nógv stig eftir at spæla um, sigur Hans Jørgen Djurhuus. Tað er ikki uttan orsøk, at spælararnir hjá ÍF hava verið nakað tungir í seinastuni. Lið­ ið hevur spælt 17 dystir í ár, um vit telja landskapping, venj­ing­ ar­dysir og steypadystir, men ongin er vunnin – fyrr enn í 18. royndini mánakvøldið. - Eg haldi at vit spældu væl. Teir hava ikki vunnið í 17 dystir við venjingardystum, og tað kann seta seg í høvdið. Tí eri eg eyka stoltur vegna spælararnar av sigrinum. Ólavur Larsen hevði gjørt eitt gott forarbeiði. Vit vildu ikki ordiliga broyta nakað beint áðrenn dystin, men tá vit eru nýggir og koma inn í skiftirúmið, so lyfta spælar­ arnir seg. Tað hendir ofta, tá nýggir venjarar koma til, sigur Hans Jørgen Djurhuus. Sáttmálan hjá Hans Jørgen Djur­huus og Kára Reynheim er fram til kappingarenda. Teir hava ikki sett nakrar treytir við, men arbeitt verður við at fáa spælarar sum Boga Reinert-Petersen, Høgna Zachariassen og Frank Poulsen aftur á vøllin. -Bara har eru einir túsund dystir í bestu deildini, sigur Hans Jørgen Djurhuus at enda. ÍF hevur við sigrinum vunn­ ið seg upp á fýra stig, sum er nokk til at yvirhála AB, ið hevur trý stig á aftastaplássi. trondur@sosialurin.fo FÓTBÓLTUR Fótbóltur Dysturin hesa vikuna... Hans Jørgen: ARI AFTUR Á MÁLTALVUNI Ari Ó. Ellingsgaard, sum í fyrru hálvu í fjør var útleigaður til júst EB/Streym, skoraði mánakvøldið sítt fyrsta mál í hesum kappingarárinum. Málverjin hjá EB/ Streymi kom at standa nakað langt úti, tá Ari kundi lyfta bóltin í málið til 2-0. Hans Jørgen Djurhuus er saman við Kára Reynheim í nýggja venjaratoyminum hjá ÍF, sum mánakvøldið fekk ársins fyrsta sigur. Nú er málið at fáa orku og villskap á liðið -VIT VENJA SUM VIT SPÆLA Vit kunnu ikki byrja við sjampagnu- fótbólti og Tiki-Taka, men vit mugu byrja frá verjuni av og byggja upp