hósdagur 4. juli 2019síða 20

SOSIALURIN OYGGJALEIKIR 4 1939 6. JULI - 12. JULI 2019 FYRIREIKINGIN SKAL GERA ÚTSLAGIÐ BORÐTENNIS: LANDSLIÐIÐ HEVUR VERIÐ SAVNAÐ OFTARI ENN VANLIGT Í EINARI ROYND AT BRYNJA SEG BEST MØGULIGT TIL AT RØKKA MÁLINUM UM AT AFTUR VINNA HEIÐURSMERKI Í NÓGV VIRÐISMETTU LIÐKAPPINGINI. Tróndur Arge Í borðtennis á oyggjaleikunum er stór æra í at vinna liðkappingina, har tað í einmansleiki, tvímansleiki og blandaðum tvímansleiki í sonnum landsdystum verður kappast land ímóti landi at vinna heiðurin sum stinnasta borðtennistjóð á leikunum. Seinastu tríggjar ferðirnar hava Føroyar verið tætt við at vunnið heiðursmerki í liðkappingini, men hvørjaferð er hálvfinaluplássið júst gloppið av hondum. Seinast Føroyar gjørdu seg galdandi í liðkapp­ ingini, var í 2005. Tá vunnu Føroyar bronsu. Síð­an tá hevur verið tætt við fleiri ferðir, og nú gera Føroyar enn eina roynd at sleppa upp á sigurs­ skamm­ilin sum lið. - Eg meti, at vit hava ein fínan møguleika at koma í hálvfinaluna í liðkappingini, sigur verandi føroyameistarin í borðtennis, Fróði F. Jensen, ið væntandi verður fremsti spælarin á føroyska landsliðnum aftur hesaferð. - Vit hava eitt sterkt lið bæði á manssíðuni og á kvinnusíðuni. Um øll kempa fyri tí og royna at spæla sítt besta spæl, so kann tað vera, at vit kunnu koma eitt vet longri enn vit eru komin seinastu ferðirnar. Tað mest umráðandi er, at vit fara oman har og spæla tað spælið, ið vit einsæris vita vit kunnu, sigur hann. Fróði F. Jensen, ið er 27 ára gamal og hevur vunnið FM fýra ferðir, spælir dagliga við Amager BTK í Danmark. Herfyri framdi hann eitt gott úrslit í Íslandi, har hann í Arctic Open vann bronsu í einmansleiki, bronsu í tvímansleiki saman við Halli Thorsteinsson og silvur í blandaðum tvímansleiki saman við systir sínari, Duritu F. Jensen. AVBOÐ Føroyski landsliðsvenjarin, danski Simon Ny­kjær­ -Fisher, hevur fingið tvey avboð fram til oyggja­ leik­irnar hesaferð. Henrietta Nørr og Durita F. Jensen, sum skrivaðu søgu við at vinna fyrsta føroyska borðtennisgullið á kvinnusíðuni - tað var í tvímansleiki - hava báðar givið avboð ávikavist vegna skaða og lesnað. Hinvegin er Rakul Mikkjalsdóttir, ið áður hevur vunnið FM og áður hevur verið við á oyggja­leik­ un­um, byrjað at spæla aftur, og hon tykist vera í góðum formi. Hon framdi góð úrslit í Arctic Open í Íslandi herfyri og vann tvær bronsur - í ein­mans­ leiki og í blandaðum tvímansleiki. Systir hennara, Anna Mikkalsdóttir, ið somu­ leið­is hevur vunnið FM tvær ferðir, er eisini við, og so fáa tvær blaðungar kvinnur, 15 ára gamla Sólja Hilduberg Djurhuus og 16 ára gamla Britt Michelsen, debut á oyggjaleikunum. Tær báðar hava staðið seg væl á ungdómslandsliðnum sein­astu tíðina og fáa nú møguleikan ímillum tey elstu. Á manssíðuni eru Føroyar fullmannaðar. FM- finalistarnir báðir, Fróði F. Jensen og Hallur Thor­ steins­son, vóru ikki við í Gotlandi fyri tveimum árum síðani, men teir eru nú við aftur og mynda liðið saman við Pæturi Albinus og Eyðuni F. Ellend­ersen. Serliga á manssíðuni var hørð kapping um at sleppa við, og er tað nakað, ið sermerkir Føroyar í borðtennis á oyggjaleikunum, so er tað góða breiddin. HAVA KÝTT SEG Í borðtennis hava tey hesaferð lagt seg eftir at vera betur fyrireikaði til oyggjaleikirnar enn undanfarin ár, og ein rættiliga stórur bruttohópur hevur havt regluligar venjingar seinastu nógvu mánaðirnar. - Fyrireikingin til oyggjaleikirnar hevur verið í gongd í longri tíð. Vit hava havt eina ørgrynnu av venjingarlegum bæði í Danmark og í Føroyum, sigur Fróði F. Jensen. - Í Danmark fingu vit sparring úr lokalu feløg­ unum, sum vit vandu hjá. Síðsta mánað vóru vit í Íslandi og spældu kapping, sum eisini var ein góður møguleiki at royna seg. Annars hava leikararnir vant hvør sær í ymsu feløgunum, sigur Fróði. Hann sigur, at oyggjaleikirnir annars er ein stinn kapping samanborið við aðrar, og at tað tískil er ein trupul vegur heilt upp á toppin. - Støðið á oyggjaleikum er høgt. Tríggir leikarar, ið umboða ymsar oyggjar, hava í ár regluliga spælt í bestu deildini í Danmark, sum jú er á rættiliga høgum støði, vísir Fróði F. Jensen á. Seinastu vikuna undan fráferðini til oyggjaleikirnar er føroyski hópurin savnaður á venjingarlegu í Føroyum. Lagt verður fyri í høvuðsstaðnum, og síðani verður farið suður til heimstaðin hjá søguríka borðtennisfelagnum TBF á Tvøroyri. HÓPURIN MENN Eyðun F. Ellendersen Fróði F. Jensen Hallur Thorsteinsson Pætur Albinus KVINNUR Anna Mikkjalsdóttir Britt Michelsen Rakul Mikkjalsdóttir Sólja Hilduberg Djurhuus VENJARAR Simon Nykjær-Fisher