mikudagur 29. mai 2019síða 26

VINNUBLAÐIÐ HJÁ MIÐLAHÚSINUM 2 mai 2019 31 - TAÐ VAR EIN TÍÐ Í BYRJANINI HJÁ OKKUM, AT VIT IKKI RÆTTILIGA MEGNAÐU AT FYLGJA VIÐ EFTIRSPURNINGINUM. MEN, NÚ VIT HAVA GJØRT ÍLØGUR Í NÝGGJA TØKNI OG HAVA UMSKIPAÐ YMISKT Á VIRKINUM, HAVA VIT VUNNIÐ Á TEIRRI AVBJÓÐINGINI, SIGUR STJÓRIN Í KJØTBÚÐINI Vilmund Jacobsen Tað var hin 6. oktober í 2014, at P/F Poul Michelsen keypti P/F Kjøtbúðina í Akranes­ gøtu 7 í Havn, og stjóri í fyritøkuni er Petur Amon Dalbø. Í dag eru 10 ársverk í sjálvari framleiðsluni, og eitt ársverk er í fyrisitingini. Fleiri av fólkunum, sum mynda framleiðsl­ una í dag, hava arbeitt í fyritøkuni í nógv ár og formaðurin, Sámal Nielsen, hevur starvast her í eini 37 ár. Longu sum blaðungur í 1976 byrjaði Sámal Nielsen at loysa av í fyritøkuni. Skjótt 100 ár á baki Kjøtbúðin hevur røtur heilt aftur til 1921, og soleiðis hevur fyritøkan skjótt 100 ár á baki. Øll árini hava eigararnir lagt seg eftir at hava fáar, men dygdargóðar vørur, og dygdin á vørunum er eins og áður eisini aðalmálið í dag. Hetta er ikki minst orsøkin til, at Kjøtbúðin – og ikki minst rullupylsan – er vorðin víðagitin millum viðskiftafólk. Hóast árini hjá Kjøtbúðini skjótt eru vorðin 100, trívast nærlagni og gomlu uppskriftirnar í fyritøkuni sum fyrsta dagin, og andin við dygd­ argóðum rávørum og handverki heldur í dag fram á einum nútímans matvøruvirki. Rullupylsan flaggskipið Hvørjar eru høvuðsvørurnar í dag, og er rullu­ pylsan framvegis ”flaggskipið” hjá Kjøtbúðini? Henda spurning settu vit stjóranum, Petur Amon Dalbø. - Høvuðsvørurnar hjá okkum eru rullupylsa, skinsakjøt, kjøtpylsa, kjøtfars og fiskafars, og rullupylsan er framvegis flaggskipið, ásannar stjórin. Spurdur, hvussu tað ber til, at rullupylsan er so nógv eftirspurd, svarar hann soleiðis: - Tað er tí, at hon er so góð. Rullupylsan hjá okkum er helst mest seldi viðskeri í Før­ oy­um. Sjálvt útlendingar keypa rullupylsu við heimaftur. Tey spyrja eisini, um vit ikki kunnu senda teimum rullupylsu frá Kjørbúðini, men tað kunnu vit ikki. Føroyar eru ikki ES-góð­ kendar til at útflyta landbúnaðarvørur, og tí letur tað seg ikki gera, sigur Petur Amon Dalbø. Uppskriftir óbroyttar Vit spurdu eisini stjóran, hvussu nógv gomlu uppskriftirnar hjá Kjøtbúðini telja í dag – og er nøkur uppskrift hin sama, sum tá fyritøkan sá dagsins ljós? - Nærlagni og uppskriftirnar telja alt. Eingin uppskrift er broytt yvirhøvur. Rullupylsan og skinsakjøtpylsan eru framvegis hond­seym­ aðar, og við seymingini verður einki maskinarí brúkt yvirhøvur. Petur Amon Dalbø sigur, at Kjøtbúðin eitt nú ger fiskafars burtur úr feskum fiski. - Tað er eingin handil í Føroyum, sum ikki hevur vørurnar hjá okkum, tí hesar eru kring allar Føroyar. Finna viðskiftafólk ikki okkara vørur í einum handli, er tað tí, at vøran er útseld, sigur hann. Íløgur í nýggja tøkni Tá P/F Poul Michelsen keypti Kjøtbúðina, vóru tað tíðir á árinum, har fyritøkan ikki rættiliga megnaði at fylgja við eftirspurninginum. - Men av tí, at vit hava gjørt íløgur í nýggja tøkni og hava umskipað ymiskt á virkinum, hava vit eisini vunnið á teirri avbjóðingini. Vit spurdu eisini stjóran, um tað er hugs­ andi, at Kjøtbúðin í framtíðini fer at koma við nýggjum vørum á marknaðin – ella, um fyri­ tøkan fer at halda fast um gomlu vørurnar? - Tað er eingin ivi um, at vit fara at halda fast við góðu gomlu vørurnar, men tað er ikki óhugs­andi, at okkurt nýtt fer at koma. Men, sum hjá so nógvum øðrum fyritøkum í hesum døg­um, hevur Kjøtbúðin í Akranesgøtu 7 eisini avbjóð­ingar við at fáa starvsfólk, sigur Petur Amon Dalbø. Rullupylsan helst mest seldi viðskeri í Føroyum Tað er her í Akranesgøtu 7, at Kjøtbúðin hevur sítt framleiðsluvirksemi Kjøtpylsa er eisini ein av umtóktu vørunum Rullupylsa og skinsakjøtpylsa eru hondseymaðar Rullupylsan hjá Kjøtbúðini er kend fyri sínar dygdir