týsdagur 18. juni 2019síða 36

Mikudagur 18. juni 2019 · Nr. 69 36 Sosialurin Hugskot og viðmerkingar – send sms til 225000 JÓANSØKA BAKARÍIÐ HJÁ HANS OLAF GER BURTUR ÚR JÓANSØKU - Umframt vanligan bakstur, fara vit at hava toast, poppkorn, pizza og salat, og sum nakað serstakt fara vit eisini at hava turt tvøst, spik og epli, sigur Hans Olaf Johannesen, bakari Vilmund Jacobsen Bakaríið hjá Hans Olaf á Tvør­oyri er kent um landið fyri stutt­ligu lýsingina: “Um tú kem­ur í bili ella jolle – hjá okk­ um fæst altíð ein góður bolle...” Men, nú jóansøka verður um vikuskiftið, fer fryntligi bak­arin at gera meira burtur úr enn vanligt, og leygarkvøldið fer bakaríið eisini at hava opið heilt til á midnátt. - Jú, vit fara at gera eitt sind­ur eyka burturúr, tí vit vænta nógv fólk á Tvøroyri á jóan­søku ár. Umframt kappróðurin, sum vanliga savnar nógv fólk, verður eisini lands­kapping­ar­ dystur og steypadystur leygar­kvøldið klokkan 18.30 millum TB og oddaliðið, KÍ. Klaks­vík­ingar plaga at vera raskir at fylgja sínum liði, og tí vænti eg, at eisini áskoðararnir fara at síggjast aftur í býnum henda dagin. Smyril siglir ikki av Tvøroyri fyrr enn klokkan 22 leygarkvøldið, og tað merkir, at bæði kappróðrarfólk og við­halds­fólk hjá KÍ – umframt onn­ur, sum koma suður at vitja okkum leygardagin – sleppa ikki heimaftur fyrr enn í fyrsta lagi út á kvøldið, sigur Hans Olaf Johannesen. Ger meira burturúr Bakarin á Tvøroyri vísir á, at um­framt vanligan bakstur, fara tey á jóansøku eisini at hava toast, poppkorn, pizza og salat, og sum nakað serstakt fara tey eisini at selja turt tvøst, spik og epli. Hans Olaf Johannesen sig­ur, at bakaríið letur upp leygar­morgunin klokkan 07, og opið verður heilt til á midnátt. Sunnudagin verður opið frá klokkan 14 til 20. - Eg eri í nevndini hjá TB, og tískil eru vit sum felag eisini partur av fyrireikingunum til jóan­søkuna, ið fleiri feløg sam­an við kommununi standa sam­an um. Hans Olaf Johannesen vísir á, at TB gav B36 ein harðan dyst seinasta vikuskiftið, og hann sigur seg vóna og vænta, at TB eisini fer at megna at geva oddaliðnum harða mót­støðu. - Okkara lið fer á vøllin fyri at vinna, tí tað er á heimavølli, vit mugu skava okkum stigini sam­an. Bakarin sigur, at hann hev­ur hugt eftir veðurútlitunum til vikuskiftið, og útlitini eru góð. - Tað hevur alt at siga fyri eitt slíkt stevnutiltak, at veð­ur­gud­arnir eru við okkum. Vit hava eina góða skrá, og her er heilt víst nakað til øll, bæði børn, vaksin og tilkomin, eins og ein bygdastevna sjálvsagt eis­ini er eitt familjutiltak, sigur hann. Bakari í 1994 Í stuttum kunnu vit siga um bak­aran, Hans Olaf Johanne­sen, at hann lærdi til bakara og kond­ittara í Vági, og hann varð liðugur at læra í 1994. Eftir at hava arbeitt sum bak­ari í Danmark í nøkur ár, byrj­aði hann fyri seg sjálvum í Pork­eri í 1999. Í 2005 keypti hann eisini bak­aríið hjá Odduri Dimon á Tvør­oyri, og árini 1999 til 2012 hevði hann bakarí bæði í Pork­eri og Tvøroyri. Í 2012 gjørdi hann av at steingja í Porkeri og byggja uppí á Tvøroyri. - Eftirspurningurin eftir bakstri var vorðin so mikið stór­ur, at eg kundi ikki lata aft­ur í Porkeri, fyrr enn eg hevði vaksið um kapasitetin á Tvør­oyri, sigur Hans Olaf Jo­hanne­sen. Tað er ikki vanligt, at bakari selur turt tvøst, spik og epli, men hetta verður partur av konseptinum hjá Hans Olafi Johannesen á jóansøku