týsdagur 11. juni 2019síða 28

Mikudagur 11. juni 2019 · Nr. 66 28 Sosialurin Hugskot og viðmerkingar – send sms til 225000 SØRVÁGUR FYRIREIKAR SEG TIL FÓLKAVØKSTUR Í fyrstu syfti verður grivið út fyri 18 grundstykkjum á Middagsvarða, men her eru møguleikar fyri enn fleiri grundstykkjum, um tað vísir seg, at tørvur verður á tí Vilmund Jacobsen - Vit hava seinnu árini havt ein støðugan – tó ikki ógvus­ligan – vøkstur í fólkatalinum, og eg haldi, at tað eru góðar ábendingar um, at fólk gjarna vilja búgva í Sørvági. Tað sigur borgarstjórin í Sørvágs kommunu, Eimé Jacobsen. Umframt Sørvág, fevnir kommunan eisini um Bø, Gásadal og Mykines, men tað er serliga í Sørvági, at fólk ynskja at seta búgv. - Nøkur børn eru í Bø, og nøkur eru eisini í Gásadali, men tað er serliga í Sørvági, at eftirspurningur er eftir grundstykkjum. Borgarstjórin vísir á, at í november í fjør fór fólka­ talið í kommununi fyri fyrstu ferð upp um 1200, men í uppgerð hjá Hagstovu Føroya hin 1. apríl í ár, búðu 1194 fólk í Sørvágs kommunu. Hyggja vit eftir tíðarskeiðnum frá 1. apríl í 2018 til 1. apríl í 2019 vaks fólkatalið í kommununi hetta árið við 20, sum er ein vøkstur yvir eitt ár á 1,7 prosent. Eimé Jacobsen vísir á, at fram til hin 1. mars í ár hevði kommunan ein vøkstur yvir seinasta árið á 2,6 prosent, men líkt er til, at vøksturin síðan er mink­ aður nakað. - Men, hóast vit duttu niður um aftur tey 1200 fólkini við samanteljingini hin 1. apríl í ár, so veit eg, at talið seinni er komið upp aftur, soleiðis at vit aftur eru farin um tey 1200, sigur hon. Borgarstjórin heldur, at ein orsøk til, at fólk vilja búgva í Sørvági, er, at umhvørvið her er so sera vakurt. - Náttúran í okkara kommunu, bæði í Mykinesi, Bø, Gásadali og ikki minst út eftir Sørvágsfirði er so fantastiska vøkur, og ikki minst sólsetur her um okkara leiðir er heilt framúr, sigur Eimé Jacobsen. Nýggj útstykking Sørvágs kommuna er eisini farin at fyrireika seg til enn størri fólkavøkstur, og soleiðis er kommunan nú í holt við eina útstykking á Middagsvarða, tey rópa. Her verður í fyrstu syfti grivið út fyri 18 grund­ stykkjum, og ætlanin er, at hetta arbeiðið skal verða liðugt seinni í heyst. Borgarstjórin vísir á, at støddin á hvørjum grund­ stykki á Middagsvarða verður umleið 700 fermetrar, og søluprísurin verður 150 krónur fyri hvønn fermetur, soleiðis at prísurin á hvørjum grundstykki verður umleið 105.000 krónur. - Tað er Kristian Olsen, entreprenørur, sum fremur útgrevsturin fyri kommununa, og her fer kommunan eisini at syrgja fyri vegi og íbindingum, men tey, sum fara at byggja, taka sær sjálvi av planering. Eimé Jacobsen vísir á, at tað eru nú nøkur ár síðan, at Sørvágs kommuna útstykkjaði seinast, og hon held­ur, at tey eru heldur sein á sjóvarfallinum, tí í løt­ uni eru smáir møguleikar til nýbygging í Sørvági. - Síðan útgrevsturin byrjaði í fyrru hálvu av mai, hava fólk vent sær til kommununa við fyrispurn­ ingum, og tað er gleðiligt. Umframt tey 18 grund­ stykkini, vit nú fáa á Middagsvarða, hava vit eisini møgu­leika at grava út fyri umleið 12 grundstykkjum aftrat. Hon sigur, at meðan útgrevsturin, sum nú er í gongd, verður framdur, verður tað áhugin fyri hesum grundstykkjunum, sum verður avgerandi fyri, nær farið verður at grava út fyri teimum næstu. - Hvussu fram verður farið, fara vit í kommununi at taka støðu til, leggur hon aftrat. Country & Bluesfestivalur Bryggjan 17 • 380 Sørvágur • Faroe Islands • www.vestmek.fo - Síðan útgrevsturin byrjaði í fyrru hálvu av mai, hava fólk vent sær til kommununa við fyrispurningum, og tað er gleðiligt, sigur borgarstjórin, Aimé Jacobsen