týsdagur 14. mai 2019síða 24

Mikudagur 15. mai 2019 · Nr. 55 24 Sosialurin Hugskot og viðmerkingar – send sms til 225000 ALMANNAMÁLARÁÐIÐ Samskipari til javnstøðumál Søkt verður eftir einum samskipara at arbeiða við javnstøðumálum. Samskiparin verður skrivari hjá Javnstøðunevndini og Demokratia. Starvið fevnir í høvuðsheitum um: • at varpa ljós á javnstøðumál og vera andlitið úteftir • at vera virkin kjakari bæði í skrift og talu, og tíðum leggja tilfar á heimasíður og á sosialar miðlar • at halda fyrilestrar og taka lut í orðaskifti um javnstøðumál • at gera fjøltáttað, upplýsandi og kunnandi tilfar um javnstøðumál • at virka fyri, at átøkini í virkis­ ætlanini hjá landsstýr inum verða sett í verk • at skipa fyri ráðstevnum, evnisdøgum og kjakfundum, sum varpa ljós á viðkomandi evnir • at fyrireika mál til Javnstøðu­ nevndina og Demokratia, útinna ætlanirnar, sum nevnd irnar seta út í kortið og standa fyri átøkum hjá Javnstøðunevndini og Demokratia • at svara fyrispurningum og avgreiða mál til Javn støðu­ nevndina og Demokratia • at skriva árligar frágreiðingar um virksemið í samstarvi við Javnstøðunevndina og Demokratia Førleikar Tú hevur viðkomandi útbúgving frá hægri lærustovni. Viðkomandi arbeiðsroyndir eru ein fyrimunur. Tú dugir væl at orða teg á føroysk­ um, norðurlendskum og enskum, bæði í skrift og í talu, og hevur góðan kunnleika til og áhuga fyri samfelagsviðurskiftum. Tú tímir og dugir væl at samstarva og samskifta bæði við myndug­ leikar og borgarar og hevur góð samstarvsevnir. Tú megnar at hava nógvar bóltar í luftini í senn og dámar væl at samskipa og seta nýggj átøk í verk. Tær dámar væl at leggja fram og taka lut í orðaskifti. Tú ert ágrýtin og hevur góð evnir at arbeiða sjálvstøðugt. Tú dugir væl at finna fram vitan, at greina tilfar og at skriva. Tú ert væl skipað/ ur, dugir væl at leggja til rættis og skjalprógva. Tú ert til reiðar at taka eitt eyka tak, tá á stendur. Lønar- og setanartreytir Talan er um parttíðarstarv, har starvstíðin fyribils er 30 tímar um vikuna. Almannamálaráðið er setanar­ myndugleiki, og fyribils starvs­ staðurin verður í Almanna­ málaráðnum. Starvið verður lønt sambært avtalu millum Fíggjarmálaráðið og avvarð andi yrkisfelag. Tann, ið settur verður, má kunna tola broytingar í starvinum. Umsókn við avriti av prógvum o.ø. skal sendast til: Almannamálaráðið Eirargarður 2 100 Tórshavn Ella til teldupost adressu: amr@ amr.fo Umsóknarfreist Umsóknin skal vera okkum í hendi í seinasta lagi mánadagin 27. mai 2019 kl. 12.00. Nærri fæst at vita um starvið við at venda sær til Jeanette Ellefsen Blaasvær, fulltrúa, á tlf. 734056 ella til teldupost jeb@amr.fo. Játtanirnar til Javnstøðunevndina og Demokratia eru lagdar saman, og samlaða játtanin er hækkað at skipa skrivstovu at varpa ljós á javnstøðumál og standa fyri átøkum, sum fremja størri javnstøðu. Skrivstovan verður tøk hjá myndugleikum, stovnum, feløgum og einstaklingum at venda sær til at fáa hjálp og ráðgeving í javnstøðuspurningum. Javnstøðunevndin virkar sambært løgtingslóg nr. 52 frá 3. mai 1994 um javnstøðu millum kvinnur og menn. Javnstøðunevndin skal m.a. hava eftirlit við, at javnstøðulógin verður hildin, vera ráðgevi hjá myndugleikum, stovnum, feløgum og einstaklingum í javnstøðuspurningum og gera tilmæli í javnstøðumálum. Demokratia hevur umboð úr øllum politisku flokkunum umframt Kvinnusamskipanina, Kommunufelagnum og Javnstøðunevndina. Demokratia virkar fyri at leikluturin hjá kvinnum í føroyskum politikki økist. AVBJÓÐANDI SKRIVSTOVUSTARV Í LØGTINGINUM (vegna barnsburðarfarloyvi) Í sambandi við barnsburðarfarloyvi er eitt ógvuliga spennandi og avbjóðandi skrivstovustarv í Løgtinginum, fulla tíð, leyst at søkja til setan frá 1. juli 2019, ella eftir nærri avtalu og fyribils í eitt ár fram. Uppgávurnar fevna m.a. um: • at skráseta innkomin tingmál og at ansa eftir, at hesi eru málsliga røtt • at umsita tingmál og tingfundir á heimasíðuni og hava ábyrgd av, at tilfarið er dagført og tøkt á síðuni • at umsita post og teldupost tingsins, og at journalisera hendan • at umsita tinglistan • at vera nevndarrøkil í m.a. Landsstýrismálanevndini og Uttanlandsnevndini Talan er um eitt til tíðir rættiliga krevjandi starv, har nógv er at halda skil á. Tann, sum settur verður, skal hava skrivstovuútbúgving, hava góðan kunnleika til føroyskt mál, áhuga fyri arbeiðinum í politisku skipanini og góðan kunnleika til nýtslu av teldu. Starvið verður lønt sambært 7. lønarflokki í sáttmálanum millum Starvsmannafelagið og Fíggjarmálaráðið. Umsóknir saman við prógvum o.ø. skulu vera Løgtinginum í hendi í seinasta lagi 27. mai 2019, kl. 12. Umsóknir kunnu sendast við telduposti til logting@logting.fo ella við vanligum brævi til Løgtingið, Tinghúsvegur 1-3, Postboks 208, 110 Tórshavn. Nærri fæst at vita um starvið við at venda sær til Jóruna S. Ludvig á tlf. 363912 ella Johnhard Klettheyggj, stjóra á tlf. 520294. Minnist til haldaragjaldið Tórsgøta 1, FO-110 Tórshavn