týsdagur 20. august 2019síða 8

Mikudagur 21. august 2019 · Nr. 95 8 Sosialurin Hugskot og viðmerkingar – send sms til 225000 TÍÐINDI Stríðið um teir 33 sessirnar harðnar Ferð er av álvara komið á valstríðið og valevnini eru at síggja allastaðni, har nógv fólk hittast Árni Gregersen GREINING: Tað kom ikki óvart á nakran, at val verður í end­ an­um á hesum mánað­in­um. Fyri tað fyrsta er valskeiðið runnið og fyri tað næsta, so boðaði løgmaður á ólavsøku frá, at val verður 31.august. Kortini tók tað einar tvær vikur til valið kom í gongd av álvara. Nógv tingfólk og nógv valevni hava hildið summarfrí og skuldu hava ferð á aftur mask­inurnar fyri at fáa val­ apparatini hjá flokkunum í gongd. Hetta er onki nýtt, men tað vísir seg hjá nógvum flokkum, at tað ikki verður farið at leita eftir valevnum av álvara, fyrr enn valið er útskrivað. Jú, summi eru føst á list­ unum, men tá ið tað snýr seg um at finna eini 30 valevni, so tekur tað sína tíð og ofta vísir tað seg – eisini hesaferð – at nýggj valevni koma á listan sama dag, sum listin skal latast valnevndini. Tey somu kendu – og tey nýggju Nú valevnislistarnir vóru latn­ ir inn leyggardagin sæst, at á list­unum eru kend nøvn, sum vit hava hoyrt og sæð í pol­it­ iska kjakinum seinastu árini, men vit síggja eisini mýggj fólk, sum vit ikki fyrr hava sæð í politikki. Christian Andreassen, advok­ at­ur í Havn, stillaði upp til fólka­tingsvalið fyri Fólka­ flokk­in og hann stillar upp­aft­ ur til løgtingsvalið. Hann hev­ ur ikki áður verið at sæð sum valevni. Ungi býráðspolitikkarin í Klaksvík, Beinir Johannesen, bróðursonur løgmans, stillar eisini upp fyri Fólkaflokkin um­framt uni Rasmussen, sum til fólkatingsvalið fekk 827 atkvøður. Mest ókenda andlitið hjá Sam­bandsflokkinum er helst Frimodt Rasmussen, stjóri á Klaksvíkar Sleipistøð. Hann hev­ur ikki áður stillað upp, men velur at fara eftir atkvøð­ un­um, sum ganga leysar eftir at Bjørn Kalsø gjørdi av ikki at stilla upp hesaferð. Fyri Javnaðarflokkin hevur fyrrverandi tingkvinnan Katr­ in Dahl Jakobsen gjørt av at stilla uppaftur. Hon hevur áður umboðað flokkin á tingi og hevur verið forkvinna í vinnu­nevndini. Hjá Sjálvstýri er tað eitt kent navn, sum tekur allar yvir­skrivtir. Kristin Michelsen var valdur á ting fyri Javnað­ ar­flokkin, men var móti end­ an­um á valskeiðnum koyrrdur úr flokkinum. Tá ið vallistarnir vóru latnir valnevndini stóð borgarstjórin á listanum hjá Sjálvstýri. Ein annar borgarstjóri hev­ ur eisini ætlanir um at traðka fram aftur á landspolitiska pall­in. Tað er borgarstjórin í Runa­ vík, Torbjørn Jacobsen, sum í seinastu løtu kom á listan hjá Tjóðveldi. Hann hevur áður umboðað flokkin í Løg­ting­in­ um, á Fólkatingi og í lands­stýr­ inum. Hjá Framsókn er Árni Dam eitt nýtt navn, meðan fyrr­ver­ andi politikarin, Tordur Niclas­ sen, stillar upp fyri Mið­flokk­ in. Framtakið hevur fingið Dan Klein, blaðstjóra, og Hanus Vang, at stilla upp fyri nýggja flokk­in, meðan Føroyski Flokk­ urin hevur fýra valevnir, sum ikki eru kend úr politiska rúm­ inum. Tað eru nú 10 dagar til valið verður. Valstríðið gerst hvass­ ari og hvassari, so um ein viku fer myndin av, hvør fer at klára seg í endaspurtinum at standa heldur klárari. Tað er ein ivaleys nøgd av val­evnunm at seta kross við. Spurn­ingurin hjá veljarunum er, um tað eydnast at finna tey 33 bestu, sum megna at gera eina samgongu, sum kann stýra Føroyum skilagott. Svarið fáa vit eftir 31,august. Christian Andreassen, Fólkaflokkurin Katrin Dahl Jacobsen, Javnaðarflokkurin Torbjørn Jacobsen, Tjóðveldi Dan Klein, Framtakið Kristin Michelsen, Sjálvstýri