mánadagur 3. juni 2019síða 28

Mánadagur 3. juni 2019 · Nr. 63 28 Sosialurin Hugskot og viðmerkingar – send sms til 225000 FÓTBÓLTUR Tróndur Arge Hetta skuldi á pappírinum verða ein pliktsigur til HB í einum dysti, har Lars Muller takkar fyri seg sum dómari. Dysturin er bara tveir minuttir gamal, tá fyrsta ávaringin kem­ ur um, at hetta ikki verður ein van­ligur fótbóltsdystur. Eftir innkast fær Arnbjørn Hansen bóltin í brotsteiginum hjá HB. Hann temur bóltin til høgra beini og fluktar hann í handara trýkant. Eitt framúr fantastiskt mál, sum vitnar um eginleikarnar hjá Arnbirni Hansen at skjóta mál, sum eru á altjóða stigi. Tað er mál nummar 148 í bestu deildini í føroyskum fót­ bólti. Seinni í dystinum skorar hann eisini mál nummar 149. Samanlagt hevur hann nú tvey fleiri enn John Petersen. Næstur á listanum er Jákup á Borg við 153 málum, ið er næst­ flest. Klæmint A. Olsen leggur hvørt vikuskiftið afturat við sín­um nú 176 málum. Restin av dystinum er ein mál­veitsla við fleiri góðum mál­ um. Støðan í dystinum broytist fleiri ferðir. EB/Streymur er á odda 1-0, 2-1 og 4-3, men tað endar við 6-4 sigri til HB. Blómutyssi og seks mál Undan dystinum fær Lars Muller handa blómutyssi. Tað er hugaligt at síggja, at allir spælar­arnir á vøllinum klappa, tá frásøgumaðurin í Gundadali sigur, at hetta er seinastu ferð vit síggja Lars Muller sum dómara. Hann er níggju ferðir kosin til ársins dómara. Sjey hava teimum hava verið upp í slag sjey tey seinastu árini. Arnbjørn Hansen setur hol á við fyrrnevnda dreyma­máli­ num, men HB svarar skjótt aft­ ur. Adrian Justinussen skor­aði eitt av sínum tiltiknu frí­spørk­ um, har málverjin bara stendur púra paff. Spælararnir hjá HB hava ikki fingið armarnar niður, so hevur Arnbjørn Han­ sen aftur skorað. Hesa ferð eftir fríspæling frá Steffani A. Løkin. Klokkan er illa nokk komin um korterið, tá tað aftur er mál. Símun Samuelsen leggur inn­fyri, og har Ari Mohr Olsen fyrstur á og stútar bóltin í málið til 2-2. Síðani gongur ein løta uttan mál, men tað er nú bara lut­ falsliga. Tí tíggju minuttir fyri hálvleik er Ari M. Olsen aftur á blettinum. Hann verður spæld­ ur leysur í høgru og er trygg­ ur, tá hann plaserar bóltin í handara síðunet. Málveitslan í fyrra hálvleiki endar í yvirtíðini, tá Steffan Løkin prikar bóltin um mál­ strikuna, eftir at Teitur M. Gests­ son hevur brúkt alt hann eigur, fyri at halda bóltinum røttu megin málstrikuna eftir inn­legg. Seks mál og áskoðar­ ar­nir í Gundadal hava ríkiligt at tosa um í hálvleikinum. HB sleppur við skrekkinum Í seinna hálvleiki heldur mál­ veitslan fram. Aftur er tað EB/ Streymur, ið skorar fyrst. Málið er av tí vakra slagnum. Steffan Løkin sleppur leysur í vinstru og við baklinjuna leggur hann útfrá til Gest B. Dam, ið sendir bóltin í handara síðu net. Sundalagsmenn fegnast, meðan tónin í HB-húsinum er hvassur hesa løtuna. Men sein­ asta stóra korterið er tað HB, sum fær málini. Tað er við eitt sindur av hepni, at HB fær glið á málskjótina í seinna hálvleiki. Ein EB/Streymari tveitur seg niður fyri at blokera fyri einum inn­leggi, men endar við at fáa bóltin á hondina, ið stingur afturúr. Lars Muller dømir sítt sein­ asta brotsspark. Helst er tað í tráð við reglugerðina, men ein beiskur biti fyri gestirnar. Adrian Justinussen umsetur til mál og so er 4-4. Innskiftið Sebastian Pingel ger munin seinastu løtu­na. Tveir minuttir eftir brots­spark­ ið verður hann spældur leysur í høgru. Komin inn í brotsteigin leggur hann bólti fyri føturnar á Ara Mohr Olsen, ið skorar hattrik. Løtu seinni er tað sami Sebastian Pingel, ið verður spældur leysur, men hesa ferð rennur hann framvið mál­verjanum og skorar sítt fyrsta mál síðani 20. september 2017. Hann hevur verið skaddur tað mesta av 2018, og er júst byrj­aður at spæla í ár. Lars Muller bríkslar fyri seinastu ferð Tá tríggir minuttir eru spældir av yvirtíð bríkslar Lars Muller fyri seinastu ferð. Bókstaviliga! 45 ára gamli suðuroyingurin takk­ar fyri seg sum dómari í før­oyskum fótbólti. Tað bleiv í einum hendingaríkum dysti við tíggju málum. -Hetta var júst sum mær dám­ar tað best, men tað var tungt at koma gjøgnum tíggju teir seinastu minuttirnar, sigur Lars Muller. Hann skal í næstum til Born­ holm at arbeiða og verður ikki at síggja aftur sum dómari. -Eg havi merkt tað seinnu árini. Tað krevur meiri og meir at vera við og hetta hevði ikki bor­ið til uttan ein góðan leiðara á arbeiðaplássinum og eina góða familju, sigur Lars Muller og leggur aftur­at: -Tað hava sjálvandi verið ósemj­ur, men eg havi ongantíð kent meg hóttan. Eg havi hin­ vegin fingið nógvar vinir fyri lívið, sigur Lars Muller. Eftir seiansta bríkslið fekk Lars Muller eitt klemm frá flestu av spælarunum, og tað sigur ikki so lítið um mannin, sum nú leggur floytuna á hilli­ na. Hann fer í søguna sum okkara besti dómari eftir aldar­ skiftið. So gott verður eftir­ mælið ikki av hesum dystinum, men tey sum vóru í Gundadali í gjár fara nokk at minnast dystin leingi. trondur@sosialurin.fo Fótbóltur Dysturin hesa vikuna... HB-EB/Streymur 6-4 ARNBJØRN YVIRHÁLAR JOHN PETERSEN Arnbjørn Hansen skoraði tvey mál. Tað eru mál nummar 148 og 149 í bestu deildini í føroyskum fótbólti. Samanlagt hevur hann nú tvey fleiri enn John Petersen. Næstur á listanum er Jákup á Borg við 153 málum, ið er næst flest. Klæmint A. Olsen leggur hvørt vikuskiftið afturat við sínum nú 176 málum. Tað bleiv einki minni enn ein fótbóltsveitsla, tá HB vann 6-4 á EB/Streymi í gjár. Lars Muller takkaði fyri seg í einum dysti, har Ari Mohr Olsen skoraði hattrik, meðan Arnbjørn T. Hansen skoraði flottasta málið, og yvirhálaði John Petersen á samlaða máltindinum MÁLVEITSLA Í GUNDADALI