týsdagur 11. juni 2019síða 24

Mikudagur 11. juni 2019 · Nr. 66 24 Sosialurin Hugskot og viðmerkingar – send sms til 225000 Country & Bluesfestivalur - Sørvágs Country & Bluesfestivalur er eitt frálíkt tiltak við góðum stemningi, og serliga hugnaligt hevur tiltakið verið undanfarin ár, tá tað fellur á gott veður, sigur borgarstjórin, sum er við á hvørjum festivali í Sørvági Vilmund Jacobsen Tað er vanligt, at kommunur skipa fyri í minsta lagi einum ár­ligum ruddingardegi, og nú Sør­vágs Country & Blues­festi­ valur verður teir næstu dag­ar­ nar við hæddarpunkti leyg­ar­ dagin komandi, skipaði Sør­vágs kommuna eisini fyri rudd­ing­ ardegi seinasta leygar­dag. Í Sørvági hevur nógv verið gjørt við fríðking gjøgnum fleiri ár, og her eru eitt nú snøgg­ar laðingar gjørdar, sum pynta um í umhvørvinum. Hugnaligt fríøki Eitt økið, sum kommunan hev­ ur arbeitt við í nøkur ár, er økið tey rópa á Stakka. Her hev­ur kommunan fyri nøkrum ár­um síðan gjørt eitt hugnaligt spælipláss, og nú eru tey í holt við hina helvtina av økinum, og her er ætlanin, at tað mesta skal verða klárt til stóra festi­ valin seinni í vikuni. Aimé Jacobsen, borgarstjóri í Sørvágs kommunu, sigur, at ein permanentur pallur fyri nøkr­um árum síðan er stoypt­ ur á Stakka, og her verður nú hugna­ligt øki gjørt niðan fyri pall­in. - Í seinastuni hevur verið arbeitt við at leggja flísar á henda partin av økinum, sum nú verður sera nossligt. Í stað­ in fyri at ganga á sandi ella smá­gróti, verður økið nú flísa­ lagt, og gingið verður eftir ein­ ari gøtu niðan á spæliplássið. Borgarstjórin vísir á, at hetta arbeiðið nú er komið væl áleiðis, men tað er ikki vist, at alt verður endaliga liðugt til festi­valin. - Men, her verður í øll­um førum komið so mikið langt, at økið kann brúkast, legg­ur hon aftrat. Aimé Jacobsen vísir á, at beint oman fyri spæliplássið eru almennu wc’ini hjá Sør­ vágs kommunu. Altíð á festivali Sørvágs Country-og Blues­ festi­valur er vorðin eitt stórt og afturvendandi tiltak í Sør­ vági, og sum borgarstjóri er Aimé Jacobsen ikki sørt errin av, at Sørvágur á hvørjum ári kann bjóða øllum føroyingum til eitt so stórt, fjølbroytt og hugna­ligt tiltak. - Hetta er eitt frálíkt tiltak við góðum stemningi, og ser­ liga hugnaligt hevur tiltakið verið undanfarin ár, tá tað fell­ ur á gott veður. Borgarstjórin vísir á, at hon er við á hvørjum festivali í Sør­ vági, og henni dámar sera væl tann hugnaliga stemning, sum er hesar dagar. - Hetta er eitt tiltak til allar aldursbólkar, og bæði miku­ kvøld og hóskvøld klokkan 18 verða vælumtókt eldratiltøk í fim­leikarhøllini, eins og barna­ tiltøk verða bæði fríggjadagin og leygardagin. Borgarstjórin vísir á, at tón­ leik­urin sjálvsagt fyllir nógv, og her verða alskyns konsertir við kendum og minni kendum nøvn­um bæði fríggjakvøldið og leygarkvøldið. Eisini Vestanstevna Men, Sørvágs Country-og Blues­festivalur verður ikki ein­asta stóra stevnutiltak í Sør­vági í summar. - Vit eiga eisini Vestan­ stevn­una í ár, sum nú skiftir millum bygd­irnar Sandavág, Miðvág og Sørvág, soleiðis at stevnan triðja hvørt ár er í Sørvági. Aimé Jacobsen fegnast um øll tey mongu, sum standa aft­ an fyri hesi tiltøk og eru við til at gera tey møgulig. - Vit hjálpa til sum best, og okk­ara leiklutur er í fyrsta lagi at skapa karmarnar um hesi til­tøk, sigur borgarstjórin, sum vegna kommununa bjóðar øll­ um vælkomnum á Sørvágs Country-& Bluesfestival og seinni eisini á Vestanstevnu. GERA ØKIÐ Á STAKKA KLÁRT TIL FESTIVALIN Arbeiðið at leggja flísar á Stakka er komið væl áleiðis, men tað er ikki vist, at alt økið verður endaliga liðugt til festivalin. - Men, her verður í øllum førum komið so mikið langt, at økið kann brúkast, sigur borgarstjórin Borgarstjórin fegnast um øll tey mongu, sum eru við til at gera stevnutiltøkini í Sørvági møgulig. - Vit hjálpa til sum best, og okkara leiklutur er í fyrsta lagi at skapa karmarnar, sigur Aimé Jacobsen