týsdagur 21. mai 2019síða 24

Mikudagur 22. mai 2019 · Nr. 58 24 Sosialurin Hugskot og viðmerkingar – send sms til 225000 BÁTASTEVNA Vestmenningar bjóða til stevnu Eins og undanfarin ár, verður aftur leygardagin siglt undan Fútakletti og inn á Vestmanna Vilmund Jacobsen Bátastevnan í Vestmanna hev­ur síðan byrjan verið hin størsta av sínum slag í Før­oy­um, og sambært tilmeldingum til báta-og kampingpláss í Vest­manna, verður stevnan í ár einki undantak. Tað er nevniliga hugsandi, at stevn­ an í ár, sum verður leyg­ardagin kom­ andi, fer at telj­ast millum tær størstu nakr­antíð. Bátarnir fylla nógv á stevn­uni í Vest­manna, og soleiðis hev­ur verið síð­ an byrjan. Sum árini eru liðin, er talið av fólki, sum koma í kamp­ing­vogni, eisini vaksið, og í ár eru líka nógvir kamp­ing­ vognar til­meldaðir sum bátar. Eins og undanfarin ár, verð­ur aftur leygardagin siglt und­an Fútakletti og inn á Vest­manna. Tá farið er um middag, plaga bát­ar­ nir at loysa í Vestmanna og leita sær út í Vest­manna­sund, og tá klokkan nærk­ ast 14.30, savnast allir bátarnir und­ir Vágalandinum. Síðan fylgjast bátarnir - stór­ir sum smáir - í lagaligari sigl­ing tvørtur um sundið og inn á Vestmanna. Fremstur í siglingini plagar at verða gamli postbáturin, Ólav­ur, og siglingin tekur kanska ein stóran hálvan tíma ella so. Tá bátarnir nærkast Vest­manna, taka fólk ímóti og syrgja fyri, at allir koma upp á pláss við brúgvarnar. Eftir túrin í Vest­manna­sundi, verður bjóðað inn í stóra tjaldið á bryggjuni, har borð­reitt verður við góðari, fesk­ari suppu, og her eru allir báta­stevnugestir vælkomnir. Hevur tú hug at fáa tær ein undir tonna á veg inn í tjaldið, standa gjarna tveir mans við inngongdina til tjaldið við kald­ari fløsku og føroyskum snapsa­horni. Í tjaldinum taka kvinnurnar sær av, at allir gestir fáa suppu, og her fer eing­ in avstað aftur við ongum. Meðan stevnugestir hugna sær í tjald­inum við væl­smakk­andi suppu, er eis­ini livandi harmonikutónleikur at hoyra. BÁTASTEVNAN Í VESTMANNA Leygardagin 25. mai 2019 Myndirnar eiga Tórarinn Didriksen og Hilbert Elison