týsdagur 11. juni 2019síða 4

Mikudagur 11. juni 2019 · Nr. 66 4 Sosialurin Hugskot og viðmerkingar – send sms til 225000 TÍÐINDI Túsund fólk til útigudstænastu Umleið túsund fólk vóru til afturvendandi útigudstænastuna, ið var á Ovaravølli í Gundadali annan hvítusunnudag Frants Jensen frants@sosialurin.fo Bygdarskýlið á Ovaravølli var fult av fólki annan hvítu­sunnu­ morgun. Harumframt stóðu fleiri fram við girðingini. Tað var ikki tí at nakar fót­bólts­ dystur var á skránni, men tí at fólk úr øllum kirkjum í Suð­ur­ streym­oy umframt nógv onn­ ur vóru komin saman til árligu útigudstænastuna, ið varð hild­in fyri sjeyndu fer. Tað eru prestarnir í eystara, vestara og norðara presta­gjøld­ um í Suðurstreymoy, sum skipa fyri. Kirkjuráðini hjálpa eis­ini væl til. Bubu legði dent á at hava vinir Prestarnir tóku lut á ymiskan hátt. Sonja Klein bjóðaði væl­ komin og bað eina bøn, Henn­ ing Bøgesvang læs kollektina, Bergur D. Joensen epistulin, Sverri Steinhólm trúarjátt­an­ ina, Derhard Jógvansson evan­ gel­itekstin, Heri Joensen præd­ ikaði, og Theodor Eli D. Ol­sen takkaði, bað Faðirvár og lýsti áronittisku signingina. GHM og Havnar Horn­ork­ est­ur spældu til sálmasangin. Hesir sálmar vórðu sungnir: Nú skínur sól í dýrd og mæti, Kom, friður av himni, Mána og sól, Harra Guð, títt dýra navn og æra og Alt í føðurhendi er. Í ár var tað klovnurin Bubu, ið hevði nakað til børnini. Hann segði søguna um heim­ leysa Henry, sum bara hevði ein vin, og tað var Jim. Bubu vísti á týdningin at hava vinir, og at gera nakað gott fyri hvønn annan. Prædikaði um Jóhannes 3,16 Tað var Heri Joensen, ið præd­ ikaði. Teksturin var tann kendi í Jóhannes 3,16, sum eisini verð­ ur kallaður tann lítla Bíbli­an. Skriftstaðið er úr sam­røð­uni millum Jesus og Niko­dem­us, sum vitjaði Jesus á nátt­artíð. Heri Joensen vísti eisini á, at hvítusunna er føðing­ar­dag­ ur kirkjunnar. Gudstænastan varð tulkað fyri deyvum, og hon varð eisini send í KvF. Eftir gudstænastuna fóru fólk í Badmintonhøllina til ein drekkamunn, og okkurt gott var eisini til børnini. – Tað er hugaligt, at fólk aðrastaðni úr landinum koma til útigudstænastuna. Eisini koma fleiri fólk úr øðrum sam­ kom­um í Havn og eru við. Tað hevur óivað nakað við tað at gera, at aðrar samkomur ikki hava tiltøk um morgunin ann­ an hvítusunnudag, sigur Der­ hard Jógvansson. Umleið 1000 fólk vóru til útigudstænastu á Ovaravølli í Gundadali Bubu fortaldi søgu fyri børnunum Heri Joensen, prestur, prædikaði 200 fólk á fólkafundi í Føgrulíð Hvítusunnudag var fólkafundur í Føgrulíð í sambandi við at 120 ár eru liðin, síðani Føroya Fólkaháskúli byrjaði í Føroyum Frants Jensen frants@sosialurin.fo – Tað var ein sera góð løta í Føgrulíð. Nógv fólk og góðar røð­ur, sigur Anfinnur Heine­ sen, háskúlastjóri. Sangur, røður og framførslur Gingið varð frá Klaksvík upp um Háls oman til Føgrulíð. Einir sjey limir úr Klaks­vík­ ar hornorkestri spældu og gjørdu løtuna hugnaliga. Jógv­ an Andrias Joensen og Hanus G. Johansen framførdu. Annika Waag og Heini Gaard bóru fram røður. Annika Waag kom í røðuni nógv inn á tilknýtið, langabbi hennara, Símun í Vági, hevði við háskúlan. Símun í Vági var vinnulívsmaður og stovnaði Før­oya Bjór. Hann stuðlaði há­ skúlanum væl tey fyrstu árini, meðan skúlin var á Borðoynni. Hann sat eisini í stýrinum fyri háskúlan, men tá ið hann flutti til Havnar, segði hann seg frá í øði. – Heini Gaard eftirgav í síni røðu langabba sín, Rasmus Ras­mussen, fyri at hava sagt, at tað var meira nytta í at telja sáð­berar á eini plantu, enn øll tey árini hann hevði sitið á tingi, sigur Anfinnur Heinesen. Sangirnir Vár við lýggjum vindi og Nú skínur sólin bjarta, sum Símun av Skarði hevur yrkt, vórðu báðir sungnir. Hugnalig løta – Tað vóru knapt 200 fólk. Eis­ini lógu nakrir bátar út fyri og fylgdu við. Fólk høvdu mat­ pakka og okkurt at drekka aft­ ur­við og hugnaðu sær, sigur Ann­finnur Heinesen. Skipað varð eisini so fyri, at nakrir fjallmenn gingu við fólki, so at øll kom væl fram og aft­ur, eisini tey, ið ikki vóru kend. Í Tunghúsi, ið er eitt seyða­ hús tætt við tann sokallaða ást­arvegin niðan á Háls, vórðu dyrnar latnar upp, og Waag­ fam­iljan bjóðaði fólki ein bita og okkurt leskiligt afturvið á heim­vegnum. Tað vóru Anfinnur Heine­ sen, Fríðfinnur Johnsson og Per Jacobsen, sum vegna Há­ skúlan skipaðu fyri tiltakinum. Úr Føgrulíð til Havnar Háskúlin varð stovnaður í 1899. Byrjað varð 2. november. Tað vóru Rasmus Rasmussen og Símun av Skarði sum stovn­ aðu og vóru persónarnir aft­an­ fyri Háskúlan í nógv ár. Fyrsta árið helt Háskúlin til norðuri hjá Jóan Petur í Stongum í Klaks­vík. Har var hann í eitt ár og flutti so til í Føgrulíð. Í 1909 flutti hann til Havnar, har hann er enn í dag. Umleið 200 fólk vóru til fólkafundin í Føgrulíð hvítusunudag Mynd: Petur Martin Solmunde.