týsdagur 8. oktober 2019síða 22

Mikudagur 9. oktober 2019 · Nr. 116 22 Sosialurin Hugskot og viðmerkingar – send sms til 225000 Eirikur Lindenskov Toyota er mest seldi bilur í Føroyum seinastu 10 árini. Tað vísir samanteljing, sum Sosialurin hevur gjørt burtur úr hag­tølum hjá Akstovuni. Í fimm ár av teimum seinastu 10 árun­um hevur Toyota verið mest seldi bilur í Føroyum. Seldir eru 2.417 Toyota bilar tilsamans árini 2009 til 2018. Næst­ur er Citroen, sum tríggjar ferðir seinastu 10 árini hevur veirð mest seldi bilur í landinum. Tað var í 2012, 2013 og í 2015. Tilsamans hesi tíggju árini eru seld­ir 2.187 Citroen bilar í Føroyum. Á triðja plássi kemur Volkswagen, sum hevur verið mest seldi bilur í Før­ oy­um tvær ferðir seinastu 10 árini, í 2017 og í 2018. Volkswagen er eisini mest seldi bilur í Føroyum higartil í ár. Tilsamans eru seldir 1.436 Volkswagen bilar árini 2009 til og við 2018. Talið av akførum í Føroyum er vaksið nógv seinastu 10 árini. Síðani 2009 eru seldir 22.468 nýggir bilar. Sølan er næstan trífaldað. Talið av nýggjum bil­ um, sum vórðu seldir í fjør var 2,8 ferð­ ir størri enn í 2009, tá seldir vóru 1.053 nýggir bilar. Í fjør vóru seldir 2.982 nýgg­ ir bilar, sui er met. Tað hevur so eisini við sær, at talið av akfør­um á føroysku vegunum er vaksið mun­andi. Í 2009 vóru tilsamans 30.431 akfør skrásett í Føroyum. Hetta talið var 30. september í ár 38.714. Heldur sølan av nýggjum bilum sær seinasta árs­fjórð­ingin av hesum árum, so fara at verða seldir yvir 3.100 nýggj akfør, og verður tað fyrstu ferð, at talið av nýggj­ um skrásettum akførum í einum ári fer upp um 3.000 akfør. Fyrsti bilurin kom til Føroya í 1922. Tað var ein eitt tons lastbilur av slag­ num Ford T. Hann kom við DFDS skipi­ num »Island« á Havnina tann 6. mai í 1922. Næstu árini komu nakrir bilar til landið, men tað var ikki fyrr enn vit komu upp í sekstiárini, at bilatalið veru­ liga tók dik á seg. Fara vit fimmti ár aftur í tíðina, so vóru tá 3.001 bilar skrásettir í Føroyum. Fimm ár seinni í 1975 varð talið vaksið til 6.825, og í 1981 var talið komið upp um 12.000 bilar. Í 1988 fer talið upp á um­leið 19.000 bilar, men tá vit koma í kreppu­ árini í nítiárunum minkar talið aftur. Í 1993 er talið komið niður á 15.000 bilar. Men tað kvinkar skjótt uppaftur, og í 1998 er talið komið upp um 16.000 bilar. Í 2003 fer talið upp um 20.000 og í 2008 er talið umleið 30.000 bilar. Altjóða fíggjarkreppan merktiskt eisini í Føroyum, og í 2010 og í 2011 minkar talið av akførum á føroysku vegun­um eitt vet, til tað aftur vendir í 2013. Og síðani hevur tað gingið framá. Talið av akførum skrásett í Føroyum vaks frá 2013 fram til 1. oktober í ár frá 30.264 til 38.714. Síðani 1. januar í 2009 eru seldir 22.468 nýggj akfør í Føroyum. Tað vil siga, at av teimum 38.714 akførunum, sum vóru skrá­sett í Føroyum 1. oktober í ár eru 16.246 skrásett fyri 1. januar í 2009 – ella eldri enn 10 ár. TOYOTA ER MEST SELDI BILUR Í FØROYUM SEINASTU 10 ÁRINI BILAR 2.417 Toyotabilar eru seldir í Føroyum seinastu 10 árini. Næstur Toyota eru Citroen og Volkswagen