mánadagur 5. august 2019síða 20

Mánadagur 5. august 2019 · Nr. 88 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge - Sarpugerði Hetta er søgan um fót­bólts­ dystin við tveimum hálvleikum. Tað hava allir fótbóltsdystir, men til tíðir kann ein spyrja seg sjálv­an hvat spælararnir gera í hálv­leikinum, tí alt broytist eftir stutta steðgin. Soleiðis er í Sarpugerði, tá Víkingur og NSÍ fara til hálv­ leiks í gjár. Sølvi Vatnhamar og Víkingur eru omaná og hava skorað tvær ferðir, men í seinna hálvleiki er alt hamskift. NSÍ er omaná og megnar enntá at skjóta trý mál, og leggja seg á odda í lands­ kappingini. – Tað kennist gott at vinna úti­dystir móti liðum sum Vík­ ingi, At vinna torførar dystir á útivølli, sum vit annars høvdu verið fegnir um at fingið eitt stig úr, er framúr gott, sigur Búi Egilsson. NSÍ hevur fyribils lagt seg á odda í Betri deildini hjá monn­ um. Sølvi í stórformi Stóra ivamálið undan dystinum er, um Sølvi Vatnhamar er við. Tað var stórur saknur í honum til dystin móti B36 á ólavsøku, tá eitt tamt Víkinga-lið tapti 2-1. Í sólini í Sarpugerði er Sølvi Vatnhamar ein av teim­um ellivu, ið hitar upp. Lands­liðs­ miðvallarin hevur brotið eitt bein í alboganum, men er klár­ ur. NSÍ er uttan Jóhan Troest David­sen í miðverjuni, tí hann hevur leikbann. Ein onnur broyting er, at Jann Benja­min­ sen er á vinstra bakki. Pætur Hentze er lang­tíðar­ skaddur, meðan Einar Tróndar­ gjógv júst er byrjaður aftur. Tí fær Jann Benjaminsen møgu­ leikan. Víkingur er klárt omaná í fyrra hálvleiki. Dysturin er bara sjey minuttir gamal, tá Sølvi Vatnhamar við uttari síðu av høgra fóti sendir bóltin í mál­ið . Heimaliði heldur fram við at hótta. Tá ein hálvur tími er spældur er Sølvi aftur á rætta stað. Elias Lervig vinnur bólt­in í høgru og leggur eitt flatt inn­ legg innfyri. Adeshina Lawal er fyrstu á, men letur bóltin fara millum beinini til Sølva Vatn­ hamar, sum skorar úr tíggju metrum. Víkingur hevur dystin júst har, sum teir ynskja. NSÍ skal leypa á og Víkingur kann nú lúra upp á mótálop – men tað gongur galið. NSÍ svarar aftur Seinni hálvleikur er bara tveir minuttir gamal, tá Peder Ners­ veen brádliga fluktar til ein bólt úr 25 metrum. Bólturin fer beina leið í nærmara málhorn. Eitt framúr vakurt mál. -Hann hevur eitt hart og gott skot. Og hatta skotið sat ”lige i øjet”, sigur Búi Egilsson. Nú kemur av álvara lív í spælið hjá NSÍ. Serliga í vinstru síðu, har Jann Benjaminsen royn­ist væl á vinstra bakkinum við sínum høgra beini. Hann sendir fleiri bóltar innfyri. Tann eini av teimum endar hjá inn­skifta Øssuri Dalbúð, ið stútar bóltin innfyri aftur. Har stend­ur Klæmint A. Olsen á rætta stað og skorar sítt 17. mál í lands­ kappingini í ár. -Vit blíva trýstir og makta ikki at koma fram á vøllin. Vit hava ikki tvær samanhangandi av­ leveringar og missa bóltin ov lætt, sigur Sámal Erik Hentze, venjari hjá Víkingi. Víkingur mátti eisini skifta Sølva Vatnhamar út, eftir at hann bleiv taklaður av Oddi Høj­gaard. Averandi løtan Eftir útjavnandi málið vil Víkingur meir, enn tá teir eru á odda. Andreas Lava Olsen kemur inn, men tað er fram­ vegis NSÍ, sum situr á dysti­ num. Í seinasta minuttinum klárar Víkingur ikki at standa ímóti. Bárður J. Hansen kastar langt inn­kast úr høgru. Tað endar við at bólturin verður sparkaður upp í loft. Inni í fimm-metrin­ um er vágbingurin í NSÍ, Búi Egilsson, fyrstur á og sendir bóltin í málið. -Vit hava nógvar deyðar­ bóltar og hatta var ein av t e i m u m . Bólturin fer himmal­høgt og eg royni bara at lesa hvar hann dettur niður. So leypi eg í rúgvuna og hann dett­ur fyri føturnar, sigur Búi Egils­son. Tað er stór gleði millum teir gulu og svørtu kringt vøllin, meðan lagið er avbera ringt á heima­monnunum. Rokaligur endi Tað gerst rokaligt seinastu minuttirnar. Fyrst verður hjálparvenjarin hjá NSÍ, Jens Martin Knudsen, burturvístur, eftir at hann órógvar eina støðu, har Vikingur skal seta spæl­ið í gongd beint uttanfyri bonk­in hjá NSÍ. Í seinasta minuttinum av yvirtíðini vil Víkingur hava brotsspark, men Eiler Ras­mus­sen velur heldur at bríksla dyst­in av. Fleiri Víkingar eru í øðini og var Eiler í ringa lagn­um, so kundu fleiri teirra fing­ið leikbann fyri atburðin ta løtuna. -Tað er nokk meiri kontrast­ ur­in millum at hava verið á odda 2-0, og so hava tapt 3-2. Soleiðis vil tað verða í fótbólti, sigur Sámal Erik Hentze, venjari hjá Víkingi. Við sigrinum hevur NSÍ vunn­ið upp á fyrsta plássið. NSÍ hevur nú vunnið fýra teir seinastu dystirnar í lands­ kappingini í Sarpugerði – tað var ikki gamalt! Fótbóltur Dysturin hesa vikuna... NSÍ vann aftur í Gøtu: BÚI: EIN GÓÐ KENSLA NSÍ liggur nú nummar eitt við tveimum dystum færri enn Víkingur og HB. - Hetta er ein góð kensla. Vit vinna dystir móti hinum toppliðunum. Tú hugsar kanska meiri at vinna heimadystirnar, og fáa eitt stig á útivølli sum vit gjørdu móti B36 seinast. Men vit rokna ikki stigini í dystunum sum mangla. Tey skulu vit hava fyrst, sigur Búi Egilsson. Víkingur og Sølvi Vatnhamar eru greitt omaná í fyrra hálvleiki, men vit trimum málum í seinna hálvleiki vinnur NSÍ aftur í Gøtu. – Tað kennist gott at vinna útidystir móti liðum sum Víkingi, sigur Búi Egilsson NÚ ER NSÍ NUMMAR EITT