týsdagur 18. juni 2019síða 6

Mikudagur 18. juni 2019 · Nr. 69 6 Sosialurin Hugskot og viðmerkingar – send sms til 225000 TÍÐINDI Spara 15 prosent av oljunýtsluni Síðani í mars mánaði hevur Hav Atlantic verið við í eini royndarverkætlan, har skipið hevur fingið eina nýggja skipan umborð, sum sparir olju. Higartil hava teir spart 15 prosent, men teir vænta at spara nøkur prosent afturat Frants Jensen frants@sosialurin.fo – Vit væntaðu at spara um 10 prosent. Higartil hava vit spart 15 prosent. Og vit vænta, við nøkrum tillagingum afturat, at fara at spara nøkur prosent afturat, sigur Bárður Højgaard, ein av teimum fýra brøðr­un­ um, ið eigur reiðaríið Frakt & Sand, sum eigur Hav Atlantic. Bárður Højgaard er sjálvur elektrikari og arbeiðir nógv við tí tekniska umborð á skipunum hjá reiðarínum. Klók skipan sparir oljunýtsluna Tað var síðst í 2018 at byrjað varð at seta nýggju skipanina umborð á Hav Atlantic. Skip­ anin hevur heitið Frugal Pro­ pul­sion. Tað er eitt danskt felag, ið eitur Frugal, ið hevur ment loysnina. Skipanin er snild og kann stýra snúningunum á motorinum. Skrúvan er flytilig og bløðini draga fyri at fáa meira ferð á. Er hækking á, so minka snún­ingarnar á motorinum. Skipanin er klók og gevur nógv ymisk dáta. Millum annað avlesur hon oljumát­ing­ ar fyri hvønn tíma, og hon rokn­ar eisini út, hvussu tað ber til at spara mest. Til dømis um nógv stendur á akslunum, so lækkar hækkingin á skrúv­ uni, og tað gevur fleiri snún­ ing­ar. – Skipanin minkar um olju­ nýtsluna hjá skipinum. Spar­ ingin svarar til umleið 225.000 litur MGO, og 15.000 kilo av NOx um árið, sigur Bárður Høj­gaard. Av tilvild Skipanin varð sett í so við og við, meðan Hav Atlantic lá við kai og lossaði. Tað var bara ta einu ferðina í mars at skipið mátti liggja við kai í fimm dagar, tá ið skipanin endaliga varð sett upp umborð, at tað ávirk­aði vanligu rutuna hjá skip­inum eitt sindur. – Tað hevur ikki órógvað arbeiðið á skipinum nógv. Vit vænta, at íløgan, ið vit hava gjørt, verður spard innaftur eft­ir einum ári, sigur Bárður Høj­gaard. Tað var eitt sindur av tilvild, at Hav Atlantic gjørdist partur av royndarverkætlanini. – Vit sigla runt í nógvar havn­ir í Norðurevropa, og tá koma vit eisini í prát við nógv fólk. Vit ynskja eisini at vera meira grønir. Men tað er eisini greitt, at kappingin er hørð innan okkara vinnu, og hon gev­ur ikki so nógv. Tí er eisini neyðugt at hyggja eftir, hvar vit kunnu spara. Okkara kapp­ ingarneytar eru útlendingar. Tá ið vit hoyrdu um hesa skip­ an­ina, hildu vit, at vit skuldu royna hana, sigur Bárður Høj­ gaard. Ætlandi umborð á fýra onnur skip Skipanin sendir dáta inn á skip­anina hjá Frugal á skriv­ stov­uni í Danmark, og teir ar­ beiða allatíðina við at menna hana. Nú ætlar Frakt & Sand at fáa skipanina umborð á fýra onnur skip hjá felagnum, nevni­liga umborð á Hav Nes, Hav Nordic, Hav Skandic og Hav Saga. Skipanin riggar sum nú er ikki til øll sløg av skipum, men nevndu skip líkjast Hav Atlantic, og væntandi fer hon at rigga har. – Vit eru í gongd við at kanna um tað ber til at fáa skipanina umborð á hesi fýra skipini eisini. Vit vóna, at hon eisini fer at spara oljunýtsluna á teimum skipunum, sigur Bárð­ur Højgaard. Frugal hevur verið í sam­ bandi við skipaverksmiðjur, sum gera nýbyggingar, fyri at kanna um hendan skipanin kann setast umborð. Skipanin hevði nokk ikki rigga til frystiskip og onnur, ið hava tørv á nógvari el-orku. Men hon sær út til at passa væl til nøkur av skipunum, ið Frakt & Sand hava. – Nýggja skipanin riggar ikki at nýta umborð á øllum skip­um. Tað er best um skrúv­ an hevur broytiliga hækking, sig­ur Bárður Højgaard. Siglir í Norðurevropa Hav Atlantic er eitt fraktskip, sum fyri tað mest siglir við fiska­mjøli, sandi, skervi og aðrari frakt millum havnir í Norð­urevropa. Millum annað verð­ur siglt til Norra, Litava, Týsk­land, Ongland, Holland og Spania. Tað er sjáldan at skipið er í Føroyum. Skipið er 90 metr­ar langt og lastin er 5.500 rúm­metrar. Sjey menn sigla við skip­in­ um. Frakt & Sand hava níggju skip og umleið 120 fólk í starvi. Hav Atlantic við Norðskála Hav Atlantic