hósdagur 4. juli 2019síða 34

SOSIALURIN OYGGJALEIKIR 18 1939 6. JULI - 12. JULI 2019 STINNIR SKJÚTTAR HÓAST ÓVISSU OG RINGAR UMSTØÐUR SKJÓTING: -AT VENJA TRAP-SKJÓTING Í FØROYUM ER SUM AT VENJA FLOGBÓLT, MEN KAPPAST Í KURVABÓLTI Sjúrður Hildarson Hoydal Fyrsta føroyska heiðursmerki í skjóting fekk Finn Ludvig, tá ið hann vann bronsu á Isle of Wight í 1993, og slóðbrótarin skjýtur aftur hesaferð. Fyrsta gullið kom 10 ár seinni, tá ið Marius F. Joensen vann á Rhodos í 2013. A Gottlandi seinast smakkaðu føroysku skjúttarnir aftur gull, tá ið Sámal Debes og Tórur Fløtt vunnu liðkappingina í skeet. Tríggir av teimum fýra nevndu umboða aftur Føroyar á Gibraltar hesaferð. Í mun til seinast er Sámal Debes ikki við, men Alex Johannesen umboðar Føroyar í trap-skjóting saman við Finn Ludvig. Seks skjúttar kappaðust um at fáa landsliðs­ plássini fyrr í ár, og tað gjørdist sera tepurt, tá ið Esmar Joensen bert var tvær dúgvur frá at taka plássið frá Alexi Johannesen. Esmar Joensen er kortini við í hópinum sum venjari, eins og hann er formaður í Skjótisambandi Føroya. Vit hava biðið hann greiða okkum frá um skjóting sum ítrottargrein. TRÍGGJAR GREINAR, IÐ SNÚGVA SEG UM AT HALDA HØVDIÐ KALT Føroysku skjúttarnir skulu kappast í Olympic Skeet, Olympic Trap og Automatic Ball Trap (ABT) Esmar Joensen greiðir frá, at í olympiskum skeet ferðast dúgvurnar í einum føstum bana, og skjúttin flytur seg í millum standplássini, sum liggja í einum hálvmána rundan um breytina. Dúgvurnar verða sendar út eftir einari ávísari mannagongd, har ein ella tvær dúgvur verða skotnar hvørja ferð. -Í olympiskum trap og ABT ferðast dúgvurnar burtur frá skjúttunum, við einum vinkli, sum skjúttin ikki veit frammanundan. Munurin á greinarnar báðar er, at í ABT eru at vinklarnar víðari, meðan ferðin í olympiskum trap so er hægri. Haraftrat tryggjar olympiskt trap, at allir skjúttar hava fingið líka dúgvur aftaná eitt umfar, greiðir Esmar Joensen frá. Spurdur hvat eyðkennir skjóting, svarar Esmar Joensen at tamarhaldið á sær sjálvum er avgerandi. - Tað verður sagt, at allir leirdúgvuskjúttar kunnu undir venjing raka allar dúgvur úr øllum vinklum og á øllum standplássum. Men ein stórur partur av venjingini hjá einum leirdúgvuskjútta, er eisini at venja seg í móti sálarliga trýstinum tú kemur í undir kapping. Tað snýr seg um at hugsavna seg 100 prosent og halda høvdið kalt tá ið á stendur, sigur landsliðsvenjarin. HAVA FYRIREIKAÐ SEG SÁLARLIGA Skjótilandsliðið hevur fyrireika seg gjølla til oyggja­leikirnar. Herfyri luttóku skjúttarnir í norð­ ur­lendskari kapping í Danmark og úrslitini vóru góð. Alex Johannesen skeyt seg í finaluna og endaði á fimta plássi – millum annað frammanfyri besta trap-skjúttan í Danmark í løtuni. Í skeet gjørdist Marius F. Joensen bert tvær dúgvur og stuttur til finaluna og endaði sum nummar sjey. Umframt at kappast hevur landsliðið eisini verið á venjingarlegu í Danmark, har millum annað Jesper Hansen, ið skal skjóta við OL í Tokyo næsta ár, legði føroysku skjúttunum lag á. Og so hevur ítrottarsálarfrøðingur eisini hildið