týsdagur 10. september 2019síða 8

Mikudagur 11. september 2019 · Nr. 104 8 Sosialurin Hugskot og viðmerkingar – send sms til 225000 TÍÐINDI Vilmund Jacobsen Havrannsóknarskipið Magnus Heinason hevur verið á Føroyabanka og gjørt árligu heyst yvir­ lits­trolingarnar, og tey góðu tíðindini eru, at nú sær munandi betri út á Bankanum, enn tað hev­ ur gjørt í nógv ár. Teir komu aftur av Føroyabanka týs­morgun­ in, og fyrrapartin týs­ dagin skiftu vit orð við Petur Steingrund, fiski­ frøðing, sum var tokt­ leiðari á túrinum. - Vit gjørdust ógvu­ liga væl nøgd, tá vit sóu henda toskin, og yvir­ lits­trol­ingarnar hesaferð góvu nógv meira av toski, enn vit hava sæð sein­ astu nógvu árini. Skal tosk­urin á Føroyabanka koma fyri seg aftur, mugu vit onkuntíð síggja eina framgongd, og hesa hava vit ikki sæð í fleiri ár – ikki fyrr enn nú, sigur fiski­frøðingurin, sum seinni í greinini sigur okk­um høvuðsúrslitini frá túrinum. Tað, sum ikki minst gleðir fiskifrøðingin, er, at toskurin á Bankanum er spikafeitur, og føðin er nebba­sild. Yvirlitstrolingarnar, sum Magnus Heinason fyrr í heyst gjørdi á land­ grunninum, vístu annars, at toskurin var óvanliga rak, og hýsan var heldur ikki væl í holdum – alt tek­in um, at toskur og hýsa hava trupult við at finna nógmikið av føði. Men, eftir øll­um at døma eru náttúru­viður­ skiftini á Føroyabanka í løtuni munandi betri enn á landgrunninum annars – hvør so orsøkin kann vera til tað. - Hetta er tað mest posi­ tiva tekini, vit hava sæð á Bankanum í nógv ár og í yvirlitstrolingunum, sum júst eru lidnar, sá alt nógv betur út enn við yvir­lits­ trol­ingunum í vár, leggur fiski­frøðingurin aftrat. Ikki síðan 2003 Petur Steingrund sigur, at lík­indini á túrinum hesa­ferð vóru góð, og tað eydnaðist at taka tær 29 trol­støðirnar kring á Føroya­banka eftir lut­ fals­liga stuttari tíð. - Tær 29 trolstøðirnar verða tiknar inni á tí grynsta og út á stívliga 600 metra dýpi. Hann sigur, at tá Magnus Heinason gjørdi heyst yvirlitstrolingar um hesa tíðina í fjør, fingu teir tilsamans 431 kilo av toski á Føroyabanka, men hesa­ferð var samlaða toska­nøgdin 2347 kilo, sum sjálvandi er ein stór øking. - Árini 2006 til 2017 vóru heilt syndarlig. Taka vit nøgdina, vit fingu í yvir­lits­trolingunum hesa­ferð, skulu vit heilt aft­ur til 2003 fyri at finna størri virði. Áður søgdu vit, at eitt minimun virði á Bankanum helst skuldi vera 100 kilo fyri hvønn trol­tíma, og í yvir­lits­ troling­unum hesaferð komu vit so upp á 80 kilo fyri hvønn troltíma. Fiskifrøðingurin vís­ir á, at tá støðan á Føroya­ banka var vanlig, skuldi trol­tímin helst geva 150 kilo, og nú eru vit so kom­ in upp á 80 kilo. - Meginparturin av toski­num, vit fingu í yvir­ lits­trolingunum hesaferð, var 2015-árgangurin. Het­ ta er toskur, sum ligg­ur um einar 80-85 senti­metr­ ar til longdar og vigar eini 6-7 kilo. Petur Steingrund sigur, at toskurin var ógvu­liga væl í holdum. - Hetta var stórur og góður toskur, har megin­ part­urin av føðini vísti seg at vera miðalstór nebba­sild. Hinvegin var ikki nógv at síggja av heilt smáari nebbasild. Fiskifrøðingurin vísir á, at árið 2015 var hitt fyrsta síðan umleið 2004, at nakað serligt sást til toska­larvur á Bankanum. Spurdur, um teir á túri­num við Magnusi Heina­syni hesaferð sóu nakað til aðrar árgangir, Nú bragdar við toski á Bankanum Tað er nógv hýsa á Føroyabanka, og nú er eisini rættiliga farið at bragda við toski. Bæði fiskasløgini eru væl fyri, og toskurin er sera feitur. – Hetta eru tey positivastu tekini, vit hava sæð á Bankanum í nógv ár, sigur Petur Steingrund, fiskifrøðingur Magnus Heinason júst komin aftur av túri