hósdagur 9. mai 2019síða 28

FRÍGGJADAGUR 10. MAI 2019 SOSIALURIN 53 28 ÍTRÓTTUR TRÓNDUR ARGE – GUNDADALUR B æði Sosialurin og ítrótt­ar­skrivarin á Norð­lýsi­num, Jákup Ósá, tippaðu 1-1 undan dysti­num. Tað bleiv júst so, tá klassikarin var á skránni í Gunda­dali mikukvøldið. KÍ kemur á odda í fyrra hálvleiki, tá verjan hjá HB ikki megnar at verja fyri eini langari av­levering, meðan HB svarar aftur tíðliga í seinna hálvleiki, tá Ari Mohr Olsen beinir eitt heldur forkølað skot frá Brynjari Hlöðvers­son í málið. Bæði liðini hava møguleikar at vinna dystin. Helst kemur HB oftari í góðar álopsstøður, men tað eru gestirnir úr Klaksvík, ið eru meira nærgangandi, tá góðu støður­nar skulu umsetast til mál­møguleikar. Mikkjal blandar kortini Tað tekur eina løtu at avlesa dómaraseðilin, tá hann verður printaður út ein góðan tíma fyri dystarbyrjan. Allir fýra, sum byrjaðu í verjuni hjá KÍ móti AB eru við, men nú er eisini pláss fyri Ísaki Simonsen. Fyrsta boðið er, at Mikkal Thomassen hevur skift til fimm í verjuni. Tá dysturin byrjar er greitt, at hann hevur bland­að kortini øðrvísi. Deni Pavlo­vic, sum annars hevur spælt í miðverjuni, er fluttur á høgra bakk, meðan Jóannes K. Danielsen er fluttur fram á mið­ vøllinum. Hartil er norski mið­ vallarin, Simen Sandmæl, fluttur fram í álopið saman við Patriki Johannesen. -Hetta havi eg ikki sæð fyrr. Jóannes K. Danielsen hevur fyrr spælt á vonginum og í álopinum, men ongantíð sum eg minnist á miðjuni, sigur Teitur Joensen, við­merkjari á FM1, tá dysturin verður bríkslaður í gongd. KÍ hevur takið ein part av fyrra hálvleiki, har tað nakrar ferðir eydnaðist at fáa verjuna hjá HB út at renna kapp. Soleiðis kemur málið hjá KÍ eisini, tá Deni Pav­lovic sendir Simen Sandmæl av­stað. Magnus Egilsson megnar ikki at ruddað vekk, og so kann norð­maðurin renna framvið málverjanum hjá HB og trilla bóltin í eitt tómt mál -Vit høvdu gjørt okkum nógvar tankar um hvat fór at henda. Vit høvdu hugt eftir nøkr­um tingum. Millum annað er verjan hjá HB ikki so synkron, sum hon hevur verið. Tað fáa vit mál upp á og tað eri eg glaður fyri. Vit fáa eisini aðrar møguleikar upp á tað sama. Vit hugsaðu eisini, at tað er ein slíkan dyst at teir royndu spælararnir skulu á vøllin. Eg segði við teir, at vit skuldu geva Deni og Jóannes 15 minuttir at venja seg við nýggju plássini, sigur Mikkjal Thomas­ sen, venjari hjá KÍ. Tróndur er helst svarið HB er at kenna aftur. Gott nokk sit­ur Dan í Soylu uttanfyri, meðan Adrian Justinussen er fremstur á miðjuni, meðan Pætur Petersen er á høgra vong­in. Stóri munurin hjá HB, í mun til fyrr í ár, er at Tróndur Jensen er aftur á miðvøllinum. Hann hevur ein eginleika at fáa spælið hjá HB at verða meiri flótandi. Um tað bara er tí hann er á vølli­num, at HB tóktist at fáa spælið at rigga, er ilt at siga, men hann er tann mun­urin, ið er á pappírinum frá fyrru dystunum. Í fyrra hálvleiki eru nakrar støður, har serliga Pætur Peter­ sen er íblandaður á høgra vongi. Hann fær eisini størsta møgu­ leik­an, tá bólturin verður sendur inn­fyri úr høgru, men fær ikki ordi­liga skot á. í seinna hálvleiki riggar betri hjá HB, sum eisini fær út­javn­ andi málið longu aftaná tríggjar minuttir. HB spælir upp í høgru. Síðani verður lagt upp til skot hjá Brynjari Hlöðversson, sum ikki rakar bóltin so væl, men tað bilar minni, tí Ari Mohr Olsen stendur á rætta stað beinir bólt­ in í málið. - Í fyrra hálvleiki mangla vit dirvið at spæla. Vit vistu, at teir komu at leggja trýst á okkara v e r j u ­ spælarar, og so gera vit eitt mistak í samband við málið. Í seinna hálv­leiki spæla vit betri, men tá vit koma til góðu innleggini, so er ongin innfyri, men tá innleggið var vánaligt vóru fólk innfyri. Hinvegin, vit koma aftur ímóti besta liðnum í Før­oyum í løtuni, sigur Heimir Guð­jóns­son, venjari hjá HB. Einki avgjørt Tað er einki avgjørt undan sein­ nu hálvfinaluni, men nú hevur KÍ munin á máltalvuni við útivallar málinum. Tað merkir, at HB skal skora í retur­dysti­num. Venjarin hjá KÍ letur væl at. -Eg haldi ikki at møguleikin er verri, enn hann var áðrenn hendan dystin. Hetta er eitt rími­ligt úrslit. Vit eru sterkir í verju­partinum, so HB fær sína søk fyri við at leypa á. Vit eru eisini sterkir upp á umstillingar, so eg haldi at vit hava spælt ein dyst, har úrslitið er ókey fyri okkum, sigur Mikkjal Thomas­sen. Venjarin hjá HB er ikki heilt nøgdur, men letur væl at gongd­ ini í spælinum seinastu dystir­ nar. -Vit eru ongantíð nøgdir, tá vit ikki vinna í Gundadali. Eg haldi tað er púra opið hvør kem­ ur víðari. Vit leita í løtuni eftir stabilitetinum í spælinum hjá okkum, sum vit høvdu í fjør. Eg haldi at vit spæla væl móti EB/ Streymi í farna umfari, og vit síggja eisini nakað av tí í dag. Nú vóni eg, at vit kunnu byggja víðari upp á tað, sigur Heimir Guðjónsson. Returdysturin verður 22. mai í Klaksvík. TRONDUR@SOSIALURIN.FO Fótbóltur Dysturin hesa vikuna... Løgmanssteypið: MIKKJAL THOMASSEN SIGUR: -Eg eri nøgdur við nøkur ting. Eg eri nøgdur við intensitetin, sum vit leggja fyri dagin og at vit fáa mál. Eg haldi at vit skulu halda nullið, men HB er eisini eitt lið, sum er á veg upp og tað síggja vit í dag. Eg fari ikki at standa her og siga, at eg eri ónøgdur. Hetta eru tvey jøvn lið, men eg haldi kanska vit hava tær størru vandamiklaru støðurnar. Tað bleiv júst sum prestur prætikaði í Gundadali. Einki bleiv avgjørt í fyrru hálvfinaluni, har HB og KÍ spældu javnleik 1-1. HB byrjar at líkjast sær sjálvum frá í fjør, meðan KÍ sær sterkt út í ár EINKI BLEIV AVGJØRT Í SÓLINI Í GUNDADALI