týsdagur 30. apríl 2019síða 56

Mikudagur 30. apríl 2019 · Nr. 49 8 Sosialurin Hugskot og viðmerkingar – send sms til 225000 Bilar Vilmund Jacobsen HH Flutningur, sum May- Britt Holm og maður hennara, Henning Holm í Vági, eiga og reka, er í Havn tríggjar ferðir um vikuna, mánadag, miku­ dag og fríggjadag. - Okkara flutn­ings­ tænasta tekur vørur við úr Havn og koyrir tær upp á pláss í Suðuroy. Alt eftir, hvussu átrokandi vør­urnar eru, verða tær koyrd­ar upp á pláss í Suður­oy sama kvøld - og í seinasta lagi dagin eftir. May-Britt Holm, stjóri í HH Flutningi, sigur, at tá talan eitt nú er um apoteks­vørur, vørur til verk­støð, virkir og ymiskt annað, verður slíkt átrok­ andi altíð koyrt til dyrnar í Suðuroy sama dag. - Tað kunnu vera ymisk­ar orsøkir til, at okkara viðskiftafólk vilja hava vøruna sama dag, og í slíkum føri verður tað gjørt. Í øðrum førum fáa viðskiftafólk vøruna til dyrnar í seinasta lagi dagin eftir, sigur hon. Flutningur báðar vegir Tað er gjarna minni flutn­ing­ur úr Suðuroy og norð­ur eftir, enn tað er úr Havn og suðureftir. - Men, okkara flutn­ ings­tænasta gongur sjálv­sagt báð­ar vegir og fólk, fyri­tøk­ur, stovnar – ella hvør tað nú kann vera – eru altíð hjartaliga vælkomin at spyrja seg fyri. May-Britt Holm sigur, at HH Flutningur fer úr Suðuroy og norður við Smyrli fyrsta túr á morgni og síðan suður aftur mánadag og miku­ dag klokkan 16 – og fríggja­dag klokkan 13. - Øll, sum hava brúk fyri flutningi millum Suður­oy og meginøkið eru hjartaliga vælkomin at venda sær til okkara á tlf. 283284. Hon vísir á, at báðir teir stóru bilarnir, sum fyri­tøkan hevur, hava lyftu, harav annar – hin stóri reyði – eisini hevur kerru ella innilokaðan vogn, sum verður krøktur uppí bilin. - Haraftrat hava vit ein minni vørubil, og hesin verður brúktur til lættari flutn­ing. Vørubilurin verður eisini brúktur, tá vørur eitt nú skulu til Hvalbiar ella Sandvíkar, tí stóru bilarnir eru ov høgir at koyra ígjøgnum Hvalbiartunnilin, leggur May-Britt Holm aftrat. Tóku yvir í fjør Tað var hin 18. juni í 2018 – ella fyri einum sløkum ári síðan – at hjúnini tóku yvir Suðuroyarleiðina. Henning Holm hevur drúgvar royndir í koyr­ ing. Hann hevur havt koyri­kort til lastbil og trailara síðan 1999 og hevur koyrt heilt síðan tá. Tá hjúnini yvirtóku flutn­ingstænastuna, vóru tað nakrir fastir kundar, sum fylgdu við, og síðan hava tey roynt at vaksið um fyritøkuna. - Her eru eisini vakstr­ ar­møguleikar, men í løtuni standa vit og mangla ein bilførara til tað, sigur stjórin. May-Britt Holm vísir á, at ein stórur partur av flutninginum um Suður­ oyar­fjørð er fyri við­ skifta­fólk, sum keypa ymiskt í stórhandlunum í Havn, og tað kemur eisini fyri, at tey heinta ymiskt brúkt, sum fólk keypa. - Vit hava eisini sam­ starv við aðra flutn­ings­ fyri­tøku, sum ikki so ofta er í Suðuroy, leggur hon aftrat. HH Flutningur hevur eisini gjørt onkrar væl­ gerandi tænastur, og í fjør heyst koyrdu tey soleiðis 318 skógvaeskjur fyri Christmas Child ókeypis úr Suðuroy til Havnar. - Vit gleddust um at kunna geva okkara íkast til eitt gott og vælgerandi enda­mál, sigur May-Britt Holm. HH Flutningur í Suður­oy er eisini at finna á Facebook undir navni­ num hjá fyritøkuni. HH Flutningur tekur sær av flutningi um Suðuroyarfjørð - Øll, sum hava brúk fyri flutningi millum Suðuroy og meginøkið og í Suðuroy annars, eru hjartaliga vælkomin at venda sær til okkara, sigur stjórin í HH Flutningi, May-Britt Holm - Báðir teir stóru bilarnir hava lyftu, harav annar eisini hevur kerru ella innilokaðan vogn, sum verður krøktur uppí bilin, sigur May-Britt Holm, stjóri í HH Flutningi