hósdagur 11. juli 2019síða 6

FRÍGGJADAGUR 12. JULI 2019 SOSIALURIN 79 6 ÁRNI GREGERSEN H ann er ókendur í politikk, men hann hevur fylgt væl við í samfelagskjakinum og er ein framstandi vinnu­lívs­ maður. Hans Andrias Kelduberg, 50 ára gamal, stillar upp fyri Fólka­ flokkin til komandi løg­tings­val. Ikki tí, at hann gongur við einum politikara í búkinum, men meira tí hann heldur, at nógv her í Føroyum kann loysast betur enn vit gera tað í dag. -Vit mugu duga betur at virka saman og sleppa smákjakinum, sum kann steðga øllum fram­ burði í landinum, sigur nýggja valevnið. Hann sigur, at tað ber ikki til at brúka so nógva orku, sum vit gera, til at kjakast um ting, sum eru farin afturum,, heldur enn at hyggja, planleggja og raðfesta fram­eftir. Fleiri ætlanir Hans Andrias Kelduberg heldur, at vit eiga duga betur at stinga út í kortið inn í framtíðina. -Vit eiga, at hava ætlanir 50 ár fram í tíðina, men vit skulu sjálvandi eisini hava 10 ára ætlanir og ætlanir fyri einstaka fíggjarárið. Hava vit ætlanir fram í tíðina, so ber til at broyta tær, so hvørt umstøðurnar broyt­ast, sigur hann. Eitt annað, sum hann legg­ur stóran dent á, er, at politikarr eru valdir til at taka av­gerðir og skapa karmarnar í sam­ felagnum. -Tað er ikki rætt at leggja stórar avgerðir út til nevndir við fakfólki. Tað er altíð politik­ ararnir, sum skulu standa við endan, tá ið avgerðir verða tiknar – ikki embætis- ella fak­ fólk, sigur hann. Eitt av hansara hjartamálum er, at smábarnaforeldur – mamma ella pápi – skulu sleppa undan at arbeiða ulla tíð. Hann heldur tey kunnu arbeiða ¾ tíð, men fáa fulla løn, so tey hava meira stundir til børn og at vera saman við børnum. Hetta er ein góð íløga, serliga tá ið tað vísir seg, at mong ung dragast við eina veikari sálarheilsu. Stórmál Nýggja valevniu hevur eisini fleiri stórmál ovast á bredda­ num: Ein sunnur fíggjarpolitikkur, ið skal koma fólkinum til góðar. Vit skulu fáa frískan pening inn til landið og hesin skal vera um­ sitin við skynsemi. - At helvtin av útflutninginum verður útvegaður av øðr­um vinnugreinum enn høvuðs­ vinnuni. Hetta skulu vera karm­ ar­nir fyri, at Føroyar kunnu føra ein konjunkturútjavnandi fíggjar- og vinnupolitikk. - At viðvirka til nýhugsan á orku­økinum, sum er blivin ein heimsumfatandi avbjóðing fyri okkum øll og komandi ættarlið. - At vit sum vælferðarsamfelag skulu røkka út til øll. Tá neyðugu broytingarnar á fíggjarpolitiska pallinum eru framdar og hvør króna við umhugsni er avsett eru karmarnir lagdir, at røkka út til øll í landinum. - Fjølbroytni ríkar samfelagið, bæði tá hugsað verður um fólk og vinnu. Tað er brúk - og skal vera pláss fyri øllum fólkabólkum her á landi - Saman standa vit sterkast og tí vil eg virka fyri, at øll skulu hava møguleika, har felagsskapurin um Føroyar er grundarsteinurin. -Eg vil siga tað uppá tann máttan, at eg eri komin hertil í mín­um lívi, at eg bjóði meg fram til at fara á ting. Eydnast tað og eg fái nóg nógvar atkvøður, verði eg glaður, men eydnast tað ikki, so havi eg roynd, sigur hans Andrias Kelduberg. Hans Andrias Kelduberg vil hava ein varnan fíggjarpolitikk, nýhugsan innan orku, fjølbroytta vinnu og at vælferðarsamfelagið røkkur út til øll BJÓÐAR SEG FRAM Á FÓLKA­ FLOKS­LISTANUM SAMRØÐA: Hans Andrias Kelduberg