týsdagur 23. juli 2019síða 24

juli 24 Ólavsøkan 2019 Árni Gregersen Tað er altíð ein serstakur dámur yvir, tá ið tingsetur byrja ólavsøkudag. Tingfólk, embætisfólk og prestar hava saman verið til gudstænastu í dómkirkjuni, og tey hava gingið í skrúð­gongu bæði í kirkju og úr aftur kirkjuni. Beint undan tingsetanini er ein sangløta á tinghúsvøllinum, sum eisini hevur ein serstakan hátíðar­ dám. Nógvir føroyingar møta upp í okkara tjóðbúna ella í stívasta puss. Hesaferð verður tingið sett fyri sein­astu ferð í hesum valskeiðnum. Aksel V. Johannesen, løgmaður, hevur boðað frá, at hann fer at skriva út val til Løgtingið at vera leygardagin 31. august. Alt bendir tí á, at hann fer at nýta høvi at gera hetta, tá ið hann hevur orðið í tinginum ólavsøkudag og heldur sína ólavsøkurøðu. Í ólavsøkurøðuni greiðir løgmaður frá støðu landsins, og hann greiðir eisini frá, hvørjar ætlanir landsstýrið hevur, sum ætlanin er at fremja. Av tí at hetta er seinasta røðan í hes­um valskeiðnum, er tað sjálvandi av­markað, hvat løgmaður kann siga um tær ætlanir, sum liggja í kort­ unum hjá landsstýrinum. Hetta fyrst og fremst, tí val verður 31. august, og eftir tað veit ongin, hvør situr á krakkunum í Tinganesi. Í stýrisskipanarlógini stendur eisi­ ni, at tingið skal viðgera ólav­søku­ røðu­na í seinasta lagi seks dagar, eftir at hon er hildin. Tað vil helst í hesum føri siga, at tingið beint eftir óalvsøku fer undir at umrøða røðu løgmans á ólav­søku. Av tí at tað stendur í stýris­ skipan­ar­lógini, at hetta skal gerast, so verður tað gjørt. Royndirnar vísa, at ein slík um­ røða í stóran mun verður brúkt av øllum flokkum til at markera seg til kom­andi valið. Soleiðis verður tað eisini í ár. FJÓRÐA ÓLAVSØKURØÐAN – LØGTINGSVAL FYRI DURUM Aksel V. Johannesen, løgmaður, hevur sitið fýra ár fyri borðendanum og fer nú at halda sína fjóðru ólavsøkurøðu BALDRUT FÝRA ÁRA SKEIÐ HJÁ UNGA LØGMANNINUM Samgongan helt saman í øll fýra árini, men brotasjógvarnir vóru ógvusligir hesi árini Árni Gregersen Blekkið var ikki turt á sam­gongu­ skjalinum millum Javnaðarflokkin, Tjóð­veldi og Framsókn, fyrr enn fyrsti brotasjógvurin rakti sam­ gongu­skútuna. Nývalda tingkvinnan og at­ kvøðu­slúkurin hjá Javnað­ar­ flokkinum, Sonja Jógvansdóttir, boðaði frá, at hon tók seg út Javnaðarflokkinum. Kortini segði hon samstundis, at hon framvegis stuðlaði nýgjørdu sam­gonguni. Hetta kom sjálvandi óvæntað á samgonguna, tí tað gjørdi, at hon formliga misti meirlutan í tingi­ num. Eitt plástur var tað kort­ ini, at tingkvinnan lovaði, at hon framhaldandi fór at stuðla sam­ gonguni. Men í veruleikanum byrjaði sam­ gonguskeiðið – ella valskeiðið, sum nú endar við eini samgongu, sum í veru­leikanum var ein minni­luta­ sam­gonga, tó við parlamentariskum stuðli frá Sonju Jógvansdóttir. Fiskivinnan Men hetta var bert ein partur av teim­um trupulleikum, sum Aksel V. Johannesen, løgmaður, gjøgnum val­skeiðið, hevur verið noyddur at fyri­halda seg til. Eitt av høvuðsmálunum hjá sam­ gonguni var at skipa eina nýggja lóg­gávu rundan um føroysku høvuðs­vinnuna, fiskivinnuna. Øll loyvir vóru uppsøgd í 2007 við 10 ára freist, so hendan freistin gekk út og ein nýggj ló mátti gerast. Onkur hevur kanska hildið, at hetta var ein uppgáva, sum var løtt at loysa, men so er ikki. Samgongan, sum sat framman­ undan, royndi at fara undir arbeiðið, men har var ósemjan so stór millum San­bandsflokkin og Fólkaflokkin, at tann samgongan kom ongan veg. Upprunaliga sá út til, at tað kanska fór at glíða heldur lættari ígjøgnum við hesi samgonguni, men tað vísti seg skjótt, at hóast fólk umboðaðu somu flokkar á tingi, so var næstan ómøgu­ligt at finna eina felags loysn á fiski­vinnuni. Løgmaður hevði trupulleikar í egnum flokki, har serliga suður­ oyar­ting­mennirnir royndu at fáa ser­sjónarmið ígjøgnum, men til endans bleiv lógin um fyrisiting av sjófeingi samtykt. Hon er partvís farin at virka, men tað tykist vera torført at fáa alt at virka og ónøgdin er stóru í ávísum pørt­um av vinnuni. Hesar seinastu dagarnar eru tað bátarnir í bólki 5b, sum ongar fiski­dagar hava eftir og herfyri var ónøgdin við útlutingina av menn­ ingskvotunum illa móttikin. Serliga tí at tað tók so langa tíð hjá fiski­ mála­ráð­num at fáa tað gjørt. Sjálvur hevur løgmaður ikki um­ sitið fiskivinnumál og heldur ikki hansara flokkur, men tað hevur Tjóð­veldi og Høgni Hoydal, lands­ stýris­maður. Framvegis er nógv eftir at fáa uppá pláss og uppboðssølurnar virka ikki, sum tær eiga, heldur í hvussu so er stórur partur av vinnuni.