hósdagur 8. august 2019síða 2

Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin Avgreiðsla: mán - frí kl. 08.00 - 16.00 Útgevari: Sp/f Sosialurin Uppseting: Sosialurin PÆTUR HJALMAR EVENSSON PATURE@SOSIALURIN.FO - Eg havi lovað, at eg komi til Føroya, so tað komi eg. Tá eg lovi okkurt, so haldi eg tað. Soleiðis segði islamkritiski danski politikarin Rasmus Paludan við Sosialin síðst í mai mánað. Ætlanin var, at hann skuldi halda ein fyrilestur í Føroyum mitt í juni mánað, men tað bleiv av ongum. Og nú frættist, at ætlanirnar um at fáa hann hendan vegin eru sleptar. Rasmus Paludan, sum er formaður í flokkinum Stram Kurs, er sera væl dámdur á facebookbólkinum "Føroyingar ímóti islam" - og tað var millum limir har, at hugskotið um at fáa hann til Føroya spratt. Sum skilst hevur føroyaferðin ikki verið væl fyrireikað. Hann segði við Sosialin í mai, at hann merkti stóran áhuga frá føroyingum fyri sínum politikki. - Tað hevur nógv at siga fyri meg, at tað eru so nógvir føroyingar, sum seta seg í samband við meg. Føroyingar ganga høgt upp í sína egnu mentan og søgu, og tí skilji eg væl, at nakrir føroyingar eru áhugaðir í, hvat eg havi at siga, segði hann tá. 9. AUGUST 2019 Í hesum døgum valfarta føroyingar og útlendingar til Klaksvíkar, har tað er Summar Festivalur. Hann er á skránni fyri 16. ferð og er inngrógvin partur av sumrinum. Fyrr í vikuni vóru fyrstu gestirnir at síggja umborð á bátum við bátabrúgvarnar og í húsvognum, sum eru í miðbýnum, norðureftir eystara armi og úteftir, sum tey siga har norðuri, vestara armi. Í fyrrakvøldið var fyrsti brellbitin, tá ið sangur og musikkur var á vánni og nógv blíða summarkvøldið fylgdu við. Og í gjárkvøldið varð so farið undir formligu skránna, sum er fyri bæði stór og smá, og tað verður ikki helmað í fyrr enn sunnunáttina. Gestir búgva ár um ár í sama stað, um tað so er hjá familju ella til leigu ella á tjaldingarøkinum, og tað skilst á lagnum, at mest sum hvør song av Viðareiði og umvegis Hvannasund, Norðdepli, Árnafjørð, Ánirnar, Haraldsund, Kunoy og Norðoyri og til Klaksvíkar er upptikin. Kommunan spælir við, og klaksvíkingar eru fyrikomandi og blíðir. Eingin hoyrist knarra um stóra tiltakið, men heldur taka einstaklingar, feløg og myndugleikin undir. Festivalurin fyllir so mikið nógv, at tað er neyðugt at avbyrgja soleiðin, at bussleiðin ikki fær koyrt í hesi vikuni. Tað slitnar næstan ikki sundur í Klaksvík. Um eina viku verður Sjómannadagurin, sum er heilt øðrvísi tiltak, har sjógvurin, fiskivinnan og sjómaðurin og fiskimaðurin er í fokus, og har vinnan fíggjar so mikið dyggiliga, at tað tá verður trupult at sleppa av við eina krónu. Tá er luttøkan eins stór, sum hon er hetta vikuskiftið. Kanska eini 10 túsund hetta vikuskiftið og aftur 10 túsund næsta vikuskiftið. Tey, sum vitja hetta vikuskiftið, eru ikki øll tey somu, sum fara at vitja næsta vikuskiftið. Tí eru vit neyvan langt av leið, tá ið vit siga, at talið á vitjandi í Klaksvík tilsaman hesi bæði vikuskiftini verður væl omanfyri 10 túsund. Ivaleyst verður tað næstu vikuna í Klaksvík stutt millum tey, sum bjóða seg fram á løgtingsvalinum, ið verður um stórar tríggjar vikur. Tað er sjarmerandi, og sjálvandi skal tað í okkara fría og frælsa samfelag eisini vera pláss fyri tí. Veðrið spælir við, Klaksvík er av álvara á breddanum, og vit ynskja øllum – vertum og gestum – blíðan Summar Festival og góðan Sjómannadag. Klaksvík er á breddanum Oddagrein Eirikur Lindenskov blaðstjóri Paludan kortini ikki til Føroyar Í kanningini “Rumenar í Føroyum” kom fram, at útbúgvingar og førleikar hjá útlendingum, sum koma til Føroya í arbeiðsørindum, ikki verður kannað. Manglandi eftirlitið ger tað nevniliga ógjørligt at staðfesta, hvørt útlendingarnir verða løntir eftir røttum sáttmála, og um lønardumping fer fram. Liljan Weihe, sum gjørdi kanningina, fekk einki svar frá løgregluni, tá hon spurdi, hvussu vorðið var við eftirliti. Í hesum sambandi sendi Kringvarpið ein fyrispurning til løgregluna, og har kom svar beinanvegin. Sambært Steen Nørskov, sjefpolitiinspektøri, er løgreglan komin við einum útkasti um eitt samstarv millum tríggjar myndugleikar. Tað segði hann mikudagin í sendingini Summartímin. Talan er um eitt samstarv millum Arbeiðs- og brunaeftirlitið, TAKS og løgregluna. Taks fer at hyggja eftir inntøkuviðurskiftum og skatti, løgreglan skal røkja uppgávuna at kanna uppihalds- og arbeiðsloyvi, og Arbeiðs- og brunaeftirlitið skal kanna arbeiðsumstøðurnar hjá útlendingum. Arbeiðsviðurskiftini hjá útlendingum skulu kannast Les eisini blaðið á telefonini Tom byrjan til løgtingsvalið Síða 6 Vágsbøur í miðdeplinum Síða 22