týsdagur 18. juni 2019síða 38

Mikudagur 18. juni 2019 · Nr. 69 38 Sosialurin Hugskot og viðmerkingar – send sms til 225000 JÓANSØKA Batar eru at hóma í Hovi Seinastu tíðina hevur Hovs kommuna selt trý grundstykki, og ítøkiligir fyrispurningar eru um onnur grundstykki í Hovi Vilmund Jacobsen Fara vit nøkur ár aftur, sá einki serligt út hjá eitt nú Hovs kommunu – við minkandi fólka­tali og minkandi skatta­ inn­tøkum. Men, nú kann borg­ ar­stjórin, Jónsvein Hovgaard, fegn­ast um, at batar eru at hóma. - Fólkatalið, sum var í mink­ ing, er vaksið nakað aftur, og skattainntøkurnar, sum eisini vóru minkandi, eru kvinkaðar nakað upp eftir, sigur hann. Hyggja vit í seinastu hag­tøl­ ini hjá Hagstovu Føroya, sæst, at fólkatalið í Hovs kommunu hin 1. apríl í 2018 var 99 – og hin 1. apríl í 2019 var talið 102. Sambært Hagstovu Føroya var her talan um ein vøkstur á 3 prosent yvir eitt ár. Men, borgarstjórin ásannar, at tað kann ganga skjótt hvønn vegin, tá bygdin er so fáment, sum Hovs kommuna er. - Tað er lívsins gongd, at onk­ur dettur burtur av, og so­ leiðis hevur seinastu tíðina eis­ini verið her hjá okkum. Jónsvein Hovgaard vísir á, at skattainntøkurnar hjá komm­ununi hava verið heldur størri í ár og í fjør enn tey tvey árini frammanundan. - Vit vóna soleiðis, at árið í ár fer at hildnast, og at 2019 ikki verður verri enn árið í fjør. Men, tað er ógjørligt at siga, hvussu gongdin verður, leggur hann aftrat. Borgarstjórin fegnast eisini um, at aling aftur er í gongd á fjørðinum, og hann vónar, at hetta virksemi eisini fer at geva nakrar krónur í komm­ unu­kassan, sum tíðin gongur. Selt grundstykki Tað, sum kanska serliga lyftir undir bjartskygni í Hovs komm­ unu í løtuni er, at komm­unan seinastu mánað­ir­nar hevur selt trý grundstykki, og tað er ikki hent í fleiri ár. - Vit vænta, at tvey av hús­ un­um verða bygd heilt skjótt, og síðan vóna vit eisini, at triðja húsið stendur uppi áðr­ enn langt um líður. Tað er so­ leiðis, at komman nú treytar sær, at bygt verður innan rími­ ligt tíð sum er tvey ár. Borgarstjórin sigur, at um­ framt, at nevndu trý grund­ stykki eru seld, eru eisini fyri­ spurn­ingar um onnur grund- ­stykki. - Eg vil siga, at vit hava rættiliga ítøkiligar fyri­spurn­ing­ ar um onkur grundstykki aftr­at, og tað fegnast vit sjálv­sagt um. Jónsvein Hovgaard sigur, at Hovs kommuna eigur tvey grundstykki aftrat, sum eru klár at selja, og hesi fara fyri eina lutfalsliga lítla upphædd. - Vit hava selt planeraði grund­stykki fyri einar 30.000 krónur og óplaneraði fyri ein­ ar 15.000 krónur. Hetta eru grund­stykki, sum hava ligið í nógv ár, og nú vóna vit, at vit kunnu selja tey til fólk og familjur, sum ætla sær at búgva í Hovi. Jónsvein Hovgaard sigur, at kommunan eisini hevur fyri­ spurn­ingar um grundstykki til summ­arhús, men hann heldur ikki, at tað er hetta, sum komm­unan hevur mest brúk fyri í løtuni. - Vit ynskja, at fleiri flyta til Hovs at búgva, og tað gleðir okkum, at talan eisini er um familjur við børnum, sum eru fluttar higar, leggur hann aftr­ at. Hovs kommuna eigur góðan skúlan, men her er eingin skúla­gongd. Tí verður skúlin og góði skúlagarðurin brúktur til onnur endamál. - Vit hava avtalu við aðrar kommunur í Suðuroy um bæði skúla og barnaansing, og hvar hesar avtalur eru, hongur sum oftast neyvt saman við, hvar foreldrini koyra til arbeiðis, sigur Jónsvein Hovgaard. Ein túr á jóansøku Borgarstjórin vísir á, at nú jóan­søka verður á Tvøroyri um vikuskiftið, fer hann helst ein túr norður at hyggja eftir kappróðrinum. - Mær dámar væl at síggja kappróðurin, og síðan kundi eg hugsað mær at verið við til felagssang. Eg skilji, at nógv forvitnisligt er í jóan­søku­ skránni, og er tað okkurt, sum eg havi hug at vitja og síggja, fari eg væntandi til onkur onn­ ur tiltøk eisini, sigur Jónsvein Hovgaard. Hovs kommuna hevur selt trý grundstykki seinastu tíðina, og fyrispurningar eru um onnur grundstykki, sum kommunan eigur Borgarstjórin í Hovs kommunu, Jónsvein Hovgaard, sigur, at tað eru batar at hóma. – Men, tað er altíð trupult at spáa um framtíðina, sigur hann