mikudagur 8. desember 2004síða 5

Nr. 235 - 8. desember 2004 5 Fýra innleiðandi um- før í Fuglafirði, ein stór semifinala á Tvøroyri, eitt stórt gallakvøld við finaluni í Norðurlandahúsin- um og 12 vinningar til luttak-ararnar. Hetta er nakað av tí, sum fyrireikararnir av Prix Føroyar 05 hava at bjóða til komandi kappingina, sum nú hevur tíggju ár á baki PRIX FØROYAR 05 Solby A. Eliasen solby@sosialurin.fo Tað verður ein heilt um- skipað Prix Føroyar kapp- ing, sum byrjar í februar komandi ár. Fyrireikararnir hava valt at viska talvuna reina og byrja alt av nýggj- um. Konseptið hevur fingið nýtt logo, nýggjar litir og leisturin at at prixið ikki skal vera tað sama er hildin væl og virðiliga. Kappingin er broytt í tann mun, at komandi ár verða fýra innleiðandi umfør, øll í mentanarhúsinum í Fugla- firði. Í mesta lagi 24 bólkar kunnu luttaka, seks í hvørj- um umfari. Tveir teirra sleppa so víðari til eina stóra semifinalu, sum verður í ítróttarhøllini á Tvøroyri 2. apríl komandi ár. Tríggir av teimum átta bólkunum, sum verða við í Suðuroy sleppa so í ta stóru finaluna, sum verður í Norðurlandahús- inum 23. apríl. Týsmorgunin var tíðinda- fundur í Norðurlandahús- inum, har fyrireikararnir av Prix Føroyar 05 greiddu frá kappingini, sum verður aft- ur á breddanum komandi vár. Galla og heiðurslønir Stóra finalan í Norður- landahúsinum, sum sum vanligt verður send bein- leiðis bæði í sjónvarpi og útvarpi, verður samstundis eitt gallakvøld undir heitin- um: Atlantic Music Event. Hetta fyri at geva tiltakin- um ein altjóða dám, sum kann lokka fleiri útlending- ar til tiltakið. Á skránni hetta kvøldið umframt at tað er sjálv finalan av Prix kappingini verða eisini heiðursløna- handanir. Har verður besta fløgan síðani seinastu Prix kapping kosin – umframt besti sangari og sangarinda. Til gallakvøldið er eisini ætlanin at fáa gestabólkar og tónleikarar at luttaka. Hvørji hesi verða, kundu fyrireikararnir ikki siga nakað um, tí tað verður ikki tilrættislagt fyrr enn greitt er, hvørjir bólkar eru komn- ir við í kappingina. Ivan Niclassen, sum greiddi frá Atlantic Music Event, segði, at orsøkin til hesa broytingina er, at tey hava varnast, at teir bólkarnir, sum eru heilt frammi velja ikki at luttaka í Prix Føroy- um. Tí verða nøkur teirra boðin við til gallakvøldið. – Lat meg tó undirstrika tað, at tað er ikki okkara uppgáva at gera av, hvør sleppur við til kappingina. Okkara uppgáva er at fram- leiða ein pall til okkara tón- leikarar. Vit spenna veru- liga bogan so nógv, sum vit megna hesuferð, segði Ivan Niclassen og legði afturat, at Prix Føroyar er varðveitt við somu reglum, men nú hava tey valt at gera eitt kvøld omaná við ymiskum øðrum á skránni eisini, sum verður sera spennandi. Heimasíða Eitt tílíkt tiltak krevur fíggj- arligan stuðul. Atlantic Air- ways hevur verið høvuðs- stuðul, men nú er Føroya Sparikassi eisini komin við, og saman eru hesir báðir stovnarnir høvuðsstuðlar til Prix Føroyar 05. Fróði Vestergaard, sam- skipari, metti, at alt tiltakið Prix Føroyar í dag stendur í nærum tveimum milliónum krónum. – Tiltakið er ment allatíð- ina, og hesuferð hava vit veruliga gjørt nógv við tað, segði hann millum annað. Freistin at tekna seg er tann 3. januar. Hetta fer fram á prix@nlh.fo ella www.prix.fo . Í mesta lagi 24 bólkar ella einstaklingar kunnu vera við. Um tað verða fleiri enn tað tilmeld- aðir, so verða 24 teir bestu tiknir burturúr. Tá tað so er greitt, hvørjir bólkar verða við í kapping- ini, fáa teir hvør sítt pláss á heimasíðuni www.prix.fo, sum tó ikki er heilt klár enn. Har kunnu løg, video- upptøkur og annað leggjast út til tess at marknaðarføra bólkin. Men bólkurin skal sjálvur syrgja fyri markn- aðarføringini. Fróði Vestergaard greiddi frá, at ein redaktión er sett til at dagføra heimasíðuna, og ætlanin er eisini, at hon skal vera virkin í millum prix-kappingarnar. Prix Føroyar í nýggjum hami Tíðindafundur um Prix Føroyar var týsmorgunin í Norðurlandahúsinum. Kappingin er umskipað til komandi ár, men reglurnar eru kortini tær somu Mynd: Jens K. Vang