mikudagur 31. juli 2019síða 26

Mikudagur 31. juli 2019 · Nr. 86 26 Sosialurin Hugskot og viðmerkingar – send sms til 225000 MERKIDAGAR TAKK Ein tøkk til Sosialin fyri føðingardagsheilsu á mínum áttatifimm ára degi. Tøkk fyri stóra herðaklappið, sum eg eri eyðmjúk um. Samstundis nýti eg hetta høvið til at leggja afturat um leiðsluuppgávuna hjá mær á Blákrossheiminum, takka fyri og vísa á, at uttan serliga dugnaligan starvsfólkahóp, hevði ikki borið til. Eg var so vælsignað við starvsfólki. Bæði skrivstovufólki, læknum, sálarfrøðingi og terapeutum, sum høvdu fakligheitina til viðgerð, náttarvaktum, eins og starvsfólki yvirhøvur. Hetta starvsliga fjølbroytni, saman við tí fjølbroytni, sum búfólki hevði við sær, hevur avgjørt virkað fyri, at tað var so gott og áhugavert at starvast innan økið, eins og gott fyri búfólkið. Eisini var nógv samskifti við samkomur, bólkar og avvarandi, sum høvdu leiklutir at hugna um, skipa fyri tiltøkum og skapa góðu heildarmyndina. Vit byggja á herðarnar hjá hvørjum øðrum, og soleiðis var eisini hjá okkum, - at vit bygdu á lunnar, ið vóru lagdir. Og her kunnu vit ikki koma uttan um Jóhannes Álvheygg, sum gjørdi eitt megnararbeiði. Eins og stýrið fyri heimið bakkaði okkum væl upp og stuðlaði okkum í at útinna tað, vit hildu vera neyðugt. Ein lítil rættleiðing til orðingina í blaðnum um, at Blákrossheimið hevði kafe. Blái Krossur hevði kafé, og Símin Joensen hevði ábyrgdina av tí arbeiðinum og tók væl ímóti teimum, ið har komu. ------- Sum sagt var henda heilsanin í sambandi við mín føðingardag, sum, hóast høga aldurin, var so væleydnaður, ja, sum besti dagur í mínum lívi. Eg vil takka øllum tykkum sum sendu mær heilsu, tykkum, ið stukku inn á gólvið og tykkum, sum hjálptu til, soleiðis at vit, tey nærmastu, fingu ein sera góðan dag saman. Hjartaliga tøkk øll somul! Sólborg Dulavík TØKK Hjartaliga takk vit øllum tykkum í vístu samkenslu og hjálpsemu tá elskaði maður mín, pápi, verpápi og abbi okkara Bjarki Fugloy Magnussen f. 19-08-1937 d. 22-12-2018 fór heim til harran Takk fyri hjálpsemi til jarðaferðina og ervið. Takk til øll tykkum í fylgdu honum. Takk fyri minnisgávu. Fyri tey avvarðandi Hermina og børnini TØKK Hjartans takk fyri sýnda samkenslu og hjálpsemi, tá okkara elskaði maður, pápi, verfaðir, abbi langabbi og beiggi Eiler Juul Samuelsen Eiler bakarin, Klaksvík føddur 08.06.1937 deyður 29.05.2019 andaðist og varð jarðaður. Takk til Klaksvíkar sjúkrahús og B8 fyri góða hjálp, takk til Derhard Jógvanson og Hanus á Gørðum, sum komu á Landsjúkrahúsið, fyri andakt og bøn, tað kvøldið Eiler andaðist. Stóra takk til Steinbjørn Jacobsen fyri góð og troystarík orð í kapellinum, Hanus á Gørðum fyri góð og troystarík orð til jarðaferðina í Christianskirkjuni. Takk til kirkjutænarnar, takk, Klaksvíkar hornorkestur fyri spæl í kirkjuni, og takk KFUM & K kórið fyri sangin, sum tit sungu uttanfyri KFUM & K. Takk fyri heilsanir, telefonuppringingar, og øll tit sum komu at vitjan. Takk fyri bakstur, og takk øll tit sum hjálptu til við ervinum. Takk fyri blómur og kransar, takk fyri peningagávur til Klaksvíkar hornorkestur. Takk, øll tit sum fylgdu Eileri til hansara seinasta hvíldarstað. Vegna familjuna Hergerð, Oluffa og Petur TØKK Okur takka hjartaliga fyri sýnda samkenslu, tá ið kæri bróður, farbróður, mammubeiggið, svágur, ommu- og abbabeiggið Niels Erling Niclasen (Erling) f: 28.09 1950 d: 29.04 2019 Andaðist og var jarðaður. Ein serlig tøkk til starvsfólkini á Hamragarði, fyri ta tíðina hann var har. Takk til Jónsvein Bech prest fyri góð og troystarrík orð í kapellinum og í kirkjuni. Takk til kirkjutænarar, berarar, sangarar og tykkum sum stákaðust til ervi. Takk fyri blómur, kransar og peningargávur til Hamragarð. Og tøkk til tykum øll, ið fylgdi Erling til hansara seinasta hvíldarstað. Familjunnar vegna Bjørghild, Heðin, Sigurbjørn, Finnbogi og Sælbjørg