týsdagur 3. september 2019síða 4

Mikudagur 4. september 2019 · Nr. 101 4 Sosialurin Hugskot og viðmerkingar – send sms til 225000 TÍÐINDI Bárður skal royna att skipa samgongu Teir tríggir borgarligu flokkarnir hava peikað á Bárð á Steig Nielsen, Sambandsflokkurin, um at standa á odda fyri at skipa nýggja samgongu Árni Gregersen Roynd verður nú av álvara gjørd at skipa eina borgarliga samgongu. Fólkaflokkurin, Sambands­ flokkurin og Miðflokkurin fingu yvir 50 prosent avv øll­ um atkvøðunum og 17 av teim­ um 33 tingsessunum, tá ið upp­talt var. Í gjár vóru teir tríggir floks­ formennirnir, Jørgen Niclas­ sen, Fólkaflokkurin, Bárður á Steig Nielsen, Sam­bands­flokk­ ur­in og Jenis av Rana, Mið­ flokk­urin, á fundi við ting­for­ mannin, Páll á Reynatúgvu og boðaðu honum frá, at teir trígg­ir flokkarnir eru sinnaðir at skipa nýggja samgongu. Frammanundqan hevði for­ maðurin í Javnaðarflokkinum, Aksel V. Johannesen, boðað ting­formanninum frá, at hann legði frá sær sum løgmaður og har við eisini leiklutin at standa á odda fyri sam­ráðing­ un­um um nýggja samgongu. Tað verður formaðurin í Sam­bandsflokkinum, Bárður á Steig Nielsen, sum skal ganga á odda í royndunum at skipa eina borgarliga samgongu mill­um Fólkaflokkin, Sam­ bands­flokkin og Miðflokkin. Tá ið teir tríggir floks­for­ menn­irnir í gjár vóru á fundi við Páll á Reynatúgvu peikaðu teir allir á Bárð Nielsen, sum samráðingarleiðara, hóast Fólka­flokkurin er størstur av teimum trimum flokkunum. Fólkaflokkurin er altso størstur av teimum trimum flokkunum, sum hava ætlanir um at skipa nýggja samgongu. Flokkurin fekk átta tingfólk leygarkvøldið, meðan Sam­ bands­flokkurin fekk sjey og Miðflokkurin tvey. Felags áralag Tá ið farið verður undir at sam­ráðast og skriva eitt sam­ gonguskjal er fyrsta treytin, at teir flokkar, sum seta seg sam­ an, eru samdir um at gera eitt samgonguskjal. Tað skal tryggja, at flokk­ar­ nir finna loysnir á málum, sum teir ikki eru 100 prosent samd­ ir um. Ymiskir mátar eru, hvussu tað kann gerast. Flokk­ ar­nir kunnu boyggja seg hvør móti øðrum, men teir kunnu eisini semjast um, at eitt mál varðveitir sama status í fýra ár, um tað gevur frið. Í hesum føri er eitt stórt mál fiskivinnunýskipanin. Fólkaflokkurin hevur gjørt heilt greitt, at í lógini um fyri­ siting av sjófeingi er nógv sum skal broytast. Flokkurin hevur sagt, at uppboðssølan av fiski­ rættindum skal burtur og menn­ingarkvoturnar skulu eis­ini burtur. Flokkurin vil eis­ ini hava, at loyvini verða longd úr átta uppí 12 ár. Sambandsflokkurin var nærri samgonguni, hóast flokk­urin ikki er samdur í øll­um og Bill Justinussen úr Mið­flokk­inum atkvøddi fyri skipanini. Nú skulu flokkarnir semjast um, hvat og hvussu nógv lógin skal broytast. Á etiska økinum fyllir hjúna­bandslógin nógv. Mið­ flokkurin er hart ímóti og tað sama eru limir í Fólka­flokk­in­ um, millum annað Jógvan á Lakjuni. Eisini á hesum øki skal ein semja finnast, sum allir flokk­ ar­nir taka undir við. Eydnast at koma so langt sum at fara undir at skriva sam­gonguskjal, so fer tað helst at taka einar tvær vikur. So kemur stríðið um býtið av málsøkjum og so er tað hvørjir persónar skulu manna álitissessirnar í hesum val­ skeiðn­um . Tað er ein kabal, sum mangan er torfør at fáa at ganga upp, men sum flokk­ar­ nir mugu arbeiða við, tí hetta er eisini ein partur av sam­ starv­inum, sum skal virka kom­andi fýra árini. Uppgávan hjá formann­in­ um í Sambandsflokkinum kom­andi dagarnar verður at fáa samstarvið á glið og fáa ser­liga teir størru borgarligu flokk­arnar at draga eina línu. Bárður á Steig Nielsen Jørgen Niclasen Páll á Reynatúgvu , tingformaður