týsdagur 30. apríl 2019síða 62

Mikudagur 30. apríl 2019 · Nr. 49 14 Sosialurin Hugskot og viðmerkingar – send sms til 225000 Bilar Vilmund Jacobsen Navnið á fyritøkuni, sum varð skrásett í okto­ber mánaði í fjør, er West­ Clear. Tænastan vendir sær ikki bara til eldri bilar við skøvum og ljót­ um lakki, men eisini til nýggjar bilar, tí tað eru eisini nógvir nýggir bilar, sum kunnu hava smáar skøvir. - Vit arbeiða í einum stórum bilhúsi á umeið 80 fer­metrar, og hetta er á adressuni Hornavegur 22 í Vestmanna – ella beint yvirav, har vit búgva. Trígg­ir bilar kunnu standa í bilhúsinum í senn, men tá verður tað heldur trongligt at arbeiða. Vit plaga tí at siga, at tveir bilar í bil­ húsi­num er tað optimala, sigur Tóri Thorleifsson. Hann vísir á, at høvuðs­ vøran í øllum arbeið­num er fantastiska góða og sterka keramiska lakk­ verjan, NL272, sum hon kallast. Við røttu undan­ við­gerðini við vasking og polering fáa viðskiftafólk ein bil heimaftur, sum eftir mínum tykki er bæði vakrari og blankari enn, tá hann var nýggjur. - Í fyrsta lagi verður bil­urin ógvuliga væl vask­aður, og hann verður vaskaður upp til fleiri ferðir. Síðan verður hann poleraður, soleiðis at skøvur og steinsløg ikki síggjast meira – og at enda fær bilurin keram­ isku lakkverjuna, sum hevur fleiri ára livitíð. Tóri Thorleifsson sigur, at tá viðgerðin, sum tekur nakrar dagar til­samans, er liðug, hava fólk ein bil, sum bæði er skín­andi, er væl vardur móti vindi og veðri og sum verður sera lættur at vaska tey næstu árini. Hetta er bakgrundin - Søgan aftan fyri okkara virksemi er, at pápi mín, Remi Thor­leifs­ son, arbeiddi sum bil­ mekanikari í eini 30-35 ár, har hann eisini hevði bila­ verk­stað sjálvur. Hann ar­ beiddi nógv við at polera og lakkera bilar og kennir tískil til alt, sum hongur uppi í hesum. Tóri Thorleifsson vísir á, at sum tíðin leið fór pápin aðrar leiðir, og sein­ astu árini sigldi hann. - Leingi hevur hann leitað eftir einari lakk­ verju, sum er nógv betri enn tað vanliga boni­ voksi, sum flestu kenna. Tá hann at enda fann keramisku lakkverjuna NL272, sum hann sjálvur síðan royndi í næstan trý ár, sá hann, at júst henda lakk­verja er nakað heilt fyri seg. Tað er nevniliga so­leið­ is, at NL272 bindur seg til lakkið á bilinum á ein heilt øðrvísi og betri hátt enn tað, vit vanliga kenna. - Bitlarnir í NL272 eru so evarska smáir, og undir við­gerðini detta teir eisini niður í mikroskopisku skøv­ir­nar og binda seg so­leið­is á ein heilt annan hátt til billakkið, sigur hann. Tóri Thorleifsson vísir á, at eftir at hava keypt hesa lakkverju heim fyri 3-4 árum síðan, og eftir at hava roynt hana á egn­ um bili í næstan trý ár, gjørdu feðgarnir av at gera nakað við hetta. - Hetta er líka sum søgan aftan fyri ta við­ gerð, sum vit veita í fyri­ tøk­uni, WestClear. Eftir við­gerðina við hesi lakk­ verju, verður bilurin stand­andi í einar 48 tím­ ar, meðan lakkverjan herð­ist. Hann sigur, at teir koyra slett ikki bonivoks á bilin, men bilurin verð­ ur, sum áður nevnt, bæði væl vaskaður og poler­ aður, áðrenn við­gerðina við lakk­verjuni. - Tað eru nógvir nýggir bilar, sum hava smáar skøvur, og ert tú góður við bilin, kann tað vera skilagott at taka hesa lakk­verju beinanvegin. Van­liga tekur tað fólki ein ella tveir tímar at vaska ein bil rímiliga reinan, men eftir viðgerðina við hesi lakkverju styttist vaski­tíðin niður í einar 30 minuttir, og tá er bilurin gull­reinur. Bara dygdararbeiði Tóri Thorleifsson sigur, at ein slík viðgerð, sum WestClear í Vestmanna bjóðar, tekur einar 4-5 dagar, men alt veldst um, hvussu nógv er at gera við bilin. - Vit vilja gera arbeiði væl, og tískil verður arbeiðið ikki skundað ígjøgn­um. Vit brúka heldur ein dag meira, tí í fyrsta lagi skulu vit sjálvir vera nøgdir við av­ rikið. Tá vit eru nøgdir, eru viðskiftafólkini eisini nøgd, og tað er jú enda­ mál­ið við okkara tæn­as­ tu. Hann ásannar, at úrs­litið við keramisku lakkv­erjuni hevur verið so mikið gott, at tað er næstan ov gott til at vera veruleiki, sum hann tekur til, men hetta er veruleiki, stað­festir hann. - Umframt at viðgera bilar á WestClear, hava vit eisini nethandil – www.westclear.dk – har henda vørar umframt ymiskar aðrar vørur verða seldar, sigur Tóri Thorleifs­son. Tey, sum vilja vita meira um virksemið hjá feðg­unum í Vestmanna, kunnu ringja á tlf. 217621 ella á tlf. 260020. WestClear í Vestmanna ger bilarnar sum nýggjar Í Vestmanna hava feðgarnir, Remi og Tóri Thorleifsson, eina spennandi fyritøku og tænastu, sum vendir sær til teirra, ið eru góð við sínar bilar og vilja hava teir at vera vakrar og haldbarar leingi – ja, í fleiri ár