mikudagur 5. juni 2019síða 14

Mikudagur 5. juni 2019 · Nr. 64 14 Sosialurin Hugskot og viðmerkingar – send sms til 225000 Dukkuleikur verður við Gjógv í næstu viku Nú verður møguleiki at koma til Gjáar, har søgan um Marina verður sýnd sum dukkuleikur Tíðindaskriv Dukkuleikurin »Marin« tekur støði í einari gamlari søgn frá Gjógv. Leikurin vendir sær til allar aldursbólkar, og er hann ein uppliving fyri allar sansir. Eitt yvirnatúrligt fyribrigdi er gjøgnumgangandi í leikinum, og áskoðararnir verða hug­ fangaðir á ymiskan hátt. Í leikinum verða nýttir yms­ ir frásøguhættir, eitt nú er eitt kvæði yrkt. Fyrsta ørindi er soljóðandi: Børnini eru øll úti og spæla. Líkt er til, at nú fer at æla, nú kemur ein myrkur skuggi. Píka sjey, hetta er eingin ódn, men ein ørn, ið taka kann børn, so nú er best, at eg flýggi. (Lag: Veturin kom við kulda og kava) Dukkuleikur er ein sterkur mið­il, og tí verður nógv at sam­ skifta um, bæði ímillum ætt­ar­ liðini og børn og børn ímillum. Leikurin er góðan hálvan tíma til longdar. Aftan á leikin hava áskoðararnir møguleika at ganga til tey støðini, sum verða lýst í leikinum. Tað er Helena Fríðheim, ið hevur skrivað leikin og setur hann upp. Hon hevur fingið ráð­geving frá samstarvsfólki í Tallinn. Helena er útbúgvin náms­ frøðingur, og seinni hevur hon útbúgvið seg víðari. Í 2012 tók hon bachelor-prógv frá lærda háskúlanum í Stavanger, og í 2016 tók hon Master-prógv í “Børne- og ungdomskultur – medier og æstetiske lære­pro­ cess­er” frá Syddansk Uni­vers­ itet. Helena hevur sítt egna virki, Leiktrá, sum hevur starvast við barnamentan síðan 2004, og hevur hon skipað fyri yms­ um tiltøkum við børnum, eitt nú stóra tiltakinum ”Havnin ein býur, har børnini trívast”. Harumframt hevur hon sett fleiri dukkuleikir upp, eitt nú “Bábylon”, sum varð settur upp í samstarvi við dukkuleikhúsið Nuku Teatre í Tallinn. Eisini samskipaði hon dukkuleikin “Jonny og 7 vinir hansara”, sum Nuku Teatre framførdi í Havn. – Dukkuleikurin “Marin” er gjørdur í samstarvi við dukkuteatrið Kirjkas í Tallinn umvegis UNIMA í Estlandi. Dukkuleikurin “Marin”: Fram­førslur verða hvønn dag í døgunum 11. til 19. juni kl. 10 og kl. 14 í Dansistovuni við Gjógv. Tað ber til at hava framførslur aðrar klokkutíðir eftir umbøn, um áhugi er fyri tí, t.d. kl. 17 ella 19. Høvi er hjá starvsfólka- og áhugabólkum at bíleggja eina sýning. Kostnaðurin er kr. 80,- kr. fyri hvønn. Neyðugt er at bíleggja pláss. Atgongumerki kunnu fáast við at venda sær til Helenu Fríðheim á tel. 517772 ella við at senda teldupost til: leiktrad@gmail.com Verið vælkomin! Vinaliga Leiktrá v/Helenu Fríðheim Tórshavnar Manskór á pall við Rúna Brattaberg Áhoyrarnir, sum leita sær í Norðurlandahúsið til vár­kon­ sert­ina hjá Tórshavnar Man­ skóri, fáa eina stóra uppliving. Tí tað verður ein samansett konsert við føroyskum og donsk­um kóri, sum bæði fara at syngja saman og hvør sær, sleppa áhoyrararnir eisini at hoyra víðakenda føroyska bass­in, Rúna Brattaberg, sum annars ikki ofta er at hoyra á palli í Føroyum. Leygardagin verður Norður­ landahúsið karmur um eina stórfingna kórkonsert. Tá skipar Tórshavnar Man­ skór fyri árligu várkonsertini, sum í ár er øðrvísi enn hon hev­ur verið undanfarin ár. Í ár fær kórið nevniliga vitjan í samband