týsdagur 18. juni 2019síða 12

Mikudagur 18. juni 2019 · Nr. 69 12 Sosialurin Hugskot og viðmerkingar – send sms til 225000 TÍÐINDI Fara nú at stovna felag gera tunnil til Suðuroyar P/F SUÐUROYARTUNNILIN Landsstýrismaðurin í samferðslumálum fer nú beinanvegin undir fyrireikingina til at stova eitt alment partafelag at gera undirsjóvartunnil til Suðuroyar Áki Bertholdsen –  Nú skal eitt alment parta­ felag setast á stovn at fyrireika og at standa fyri arbeiðnum at gera undirsjóvartunnil til Suð­ uroynna. Tað sigur Heðin Mortensen, landsstýrismaður í sam­ferðslu­ málum. Ein arbeiðsbólkur, sum hann setti fyrr í ár at kanna spurningin um at gera undir­ sjóvartunnil til Suðuroynna, vísir á, at skal tað verða klárt at fara undir arbeiðið í 2023, tá ið Sandoyartunnilin er liðugur, verður neyðugt at fara undir tær neyðugu forkanningarnar, og aðrar fyrireikingar, beinan­ veg­in. Tí mælir bólkurin eisini til, at eitt alment partafelag verð­ ur stovnað beinanvegin at standa fyri arbeiðnum, og at ein verklagslóg um tunnilin eis­ini verður samtykt í løg­ting­ in­um. Púra klárt Og Heðin Mortensen sigur, at tað er júst tað, hann ætlar sær at gera. –  Nú fari eg beinanvegin und­ir tað fyrireikandi arbeiði við tí endamáli at stovna P/F Suðuroyartunnilin, so at ar­ beiðið at fyrireika undir­sjóv­ar­ tunnilin kann halda fram, sig­ ur hann. Hann sigur, at endamálið má vera at fara undir arbeiðið, beinanvegin tunnilin til Sand­ oyar er liðugur, tí málið er at tað skal verða koyrandi til Suð­ur­oyar í 2030. Heðin Mortensen ivast kort­ini stórliga í um tað eydn­ ast at stovna partafelagið í hes­um valskeiðnum, sum end­ ar á ólavsøku. Løgtingið er farið í summ­ arfrí og tað veldst alt um, nær løgmaður útskrivar løgtings­ val. Ger hann tað ikki á sjálvari ólavsøku, er tað ein møguleiki hjá hesum Løgtinginum at gera tað. Men útskrivar løgmaður val í ólavsøkurøðu síni, stendur tað til nývalda Løgtingið at stovna partafelagið. –  Men eg ætli mær so at gera alt tað fyrireikandi ar­ beiðið, soleiðis at tað verður púra klárt hjá tí nýggja Løg­ ting­inum at seta felagið á stovn beinanvegin, sigur Heð­ in Mortensen. Hann sigur, at endamálið má so vera at seta eina fimm milli­ónir av til fyrireikingarnar um árið, til 2023, tá ið tað skal vera klárt at bora. Hann heldur, at tað hevur stóran týdning at hildið verður fram við arbeiðnum at binda landið saman. –  Kemur stígur í eftir at Sand­oyartunnilin er liðugur, stúri eg fyri, at tað verður sein­ ur dagur, áðrenn tað kemur gongd á aftur, og tað hevði verið ein stórur missur fyri bæði Suðuroynna, og restina av landinum, heldur hann. Í eitt felag Heðin Mortensen, landsstýris­ mað­ur í samferðslumálum tek­ur undir arbeiðsbólkinum í, at allir undirsjóvartunlarnir verða lagdir í eitt og sama felag. – Vit eiga at hava eina sam­ haldsfasta skipan og tað er púra greitt, at skal allur kostn­ aðurin fyri Suðuroyartunnilin, takast av fíggjarlógini, verður tað ógvuliga møtimikið, fyri ikki at siga ímøguligt. Tí verð­ ur neyðugt at fíggja ein part av honum við bummgjøldum, eisini úr verandi undir­sjóv­ar­ tunlum, sigur landsstýris­mað­ ur­in. –  Ein suðuroyartunnilin er ein felags verkætlan fyri allar før­oyingar, staðfestir hann. Ein suðuroyartunnilin er ein felags verkætlan fyri allar føroyingar, staðfestir Heðin Mortensen, landsstýrismaður í samferðslumálum Nú fari eg beinan­vegin undir tað fyrireik­andi arbeiði Kemur stígur í eftir at Sandoyar­ tunnilin er liðugur, stúri eg fyri, at tað verður seinur dagur, áðrenn tað kemur gongd á aftur