mánadagur 19. august 2019síða 18

Mánadagur 19. august 2019 · Nr. 94 18 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 Meðan NSÍ og HB vunnu stórar sigrar, og B36 og Víkingur eisini vunnu fulla úrtøku, so snávaðu klaksvíkingar ímóti Skála, ið manglaði fleiri spælarar Jóannes Hansen Skal tað eydnast at vinna FM fyri fyrstu ferð í 20 ár. Tað er spurningurin, sum stóra viðhaldsfjøldin hjá KÍ leingist eftir skal verða svar­ aður positivt. Fasittið verður ikki tókt fyrr enn leygardagin 26. oktob­er ella um stórar tveir mánaðir. Higartil hevur tað sæð gott út hjá KÍ, og marran, sum fleiri ferðir hevur verið vána­lig gongd beinanvegin eftir summarsteðgin, vísti seg ikki í ár. Men leygarkvøldið var skamm­lop á KÍ liðnum í lítla løtu undan steðginum. Tað bar við sær, at máltalvan, sum tríggjar minuttir undan steðg­inum vísti 2 til KÍ og 0 til Skála, vísti 2-2, tá ið Dagfinn Forná bríkslaði fyri hálv­leiki. Harvið misti KÍ tvey stig sammett við hini fýra lið­ ini, sum kappast um FM. Í næstsíðsta umfari undan summarsteðginum tapti KÍ 1-0 á útivølli ímóti TB. Klaks­ víkingar vunnu næst­síðsta fríggjakvøld 2-0 á heima­vølli ímóti Víkingi. Miku­kvøldið fáa teir vitjan av B36. Tað er heilt avgerandi fyri FM møgu­leikan, at tað miku­ kvøldið eydnast at vinna fulla úr­tøku. Men tað kann væl fara at visa seg, at fimm mist stig ímóti TB og Skála kunnu kosta dýrt í FM stríð­ num. Hesa ferð var eingin sling­ ur í valsinum hjá hinum FM avbjóðarunum. HB smurdi ÍF av 6-0, og NSÍ vann stórsigur - 5-1 – á Argjum. B36 vann 3-1 ímóti TB í Gundadali, og tað var tepurt hjá Víkingi, sum vann 2-1 á heimavølli ímóti EB/Streymi. Topplið hava tað soleiðis, at tað oftast koppar teimum til fyrimunar. Soleiðis var tað hjá Víkingi í gjár, meðan KÍ ikki hevði marginalirnar við sær á sjómannadegnum. Skála spilti spælið KÍ - Skála 2-2 Tað gekk sum eftir ánni fyrstu løtuna hjá KÍ ímóti Skála leygar­kvøldið. Sjó­ manna­dag­urin ber gott lag við sær, og góða lagið í heima­leguni varð uppaftur betri, tá ið Jóannes Bjartalíð í 22. min­utti økti til 2-0. Boris Dosljak skoraði beinanvegin til 1-0. Í báðum førum var talan um hornaspark úr vinstru, sum Patrik Johannesen tók sær av, og í báðum førum vórðu málini skorað við nærra stólpa. Fyrsta stóra hálva tíman var KÍ avrikið sann­før­andi. Verjan var trygg, saman­ spælið riggaði, mistøkini vóru fá og smá, og tað var broddur í álopspartinum, og fleiri ferðir var um reppið, at tað eydnaðist at økja um leiðsl­una. So vendi alt eftir heilt lítl­ ari løtu. Skála skoraði tvey mál í tveir minuttir. Í báðum førum var tað eftir horna úr vinstru, og klaksvíkingarnir á Skála – Heðin Klakstein og Niels Pauli Danielsen – áttu sín lut. Í fyrra førinum legði Heðin Klakstein, sum serliga í seinna hálvleiki fleiri ferðir breyt ígjøgnum í vinstru, við horna úr vinstru og afturum handara stólpa, har Niels Pauli Danielsen fekk bóltin innfyri aftur. Har royndi Fróði Benjaminsen ímóti mál­inum, og Haraldur R. Højgaard potaði so bóltin í málið. Í seinna førinum av­ greiddi Ronni Møller-Iversen skjótt horna til Heðin Klak­ stein. Verjan tóktist ikki heilt fyrireikað, tá ið Heðin Klakstein legði bóltin í mál­ teigin, har KÍ miðverjin Jesper Brinck var óheppin