við hesa kon­ sertina; og tað er ikki hvør sum helst sum kemur á vitjan. Við føroyskum brillum er tað stórt, at Rúni Brattaberg, sum í dag er víðagitin sangari á altjóða pallunum, skal syngja, men tað er sanniliga eis­ini sera áhugavert, at danska kórið Stud­enter­sang­er­ne úr Keyp­ manna­havn, skulu syngja á somu konsert. Konsertin verður skipað so­ leiðis, at kórini syngja hvør sær og saman, og so skulu tey eisini syngja saman við Rúna Brattaberg. Úr manskórinum og út í heim Tað er í dag eingin, sum ivast í, at Rúni Brattaberg er ein sera stórur og dugnaligur sangari. Hann er javnan við í sera stórum pallsetingum, og tað boðar frá, at hann veruliga dug­ur sítt kramm. Tað áhugaverda í hesum sambandi er, at tað í grundini ikki var fyrr enn hann var kom­in nakað til árs, at Rúni Brattaberg gjørdi av at royna sínar veingir í sangi. Og í tíðarskeiðnum frá 1997 til 2000 læs hann fyrst á Sibelius Aka­ deminum í Helsinki og sein­ asta árið á International Opera­ studio í sveitsiska býn­um, Zürish. Rúni Brattaberg gjørdi tað, sum nógv ítróttarfólk hava gjørt. Hann valdi at taka stigið út í heim, uttan at hava nakra trygd fyri, um tað bar. Hann trúði upp á egin evnir sum sangari, og tað skuldi vísa seg at halda. Tí í dag er hann ein ógvuliva væl dámdur og hátt virdur bass-sangari, sum er við í sera stór­um uppsetingum kring um í Evropa. Men leygardagin verður hann at hoyra saman við Tórs­ havnar Manskóri og Stud­ent­ er­sangerne í Norðurlanda­hús­ in­um. Elsta og størsta manskór í Danmark Hin gestaframførslan á kon­ sertini kemur frá danska kór­ inum Studentersangerne, sum er úr Keypmannahavn. Sambært egnum upplýs­ing­ um er kórið bæði tað elsta og tað størsta manskórið í Dan­ mark. Kórið var stovnað í 1839 og hevur tí 180 ár á baki í ár. Kórið var stovnað í stud­ enta­umhvørvinum, harav navnið, og fekk skjótt fast tilknýtið til universitetið í Keyp­mannahavn, men tað var kortini ikki fyrr enn 30 ár eftir stovnanina, í 1869, at Student­ ersangerne alment gjørdist kórið hjá universitetinum. Kórið er rættiliga aktivt og er rættiliga ofta uttanlands. Tann seinasti túrurin var til Berl­in í 2015, og í ár liggur túr­ urin so á fyrsta sinni til Føroya. Tað eru umleið 30 sangarar við á ferðini til Føroya. Fjølbroytt skrá Tað er Tórshavnar Manskór, sum skipar fyri konsertini, og sum er vertur fyri danska kór­ inum ár ferðini. Hetta er ikki ókent hjá mans­kórinum, sum hevur havt nógvar útlendskar vitj­an­ ir millum ár og dag. Kórið, var stovnað í 1986 av Bjarna Rest­ orff og Kára av Reyni, og hevur tí 33 ár á baki í ár. Og tað er øgiliga nógv eftirspurt. Sam­ an­lagt hevur kórið millum 30 og 35 uppgávur um árið, nógv­ ar smærri og nakrar stórar, har­av várkonsertin er ein av teim­um. Skráin hesaferð er bæði áhuga­verd og fjølbroytt. Sum nevnt frammanfyri syngja kórini hvør sær og sam­ an, og alt byrjar við einari felags framførslu av sanginum Sangerhilsen. Og tað endar við, at kórini saman við Rúna Brattaberg syngja sangin Land­kjending. Felags fyri hesar báðar sangirnar er, at tað er Grieg, sum hevur gjørt teir. Men ímillum teir báðar sangirnar eru nógvir aðrir sangir í einari øgilga fjølbroyttari skrá. Atgongumerkir kunnu keyp­ast á heimasíðuni hjá Norð­urlandahúsinum og kostn­aðurin er 125 krónur.