mánadagur 1. juli 2019síða 23

23 Mánadagur 6. januar 2014 · Nr. 2 Sosialurin Mánadagur 1. juli 2019 · Nr. 74 Hugskot og viðmerkingar – send sms til 225000 KLUMMAN Sjúrður sigur sína hugsan... Enn ein áhugaverd vika er farin afturum, har føroysk ítrottarfólk luttaka í altjóða kappingum. KÍ tekur ímóti liði úr San Marino, NSÍ er í Norðurírlandi og HB fer til Finnlands. Eitt dreingjalið úr Uruguay vitjaði í Føroyum um vikuskiftið, og føroysk fræls ítrottarfólk eru í Svøríki áðrenn tey saman við níggju øðrum ítrottargreinum fara til Oyggjarleikir á Gibraltar. Sum stendur at lesa her í blaðnum, fer eitt føroyskt U17-landslið í hondbólti eisini til Svøríkis í dag. Hesir dreingirnir eru eins og allir aðrir føroyskir íðkarar spentir at umboða Føroyar úti í heimi. Teir hava fingið eina stóra avbjóðing, tí mótstøðuliðini longu fyrsta dagin eru Norra og Spania, ið teljast millum sterkastu hondbóltsjóðirnar yvirhøvur. Ein ovurstórur biti hjá teimum 16 og 17 ára gomlu føroyingunum, men teir hava eitt eyka trýst á sær. Hondbóltsfjepparar tora ikki at siga tað hart, men í stillum vóna vit meira enn nakrantíð at hesir teir verið so hepnir og dugnaligir at fingið úrslit ímóti hesum stórtjóðum. Tá kundi neyðuga virðingin fyri føroyskum hondbólti verið funnin fram í samfelagnum, og hendan vælsignaða milliónin sum Sosialurin hevur umrøtt so ofta, kundi verið funnin. Virðingin er har gaman í. Ikki minst fløvaði tað hjá øllum hondbóltsfólki at hoyra Atla Gregersen senda eina heilsu til hondbóltslandsliðið í beinleiðis útvarpi. At eitt úrslit ímóti stórtjóðum í hondbólti skuldi verið framt, og at tað skuldi loyst allar trupulleikarnar, er sjálvandi bert ynskishugsan hjá ráðaleysum fjepparum. Men tað hevði verið so sera spell um hondbólturin ikki slapp at halda fram at knýta føroysku sambondini út í heim. sjurdur@sosialurin.fo Sunnudagin spældi eitt dreingjalið hjá Racing Montevideo móti før­ oyska U15-landsliðnum á Tórsvølli. Hetta var fyrstu ferð at eitt lið úr Uruguay er í Føroyum, og áðrenn og eftir dystin var góður hýrur, ið var sermerktur av forvitni ímillum fjarskotnu tjóðirnar. Áðrenn dystin heilsaðu FSF- for­setin, Christian Andreasen og uruguayanski heiðurskonsulin í Føroyum, Ivan Eginsson Eystur­ land uppá spælararnar, og tjóð­ sang­irnir hjá Uruguay og Føroyum vóru spældir. Racing Montevideo vann dystin 2-0. Bæði málini komu í fyrra hálv­ leiki. Fyrra málið kom longu aftaná níggju og eitt hálvt sekund, og seinna málið kom tá 25 minuttir vóru spældir. Spælt var 2 ferðir 35 minutt­ir. Føroysku venjararnir, Jan M. Laur­sen og Jens Erik Rasmussen fingu roynt fleiri spælarar, og fingu tí ein gagnligan venjingardyst. Hóp­u­rin hjá Uruguay fegnaðist í sín­um lagi um, at teir megnaðu at vinna á Føroyum. Føroysku og Urugaysku dreingirnir eftir dystin Mynd: Ivan Eginsson Eysturland DREINGIR ÚR URUGUAY Á VITJAN Landsliðs­ virksemi knýtir sambond um allan heimin Tað er framvegis óvist um føroyska A-landsliðið í hondbólti fær meldað lið til HM-undankappingina, ið byrj­ar í heyst. Ítrottarliga er eing­ in forðing, men vantandi heima­ vøll­urin hevur givið so stór­ar eyka­út­reiðslur, at Hond­bólts­sam­ band Føroya vantar eina millión í síni fíggjar­ætlan. Tí kann gerast neyðugt at A-landsliðið ikki kann melda seg til HM-undan­kapp­ing­ ina. Hondbóltslandsliðið fekk um viku­skiftið stuðul frá Víkingi. Eftir dystin ímillum Víking og TB nýtti liðskiparin Atli Gregersen høvið at senda eina heilsu til hond­bólts­ landsliðið. -Vit í Víkingi skilja á lagnum at har manglar ein millión. Vit fáa ikki hjálpt tykkum, men vit vildu gjarna, sigur Atli Gregersen, ið er liðskipari hjá bæði Víkingi og lands­liðnum. Liðskiparin hugleiðir um, at fót­bólt­urin kundi hjálpt til við at savna pening inn og staðfestir: Før­ oysk ítrottarfólk skulu kappast á altjóða støði, tað er einki at ivast í. Víkingur ynskir hondbóltinum alt tað besta