mánadagur 6. mai 2019síða 20

Mánadagur 6. mai 2019 · Nr. 51 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Argir Tað er toppur móti botni, tá spælararnir hjá KÍ og AB renna inn á vøllin inni í Vika á Argjum. Heimaliðið liggur niðast á stiga­talvuni, og hevur latið flest mál inn í landskappingini í ár. Mótstøðuliðið er ovast á stigatalvuni, og hevur skot­ið flest mál í hesum kapp­ingar­ árinum. Hartil hevur KÍ vunnið seks teir seinastu dystirnar, meðan AB hevur tapt seinastu seks landskappingardystirnar. Skaðalistin hjá AB telur spælarar sum Heðin Stenberg, Bárð Olsen, Jákup Paula Breck­ mann, Jobin Drangstein, Rógva Poulsen og Hørð Tórsson, meðan Leivur H. Joensen er brutur­staddur. KÍ hevur Deni Pavlovic aftur í miðverjuni, meðan Ísak Simonsen er við aftur, eftir at hava sitið yvir við leikbanni. Hann byrjar á bonkinum. Tað skal ein bjart­ skygdur argjamaðurin til, fyri at finna ein heimasigur við hes­ um fortreytunum. Minni munurin Í fyrra parti av fyrra hálvleiki er minni munurin á liðnum. Argjamenn arbeiða hart, har ungu Bartal S. Petersen og Ragnar Skála liggja fremstir. KÍ hevur hug at seta seg á spælið, men tað eydnast ikki ordiliga at fáa spælt AB umkoll. Tá næstan ein hálvur tími er spældur, byrja argjamenn eisini at hótta. Tvær ferðir koma teir í góðar støður upp á umstillingar, men sigandi fyri avrikið hjá heimaliðið, sum verður Kristian Joensen ongan­tíð noyddur at traðka til. Í hinum endanum blíva klaks­víkingar meiri og meiri nær­gangandi. Tað er fleiri ferðir brúk fyri málverjanum, Mattias Lamhauge, sum er leig­aður úr HB. Tá 34 minuttir eru spældir gongur ikki longur. Patrik Johannesen leggur inn­ fyri úr høgru, har Boris Dosjlak líka setur høvdið á bóltin, sum endar í málinum. Tá farið verður til hálvleiks er fram­ vegis møguleiki fyri ein­um spennandi dysti. Fimm avgerandi minuttir Seinni hálvleikur er bara fimm minuttir gamal, tá alt er av­ gjørt. Í báðum førinum er tað Patrik Johannesen, ið skorar í opnum spæli. Higartil hevur hann bara skorað eitt mál í landskappingini, sum var upp á bortsspark í 7-0 sigrinum á TB. Hesa ferð er hann fyrstur á, eftir at eitt innlegg endar á tvørstongini og snýtir mál­ verjan. Tvøramaðurin er gramm­ur og smekkar bóltin í net-takið. Minuttin seinni verð­ur hann spældur inn um verjuna hjá AB. Hann roynir at vera ósjálvsøkin og spæla upp á tvørs, men verjuspælarin hjá AB tveitir seg fyri. Tað endar við, at Patrik Johannesen blív­ur púra leysur, tí málverjin verður snýttur av taklingini, og so er 3-0 og alt er avgjørt. KÍ kundi í fleiri førum havt økt, men tað verður bara til tað eina málið, sum innskifti Stein­bjørn Olsen skorar við stútara tætt undir málinum. Við sigrinum hevur KÍ lagt seg fýra stig fremst, eftir at nærmasti kappingarneytin, Skála, tapti á heimavølli móti Víkingi. Mikkjal fegnast Venjarin hjá KÍ, Mikkjal Thomas­sen, er nøgdur við av­ rikið og við byrjanina, sum felag­ið hevur fingið. -Óansæð hvussu ringum skørð­um AB er í, so er tað altíð tor­ført á Argjum. Teir stríðast og geva okkum góða mótstøðu. Eg havi virðing fyri teimum, sigur Mikkjal Thomassen, sum er nøgdur við avrikið hjá sín­ um monnum, hóast tað er ein løta, har argjamenn hótta við skjótálopum. -Vit blíva kanska nakað ótolnir eina løtu, men eg fái sam­skift inn á vøllin og vit fáa loyst tað. AB arbeiða hart og eru kompaktir, men vit finna rúm og eg eri nøgdur við hvussu vit loysa hendan dystin, sigur venjarin hjá KÍ. Higartil hevur Patrik Johanne­sen bara skorað eitt mál í landskappingini. Í gjár fekk hann tvey og kundi fingið okkurt afturat. -Eg havi allatíð sagt, at eg eri nøgdur við Patrik og at hann bara skal blíva við. Sjálvandi er tað týdningarmikið at hann eisini fær tvey mál, og hann kundi fingið fleiri, sigur Mikkjal Thomassen, ið eisini hevði ráð at spara nakrar spælarar undan fyrru hálvfinaluni í steypa­kappingini móti HB, sum verður mikukvøldið. -Vit skifta Deni Pavlovic út. Hann er í gongd við at koma í topp­form aftur, og vit skifta Jóannes Bjartalíð, fyri at spara hann eitt sindur. Vit fáa eisini sett ferðina eitt sindur niður móti endanum av dystinum. Eg haldi tað var nøktandi, vit fáa spart okkum eitt sindur og vit hava eina harða skrá, sigur Mikkjal Thomassen. Hann leggur afturat, at hann er fegin um góðu byrjanina, men ásannar eisini at tað kann ganga skjótt í fótbólti. - Ja, tað er ein ótrúliga góð byrjan. Hon er betri enn vit høvdu væntað, men í fótbólti kann tað venda skjótt. Tað snýr seg um at halda fokus og blíva við við at betra liðið, sigur venjari hjá KÍ. Átta sigrar upp í slag KÍ hevur vunnu átta dystir upp í slag og er ósigrað í lands- og steypakappingini í ár. Hetta er ikki ein óvanlig støða hjá KÍ, sum fleiri av sein­nu árini hevur fingið eina góða byrjan. Spurningurin er nú, um KÍ er betri stillað at takla viðgongdina og veksandi trýst­ ið, sum kemur við góðu gongd­ ini. Í gjár var avrikið á vøllinum sann­førandi. trondur@sosialurin.fo Fótbóltur Dysturin hesa vikuna... Áttandi sigurin upp í slag: MIKKJAL FEGNAST UM EINA GÓÐA BYRJAN KÍ er ósigrað í teimum fyrstu átta dystunum í landskappingini, og hevur vunnið seks av teimum. - Ja, tað er ein ótrúliga góð byrjan. Hon er betri enn vit høvdu væntað, men í fótbólti kann tað venda skjótt. Tað snýr seg um at halda fokus og blíva við við at betra liðið, sigur Mikkjal Thomassen, venjari hjá KÍ. KÍ vann í gjár sannførandi sigur á Argjum. Hetta er sætti sigurin upp í slag í landskappingini, og áttandi sigurin við kappingini um Løgmanssteypið. Klaksvíkingar hava verið í hesi støðuni fyrr NÚ KEMUR KÍ BYLGJAN