mánadagur 19. august 2019síða 20

Mánadagur 19. august 2019 · Nr. 94 20 Sosialurin Hugskot og viðmerkingar – send sms til 225000 KLÆMINT NÆRKAST METINUM Klæmint A. Olsen hevur nú skorað 21 mál í landskappingini. Uni Arge og Súni Fríði Johannesen eiga metið við 24 málum. – Tað er ein gularót, sum eg kann fara eftir, men tað er ikki høvðusmálið hjá mær. Kemur tað, so kemur tað. Eg vóni at fáa nøkur mál afturat, fyri at kunna hjálpa liðnum, sigur Klæmint A. Olsen. Tróndur Arge – Argir Hann stendur við einum hvít­um posa við íslandskum bommi. Smílið er stórt, tí NSÍ hevur vunnið 5-1 á Argjum móti AB. 63 ára gamli venj­arin hjá NSÍ, Guðjón Þórðarson, er ein royndur maður. Hann hevur verið ís­lendskur landsliðsvenjari, venj­ari hjá enskum liðum sum eitt nú Stoke, Barnsley, Notts County og Crewe Alexandra. Nú stendur hann sum venjari hjá NSÍ og bjóðar bomm, tá runavíkingar skjóta mál. Í góðveðrinum á Argjum í gjár rætti hann posan av bommi fimm til venj­ara­toymið og spælarar­ nar á bonkinum. – Tað er ein gamal vani hjá mær, sum eg gjørdi sum ungur í Íslandi. Tá eg kom til Føroya helt eg at okkurt mangl­aði. Tí havi eg keypt ís­lendsk bomm, sum eg deili út hvørja ferð vit skora. Í dag var eg í góðum lag, tí vit skora fimm mál. Spælararnir á bonkinum fáa eisini, men bara eitt bomm á gangin, sigur Guðjón Þórðarson við ein­um brosi. Hann heldur eisini fyri, at onkir av teimum í toyminum keing besta liðið hava fingið ríkiliga av bommi. AB sló fyrst Argjamenn eru uttan Eli S. Christiansson, ið er fluttur av landinum, og Jobin Drangastein, sum hevur ein afturvendandi skaða. Sorin Anghel, venjari hjá AB, hevur sett Bjarna Skála á miðjuna og Hans Jákup Annfinsson í álopið. Fyrrnevndi fær gult kort heilt tíðliga í dystinum, meðan Hans Jákup Annfins­ son tekur fyrsta stykkið. Ein mið­vallarin hjá NSÍ stútar bóltin aftur til miðverjuna, men stútar ov hart. Hans Jákup Annfinsson stendur einsa­mallur aftanfyri verj­ una og takkar fyri. Hann renn­ur móti málinum skorar til 1-0. Eftir sjey stig í trimum teimum fyrstu dystunum eftir summarsteðgin, er gongd komið á argjamenn. Ein løtu er trýst á NSÍ, men aftursvarið kemur smáar tíggju minuttir seinni. Petur Knudsen eigur skotið, sum verður órógvað og Tobias Larsen megnar ikki at halda bóltinum. Klæmint A. Olsen er fyrstu á og skorar til 1-1. Nú lætnar hjá NSÍ og venj­aranum. – Teir geva okkum góða mót­støðu í fyrra hálvleiki, teir komu eftir okkum og spældu væl. Tað endaði við at vit renna eftir dystinum, men eftir at vit javna haldi eg at vit hava tamarhald á støð­uni. Eg segði við spæl­ arar­nar í hálvleikinum, at vit mugu betra okkum eitt vet. Tað gjørdu vit og vinna ein greiðan sigur í longdini, sigur Guðjón Þórðarson. Argjamenn ónøgdir Tá ein tími er spældur av dyst­inum er ongin munur á. Tað er javnleikur 1-1 og argja­menn er eins væl við. Fleiri ferðir í ár hava argja­ menn kent seg snýttar av døm­ing­um. Millum annað tá B36 vann 2-1 á Argjum, tá KÍ skoraði eitt mál í rang­støðu til 2-1 stutt fyri summar­ steðgin, og tá EB/Streym­ur javnaði til 1-1 við brots­sparki fimm minuttir inn í yvir­tíð­ ina í ólavsøkudyst­inum. Aftur í gjár er ónøgd. Tá 56 minuttir eru spældir fær AB ein risa, tá bólturin kemur upp á tvørs til Filip í Liða, sum bara skal skjóta bóltin í málið úr fimm metrum. Hann rakar bóltin illað, men fær hjálp frá Bjarka Nielsen, ið skumpar bóltin seinasta met­urin inn um málstrikuna. Sjónbandaupptøkurnar hjá Televarpinum vísa, at tað í besta føri er ógvuliga iva­ samt, um Bjarki Nielsen er rangstaddur. Hóast vink­ulin er skeivur, so stendur Filip í Liða á sjálvari 5-metur­strik­ uni, meðan Bjarki Nielsen ikki er innanfyri. – Tað kundi verið ein ann­ ar dystur, um vit fáa mál tá. Hin­vegin, so haldi eg at vit blíva punkteraðir av mál­ inum til 2-1 hjá teimum, sigur Bárður Olsen, liðskipari hjá AB, ið ikki heldur at úrs­litið er ein røtt mynd av dyst­ inum. BOMM- VEITSLA Á ARGJUM FÓTBÓLTUR Dysturin hesa vikuna... Peter Knudsen vann og skoraði uppá brotsspark Myndir: Álvur Haraldsen NSÍ er aftur fremst Guðjón Þórðarson gevur øllum á bonkinum bomm, tá NSÍ skorar. Sunnudagin skoraði NSÍ fimm ferðir á Argjum. -Tað er ein gamal vani hjá mær, sum eg gjørdi sum ungur í Íslandi, sigur íslendski venjarin hjá NSÍ