mikudagur 31. juli 2019síða 12

Mikudagur 31. juli 2019 · Nr. 86 12 Sosialurin Hugskot og viðmerkingar – send sms til 225000 OVASTEVNA OG REGATTA ØLL BYGDIN TEKUR EINA HOND Í Nólsoy er væl vitjað alt summarið. Ovastevnan er hæddarpuktið,og summi vitjá tá aftur, eftir at hava vitjað í Nólsoy í summarfrítíðini, tí á Ovastevnu hendir nógv, og okkurt er til øll, sigur Ann Mari av Skarði. Dagfinn Olsen Ovastevnan er í hondum, og komið er undir land við fyri­ reik­ingunum. - Tað gongur væl, og vit eru nærum liðug við fyrireik­ing­ar­ nar, sigur Ann-Mari av Skarði, limur í ovastevnunevndini. - Stevnan verður nøkulunda, sum hon hevur verið síðsti 4 árini. Rólig, men hóast tað, so er nógv at fara til, og okkurt er til øll, stór og smá og alla fam­ ilj­una, sigur Ann-Mari av Skarði. Væl vitjað Nógv ferðafólk eru í Føroyum summarhálvuna, og føroying­ ar ferðast eisini í egnum landi. Hetta merkist eisini í Nólsoy. - Nólsoy er væl vitjað alt summ­arið. Ovastevnan er hædd­arpuktið, og summi vitjað tá aftur, eftir at hava vitjað í Nólsoy í summarfrítíðini, tí á Ovastevnu hendir nógv, og okk­urt er til øll, sigur Ann Mari av Skarði. Vanliga er eisini ein kabarett á ovastevnu, og soleiðis verður eisini í ár. - Ja, tey venja kabarettina, so hon er eisini við á skránni í ár, sigur Ann-Mari av Skarði. Vit eru somu fyriskiparar, sum hesi síðstu árini. Men ann­ars er tað so, at øll bygdin er við og tekur eina hond í. Vit eru bara eini 200 fólk, og hetta er eitt stórt tiltak, so øll hjálpa til so ella so, sigur Ann-Mari av Skarði. Siglir hvønn tíma - Ovastevnan er vanliga væl vitjað, og væl liggur fyri at koma aftur og fram. Ternann siglir, og hon fer at sigla hvønn tíma, bæði nátt og dag, meðan stevnan er, sigur Ann-Mari av Skarði. - Vanliga vitja eini 2000 til 2500 fólk á ovastevnu. Onk­un­ tíð fyrr hevur talið verið størri, men eini 2000 halda vit er ógvu­liga hóskandi, sigur Ann- Mari av Skarði, limur í ova­ stevnu­nevndini. Moirae á pall á ovastevnu Fyri fyrstuferð síðani 1998 fer Moirae á pall aftur. Dagfinn Olsen Hóast Summar Festivalurin hevur lýst við, at eitt stórt navn frá síðst í nítiárunum, nevniliga Moirae, fer á pall aftur í Klaksvík, so eru eini 40 fólk, ið sleppa at uppliva eina minni intim konsert í Nólsoy á ovastevnu. Vikuna innan festivalin í Klaks­vík, tað vil siga á ova­ stevnu, fara menninir í Moirae á pall í Maggies í Nólsoy. Hetta hendir fríggjakvøldið 2. aug­ust. Bólkurin gav væl umtóktar útgávur út, og pallfram­førsl­ ur­nar hjá væl mannaða bólk­ inum vóru eisini nakað fyri seg, men Moirae hevur ikki verið á palli síðani 1998. Sum skilst, hava nógvar venj­ingar verið, og konsertin í Maggies verður teirra frum­ framførsla áðrenn stóra brakið í Klaksvík. Konsertin verður skipað sum eitt slag av interaktivum samspæli millum orkestrið og áhoyraran, har fólk eru meir enn vælkomin at koma við viðmerkingum til skrá o.a., so at ymsar broytingar møguliga kunnu gerast. Í bólkinum eru enn sum áður Terji Rasmussen, sang, Kim Hansen, tangentar og sang/­kór, Hjalti Joensen, guit­ ar, Kaj Johannesen, trummur og Mikkjal Joensen, bass. Mynd: Evy Toftegaard Nielsen