fyrilestur fyri hópinum – og skjúttarnir fingu eisini bjóða persónliga viðtalu við ítrottarsálarfrøðing. GÓÐAR VÓNIR HÓAST VÁNALIGAR VENJINGARUMSTØÐUR Góðu siðvenjunar í skjóting og ikki minst gullið í liðkappingini og bronsumerki hjá Tóri Fløtt á Gotlandi, bera boð um at føroysku skjúttarnir hava høgt støðið. Skeet-skjúttarnir hava víst sama høga støðið sum fyri tveimum árum síðani, sigur Esmar Joensen, men trap-skjúttarnir hava avbjóðingar leggur hann afturat. Trap-skjúttarnir hava ikki staðið seg líka væl á oyggjaleikum, og kemst tað óivað av, at tað eru so vánaligar umstøður til trap-skjóting Føroyum. Einasta trap-breyt í landinum liggur á Sandvíkum, og breytin er framvegis tann sama, sum á oyggjaleikinum í 1989. Føroyskir skjúttar hava í fleiri ár samskift við Tórshavnar Kommunu um at fáa breytina nútímansgjørda, so hon millum annað livir upp til krøvini, ið verða sett í dag, men tíanverri verður leirdúgvuskjóting ikki raðfest í Tórshavn, greiðir formaðurin í skjótisambandinum frá, áðrenn hann lýsir hvussu stór henda avbjóðingin er: -Í dag verður vant á eini trap-breyt, sum er ein blandingur millum olympiskt trap og ATB, og tað kann kanska samanberast við, at tú venur flogbólt, men luttekur í kurvabólti, tekur Esmar Joensen til. ÚTGERÐIN GEVUR AVBJÓÐINGAR Á SKJÓTIBREYTINI Ein ítrottarskjútti krevur sjálvandi serstaka byrsu, og føroysku íðkararnir eru einki undantak. Skjúttarnir brúka serligar ítrottarhøglbyrsur, sum eru gjørdar til leirdúgvu skjóting. Í mun til eina vanliga veiðubyrsu, eru ítrottarbyrsurnar gjørdar sterkari, soleiðis at tær skulu halda til fleiri 100.000 skot. Byrsan er oftast snikkað til kroppin á skúttanum, soleiðis at hon altíð liggur rætt, tá hann skal skjóta dúgvuna, greiðir Esmar Joensen frá. Á Gibraltar, verður bert møguligigt at skjóta við blýggjhøglum, men í Føroyum er bannað at brúka hesi høgl á skjótibreyt. Hetta kann merkja, at skjúttarnir mugu tillaga byrsuna, og skifta silindarin, sum situr uttast á pípuni á byrsuni, fyri at fáa somu skotmynd, sum teir hava við stál høglum í Føroyum, sigur landsliðsvenjarin. OG AVBJÓÐINGAR Á FLOGVØLLINUM -Ein afturvendandi avbjóðing, tá okkara ítróttar­ skjúttar luttaka á skjótikappingum uttanlands, er loyvi at ferðast millum lond við byrsu, greiðir Esmar Joensen frá. -Tá ið vit skulu heim aftur av Gibraltar, skulu vit yvir um marki til Spania. Skjótisamband Føroya hevur nú í fýra mánaðir arbeitt við at staðfesta hvørji loyvi verða kravd, tá ið vit koma inn í Spania. Men enn fyriliggur onki skrivligt loyvi frá nøkrum myndugleika. -Tað hevði verið munandi lættari, um føroysku ítróttarskjúttarnir høvdu viðurkent ES-vápnapass, eins og skjúttarnir í okkara grannalondum, sigur Esmar Joensen og greiðir frá, at Skjótisamband Føroya hevur í fleiri umførum heitt á føroyskar myndugleikar og politikarar um at fáa viðurkent vápnapass til føroysku ítróttarskjúttar, men enn røkist ikki fyri nakrari loysn, suffar Esmar Joensen at enda. HÓPURIN TRAP: Finn Ludvig Alex Johannesen SKEET: Tórur Fløtt Marius F. Joensen VENJARAR Esmar A. Joensen Jóannis Joensen