týsdagur 2. juli 2019síða 26

Mikudagur 2. juli 2019 · Nr. 75 26 Sosialurin Hugskot og viðmerkingar – send sms til 225000 POLITIKARA-LIST, SÁLMASANGUR OG GEKKUR - Vit royna ikki at gera ein festival, men tað skal heldur ikki bara vera kappróður ella vanlig stevna, men okkurt ímillum, við mentanartiltøkum, ið raka breitt, sigur formaðurin í STÍF, Alexandur Johansen. Dagfinn Olsen STÍF er søguríkt felag, ið er stovnað í 1942. Formaður í dag er Alexandur Johansen, og harvið er hann ein av teimum mongu, ið er við til at fyrireika Fjarðastevnuna. - Tað eru Strálan og STÍF, ið standa fyri. Útgangsstøðið er kappróður, og stevnan skiftir millum Strendur, Vestmanna, Skála og so aftur Vestmanna og Strendur, so tað er 4. hvørt ár, sigur Alexandur Johansen. Síðstu árini hava gomlu stevn­urnar fingið kapping, eitt­nú av festivalum. - Vit vilja gera meira, enn bara kappróður, men tó ikki ein festival, og heldur ikki bein­leiðis eina stevnu. Vit vilja gera okkurt, ið er eitt sindur øðr­vísi, til dømis við ment­an­ ar­tiltøkum, ið raka breitt, sigur Alex­andur Johansen. Anita og løgmaður mála Skráin fyri fjarðastevnuna stend­ur at byrja longu týsdag við bindiklubbakvøldi. - Vit hava jú Snælduna, og hetta kvøldið sleppa tey at vísa, hvat tey hava at bjóða. Miku­dag er sálmasangur í Sjóv­ar Kirkju, og tað eru løg eft­ir Ámund Berthelsen, ið eru á skránni. Listamaðurin Finn­ leif Mortensen hevur lista­ skemmu á Strondum, og har hev­ur hann framsýning, og grann­in, Ásbjørg, bjóðar kaffi, og har fer Ólavur á Váli at syngja. Og so nærkast viku­ skiftið og meira ferð kemur á, og fleiri tiltøk eru á skranni, sig­ur Alexandur Johansen. - Seinast høvdu vit hugna við sangi fríggjakvøld. Tað rigg­aði stak væl, so tað royna vit aftur í ár, og sjálvsagt er tað so­leiðis, at møguleiki er at spæla Gekk. Gekkurin er so stórur nú, at hesum slepst ikki und­an, so stórskíggi er á staðn­ um, sigur Alexandur Johansen, og leggur afturat, at leygar­ kvøldið verður skipað fyri grill­kvøldi. - Skipað verður eisini fyri upp­boðssølu, og har eru tað politikarar, sum hava málað máln­ingar. Og vil ein til dømis ogna sær nakað so forkunnugt, sum málning eftir Anitu á Fríð­riksmørk ella Aksel V. Jo­ hannesen, løgmann, so er at liggja framvið, sigur STÍF for­ mað­urin. Væl skipað og ongin strongd - Tað eru Strálan og STÍF, sum fyriskipa og stevnan er eisini ein inntøkukelda hjá feløg­un­ um, men vit royna at raka breitt, og at fáa so nógv fólk við, sum gjørligt, sigur Alex­ and­ur Johansen. - Nú hevur Strálan ikki havt manning í nøkur ár, men er nú við aftur, so spenandi verður at síggja, um tey megna at gera ein vørr á heimavølli, sigur Alex­andur Johansen, sum minn­ir á, at tað er stórarbeiði at fyriskipa og samskipa, tí eini 70 manningar luttaka á Fjarða­stevnu. - Men stevnur og fyrireik­ ing­ar hava altíð gingið væl og Skálafjørðurin er væl egnaður, sig­ur StíF formaðurin, ið ikki kennir strongd. - Vit byrjaðu í góðari tíð. Vit settu arbeiðsbólkar og sam­ skip­ara, og tað hevur riggað stak væl, og tí kenna nevnd og for­maður ikki strongd, sigur Alex­andur Johansen. FJARÐASTEVNAN Fjarðastevna: