týsdagur 6. august 2019síða 10

Mikudagur 7. august 2019 · Nr. 89 10 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 GULLIÐ VERÐUR IKKI TIKIÐ UPP Á TUNGU Í opnum spæli gekk tað illa at umseta møguleikar til mál, tá ið KÍ spælar­arnir í sannførandi sigri í Fuglafirði vóru savnaðir og tolnir Jóannes Hansen Tolin trívst. Í Klaksvík hava tey í 20 ár bíðað eftir, at tað aftur skal eydnast at vinna FM heitið, sum KÍ ikki hevur vunnið síðani 1999. Kappingin er so tøtt og hørð í ár, sum hon ongantíð hevur verið áður. Fimm feløg kappast um gullið og gyltu europeisku plássini, og tað eru ikki ráð at snáva. Í gjárkvøldið fóru klaks­ víkingar úr Fulgafirði við 3-0 sigri. Talan var um sannførandi avrik og trivaligan sigur. Úrs­ litið ber við sær, at KÍ er topplið – eitt mál frammanfyri NSÍ. Tá ið kappingin er so tøtt, so er ikki heilt óhugsandi, at málm­unurin kann fara at verða avgerandi. Tí eiga teir í KÍ at iðra seg um, at teir ikki vunnu størri sigur ímóti ÍF, enn teir gjørdu. Í fyrra hálvleiki vórðu bæði málini skorað eftir horna. Jóannes Bjartalíð, sum var væl upplagdur, skoraði tað fyrra eftir væl vanda støðu, og hann átti lut í tí seinna, sum var sjálv­mál. Torbjørn Grytten skoraði seinna málið. Tað var skamm­ lop í heimaverjuni, tá ið Jesper Brinck við sending yvir hálvan vøllin spældi skjóta norð­ mannin púra leysan innanfyri verjuna, og so var lag á manni at sneiða framvið mál­verj­ anum, áðrenn bólturin varð trill­aður í netið. Serliga í seinna hálvleiki spældi KÍ seg til fleiri heilt góð­ar málmøguleikar. Eftir upp­spæl í vinstru og innlegg vóru Jóannes Bjartalíð, Páll A. Klettskarð og ikki minst Boris Dosljak í fínum støðum, men teir vóru ikki nóg neyvir. Tosa lítið Oddasessurin kennist søtur millum KÍ fjeppararnar, og tað verður nógv tosað og skrivað á sosialu miðlunum. Spælararnir tykjast sera savnaðir og fokuseraðir, og teir luttaka ikki í vasinum og fjas­inum. Meiri enn einaferð hevur KÍ beinanvegin eftir summ­ar­ steðgin søplað stig burtur, sum hava restað í, tá ið FM rokn­skapurin í oktober var liðugur. Í gjárkvøldið var oddaliðið fyri fyrstu ferð á vøllinum í heimligu kappingini eftir fínu Europaavrikini í summar. Spæl­ararnir vístu tol, og teir vóru sera fokuseraðir. Steinbjørn Olsen var í gjár­ kvøldið vikarur í miðverjuni, nú Deni Pavlovic er farin undir langa leikbannið – í seks dystir: -Fuglfirðingar vóru varnir og aftarlaga á vøllinum. Tí var tað torført hjá okkum at bróta ígjøgnum og í fyrra hálvleiki at spæla okkum til stórar møgu­leikar, men vit vístu neyðuga tolið og skoraðu í fyrra hálvleiki tvey mál eftir horna, og so høvdu kendu vit okk­um at hava tak á tí, sigur Steinbjørn Olsen. Og nú sær tað gott út hjá tykkum? -Vit hugsa ikki um meiri enn næsta dyst. Nú bíða fleiri av toppliðunum, og tá verður talan um lykladystir. Eftir henda sigurin hugsa vit bara um dystin fríggjakvøldið ímóti Vík­ingi, sigur Steinbjørn Ols­ en. Talan verður um tríggjar lyklauppgerðir á heimavølli næstu ferðirnar. Fríggja­ kvøldið verður Víkingur gestur á Summarfestivalinum, og so bíða Skála og B36. Brekkan er brøtt Setningurin hjá fuglfirðingum er heilt øðrvísi, enn hann er í Klaksvík. ÍF er aftast, og tað snýr seg um at sleppa av aft­ astu brík og so vóna, at tað bara verður eitt lið í næstbestu deild­ini, sum fer at kvalifisera seg at flyta upp. Hóast tað ikki sær so ljóst út, so er venjarin, Hans Jørgen Djurhuus, ikki heilt so dapur­ skygdur: -Vit leggja ikki kongin. Á Skála høvdu vit uppiborið meiri enn tepurt tap. Ímóti KÍ skoraðu teir tvey mál eftir horna í fyrra hálvleiki. Vit høvdu tosað nógv um, at teir við horna leggja bóltin tætt við nærra stólpa, og vit vóru væl fyrireikaðir, men kortini skoraðu teir tvey mál, sigur ÍF venjarin, og hann heldur fram: -KÍ er eitt gott lið – kanska tað besta í Føroyum – og nú líta vit frameftir og fara at fyrireika okkum til dystin á Argjum sunnudagin. Ímóti AB á útivølli verður rættilig finala, sum tað verður alneyðugt hjá okkum at vinna úrtøku í. Um tað ikki fer at eydnast, so verð­ ur tað øgiliga tungt hjá okkum, sigur ÍF venjarin. Vónin og ætlanin hjá ÍF venj­aranum var í summ­ar­ steðg­inum at styrkja um álops­partin við nýggjum spæl­ ara, men tað eydnaðist ikki. Í gjár­kvøldið var Holgar Dur­ huus fremsti maður. Størri lokalt íslett Í Europa dystunum í summar vóru ikki so nógvir klaks­ víkingar á KÍ liðnum. Fýra spæl­arar – Jóannes K. Danielsen, Ísak Simonsen, Jákup B. Andreasen og Ísak Simonsen – vóru fastir menn. Í gjárkvøldið vóru fleiri klaks­víkingar á liðnum. Páll A. Klettskarð hevur vunnið fremsta plássið aftur, sum hann var sjálvskrivaður í, áðr­ enn hann flutti til Italia. Stein­ bjørn Olsen var í miðverjuni, og tá ið dysturin endaði, vóru sjey lokalir á vøllinum. Jonn Johannesen avloysti innskifta Torbjørn Grytten, sum noydd­ ist skaddur av vøllinum aftur, og Mikkjal á Bergi avloysti Ísak Simonsen. Simon Sandmæl, sum ann­ ars hevur verið fastur maður. var ikki á listanum í gjár­ kvøldið. Hann er skaddur í rygginum, men teir vóna, at hann verður tøkur fríggja­ kvøldið. Einki var at síggja til Magnus Stamnestrø og Darius Lewis. ÍF – KÍ 0-3 (0-2) 0-1: Jóannes Bjartalíð 18. 0-2: sjálvmál 44. 0-3: Torbjørn Grytten 60. Dómari: Rúni Gaardbo ÍF: Petur Meinhard Magnussen – Sverri Ellingsgaard, Høgni Madsen, Jan Ó. Ellingsgaard, Andy Olsen – Karl Løkin, Milan Svojic (Sámal Joensen, 83.) – Hans Jákup Lervig, Ari Ó. Ellingsgaard, Pól Jákup Lundsbjerg (Høgni Zachariassen, 76.) – Holgar Durhuus Gult kort: eingin Venjarar: Kári Reynheim og Hans Jørgen Djurhuus KÍ: Kristian Joensen – Jóannes K. Danielsen, Steinbjørn Olsen, Jesper Brinck, Ísak Simonsen (Mikkjal á Berg, 78.) – Semir Hadzibulic (Torbjørn Grytten, 46./Jonn Johannesen, 71.), Jákup B. Andreasen – Boris Dosljak, Jóannes Bjartalíð, Patrik Johannesen – Páll Klettskarð Gult kort: eingin Venjari: Mikkjal Thomassen Betri deildin menn støðan NR.   LIÐ D V J T VM TM MM S 1 KÍ 15 11 2 2 36 11 25 35 2 NSÍ 15 11 2 2 39 15 24 35 3 Víkingur 17 11 2 4 38 22 16 35 4 B36 16 11 2 3 25 14 11 35 5 HB 17 10 4 3 41 17 24 34 6 Skála 17 7 0 10 18 21 -3 21 7 TB 17 5 3 9 15 31 -16 18 8 EB/Streymur 17 2 3 12 17 40 -23 9 9 AB 17 2 2 13 16 46 -30 8 10 ÍF 16 1 2 13 11 39 -28 5