at gera sjálvmál. – Hetta var ein søtur javn­ leikur. Í seinna hálvleiki vóru vit undir stóra trýstinum, sum vit í steðginum tos­ aðu um, at KÍ fór at leggja okkum undir, og tá høvdu vit marginalirnar við okk­ um. Vit høvdu ein dupultan møgu­leika at leggja okkum framum, men tað hevði verið stuldur, um tað hevði eydnast okkum at farið við øllum stigunum, sigur Skála­ venjarin Eyðun Klakstein. Tað var neyðugt at gera fleiri broytingar á liðnum? – Liðformaðurin Pætur Dam Jacobsen hevði spælt allar 51 dystirnar á tamb, meðan eg havi verið á Skála. Nú var hann skaddur, og tað var stórur smeitur. Undir upp­hit­ingini noyddist Teitur R. Joensen at gevast. Jákup Jakobsen hevur verið sera støð­ugur í verjuni, men ímóti KÍ varð hann so illa skaddur, at tað ikki bar honum til at fara á vøllin aftur eftir steðgin. So tað var neyðugt at gera nógvar broytingar, og so eina aftrat í seinna hálv­leiki, tá ið Niels Pauli Danielsen noyddist at fara skaddur av vøllinum. Kortini eydnaðist tað at vinna eitt stig? – Hugburðurin var stak góður, og liðið stóð seg væl, hóast trýstið var stórt. Fróði Benjaminsen og Petur Pauli Mikkelsen vóru brandar í miðverjuni, og tað vísti seg at vera góð loysn at flyta Ara Olsen av vongverjanum í høgru, har hann hevur verið fastur maður, og á fram­ rættað sentralt pláss. Hann er skjótur og gjørdi góðan mun, sigur Skálavenjarin. Meðan skálamenn fegn­ aðust um javnleikin, so var vón­brotið stórt í KÍ leguni: – Vit spældu væl, men tað kostaði nógv, at vit í lítla løtu ikki vóru nóg ansnir. Í seinna hálvleiki spældu vit okkum til nógvar møguleikar, men hepnið var ikki við okkum, stað­festir KÍ toppskjúttin Jóannes Bjartalíð. Norsku spælararnir hjá KÍ vísa seg at vera ódrúgvir. Simen Sandmæl var millum teir fyrstu ellivu, men longu í 9. minutti noyddist hann skaddur av vøllinum. Torbjørn Grytten var ikki á list­anum, og Magnus Stamnes­trø varð ikki skiftur inn. At serbiski miðverjin Deni Pavlovic var og fram­ vegis er leikbannaður, kemur illa við í Klaksvík. B36 hevur undanvind B36 - TB 3-1 Á ólavsøku vann B36 2-1 ímóti Víkingi. So endaði tað mál­ leyst ímóti grannunum í HB, og síðani hevur B36 vunnið tvær ferðir – 3-0 á heima­vølli ímóti EB/Streymi og leygar­ dagin 3-1 á heimavølli ímóti TB. Gongdin ber við sær, at B36 nú av álvara er við í FM stríðnum. Mikukvøldið hev­ ur B36 í útsetta dystinum í Klaks­vík møguleika at vinna seg heilt fram á toppin. Longu í triðja minutti setti Stefan Radosavljevic, sum í summar flutti úr TB og til B36, hol á. Hann var ikki heilt álvuligur við støðuna, tá ið hann hevði skorað. Lukasz Cieslewicz økti um leiðsl­una, tá ið stórur hálvur tími var farin. Tá luktaði tað av trivaligum sigri, men so­ leiðis tørnaði tað ikki út. TB vísti fínan hugburð, og Ragnar Tausen minkaði fýra minuttir undan steðg­ inum um munin. Tepra heima­leiðslan var í ein hálv­ an tíma. Hóast heima­liðið var omaná, so var TB við til at mynda spælið. Tá ið Alex Mellemgaard umsetti brots­ spark, ið varð gjørt ímóti Michal Przybylski, til mál, var tað greitt, at øll stigini fóru at vera eftir í Gundadali. FÓTBÓLTUR FM HÓTT AV SNÁVINGAR­ STEINUM – Hepnið var ikki við okkum, sigur KÍ toppskjúttin Jóannes Bjartalíð Myndir: Álvur Haraldsen