hósdagur 2. mai 2019síða 28

FRÍGGJADAGUR 3. MAI 2019 SOSIALURIN 50 28 ÍTRÓTTUR TRÓNDUR ARGE – VIÐ LØKIN, RUNAVÍK N SÍ hevur við sínum fjórða sigri upp í slag - við Løkin - blandað seg upp í oddastríðið. Við málum frá Jann Martini Mortensen og Pól Jóhannusi Justinussen vinnur NSÍ 2-1 á B36, og kemur upp á 13 stig. B36 stendur eftir við 12 stigum eftir sjey umfør. Tað eru tey somu 12 stig­ini, sum liðið hevði eftir fýra umfør. Meðan Jens Martin Knudsen og NSÍ-legan fegnaðust um sigurin mánakvøldið, so er lagið verri í B36-leguni, har Jákup á Borg, venjari, setir spurnartekin við fleiri partar av spælinum hjá sínum monnum. -Eitt er at vit mangla nakrar lyklaspælarar, men tá vit so heldur ikki vinna nærdystirnar, ella fáa fatur á leysu bóltunum, so verður tað torført, sigur Jákup á Borg. Rótut frá einum enda í annan NSÍ-liðið líktist sær sjálvum. Bárður J. Hansen er tøkur aftur. Tað merkir, at Pætur Hentze spælir á vinstra bakki, meðan Pól Jóhannus Justinussen er fluttur fram á miðvøllin. Jannik M. Olsen byrjaði á vinstra vongi, meðan Petur Knudsen er við aftur á bonkinum, eftir at hava verið skaddur. B36 er uttan Erling Jacobsen og Alex Mellemgaard í verjuni. Tað merktist væl á spælinum, at B36 ikki hevur hegnið at fáa bóltin fram í føturnar á Lukasz Ciesle­wicz og Brian Jakobsen. Fyrri hálvleikur er rótutur og tað mesta fyrigongur á miðjuni, har menn takla, skumpa og gera ha­r­til eitt ótal av feil­av­lever­ing­ um. Ljóspunktið í fyrra hálvleiki kemur, tá Árni Frederiksberg send­ir fríspark beinleiðis í málið úr 25 metrum. - Hatta hava vit lært hann, sigur Jens Martin Knudsen bros­andi eftir dystin og leggur afturat: - Vit kenna væl Árna her inni. Vit royndu at lat vera við at gera frí­spørk, men tað eydnaðist ikki og tað kostaði dýrt í hasum føri­ num, sigur fyrrverandi lands­ liðs­kempan. NSÍ vinnur dystin Seinni hálvleikur er bara tveir minuttir gamal, tá Jann Martin Morten­sen javnar til 1-1. Bólturin kem­ur innfyri úr vinstru, og so er gløggi miðvallarin fyrstur at hála bóltin til sín. Tætt undir máli­num kann hann heldur lætt­liga skora til 1-1. Síðani liggur dysturin á vippu­ni til eitt stórt korter er eftir. NSÍ hevur munin, tí B36 fær ikki spælt seg til mál­møgu­ leik­ar, meðan NSÍ tykist hava eitt sindur meiri av tyngd í álops­spælinum. Úrslitið er, at Klæmint A. Olsen royndir seg við skoti, sum tó endar við at blíva eitt frá­líkt innlegg til Pól Jóhannus Justinussen, sum kann stúta bóltin í málið til 2-1. Stutt seinni fær hann aftur møgu­leikan, tá hann stendur leysur í brotsteiginum eftir frí­ sparks­innlegg, men hesa ferð fer bólt­urin uppum. B36 roynir seg við fleiri long­um sendingum seinastu løtuna, men tað var ikki ætlanin. Ein skift­ing í miðverjuni ger, at eitt nú Jónas Tór Næs end­ar á vinstra bakki. Tveir ungir mans enda á høgru síðu í verjuketuni, og tað gongur illa at fáa spælt bóltin í føturnar á serliga Lukasz Cieslewicz. Tá so Brian Jakobsen heldur ikki megnar at takast við Odd Høj­gaard í verjuni, so eru bara nakrar hendingastøður eftir. Eitt nú tá Michal Przybylski vil hava brotsspark, tá hann er innan­fyri verjuna hjá NSÍ, men Lars Muller dømur ikki. NSÍ omaná Tað sæst á spælarametingunum, at NSÍ er omaná leikliga. Teir gera minst líka nógv mistøk við bóltinum sum gestirnir úr høvðus­staðnum, men koma fram til størri møguleikar, meðan B36 ikki megnar at revsa tey mis­tøkini, ið NSÍ ger. Miðverjan hjá NSÍ er aftur sann­ førandi, har serliga Oddur Høj­ gaard slapp at vísa seg fram, tá B36 sendi høgar bóltin innfyri. Á vinstra bakki var Pætur Hentze sannførandi, meðan Bárður J. Hansen so smátt er við at koma fyri seg. Pól Jóhannus Justinussen stríddist allan dystin á miðvøllinum, meðan Peder Nersveen og Jann Martin Mortensen á hvør sín hátt settu sín dám á dystin. Peder við at lesa nógvar av sendingum hjá B36 á miðjuni, og Jann Martin við at skora. Við sigrinum hevur NSÍ 13 stig á fjórða plássi, og hevur meldað seg í FM-stríðið. B36 undir miðal Tað sæst væl á liðnum hjá B36, at ein spælari sum Alex Mellemgaard ikki er við. Tað gongur illa at fáa spælt bóltin upp á miðjuna við tí sannføring, sum argjamaðurin plagar at gera. Lukasz Cieslewicz er ikki har hann hevur verið fyrr, og bleiv ikki hjálptur av vantandi uppspælinum. Árni Frederiksberg er sum altíð vandamikil, men hetta var ikki hansara besti dystur. Brian Jakobsen hevði stórar trupulleikar í álopinum, meðan restina av liðnum var undir miðal meginpartin av dystinum. Við triðja ósigrinum á rað er B36 dottið úr topp fýra, og er ikki við í kappingini um Løgmanssteypið. Pílarnir peika skeivan veg, men skráin sigur, at B36 møtir trimum av botnliðnum á heimavølli í teimum komandi fýra umførunum. TRONDUR@SOSIALURIN.FO Fótbóltur Dysturin hesa vikuna... B36 fall fyri fjórðu ferð: JÁKUP Á BORG IKKI NØGDUR Hetta er tungt. Eg veit ikki nær tað hevur verið so tungt í so nógvar dystir. Tað eru ov nógv ting hjá okkum, sum halta í løtuni. Eitt er at vit hava nógvar týdningarmiklar spælarar, ið eru skaddir, men tá vit heldur ikki hava tað, sum skal til at vinna nærdystirnar og leysu bóltarnar, so vinna vit ikki, sigur Jákup á Borg. NSÍ VINNUR VIÐ LØKIN Vit royndu at lat vera við at gera frí­ spørk, men tað eydnaðist ikki og tað kostaði dýrt Fjórða dystin upp í slag stendur B36 eftir við ongum, meðan NSÍ hevur vunnið fýra teir seinastu dystirnar við Løkin. – Her skal verða næstan ógjørligt at fáa stig frá okkum, sigur Jens Martin Knudsen, hjálparvenjari hjá NSÍ