hósdagur 10. oktober 2019síða 28

FRÍGGJADAGUR 11. OKTOBER 2019 SOSIALURIN 117 28 TRÓNDUR ARGE – SARPUGERÐI, GØTA V íkingur er á odda 1-0, tá Adeshina Lawal má takka fyri seg eftir 63.minuttir. -Havi hevði trupulleikar í bak­ lærinum og fekk ikki spælt meir, for­klárar Sámal Erik Hentze, venjari hjá Víkingi. Tríggar minuttir seinni kom Páll A. Klettskarð og Ólavur Nical­sen inn fyri KÍ. -Eg siti og ivist millum at seta Páll ella Torbjørn Grytten inn, men tað er einki bakrúm og vindurin er undan, so tí valdi eg at seta Páll inn, sum blívur meiri ein statión at spæla á, sigur Mikkjal Thomassen, venjari hjá KÍ. KÍ vendir dystinum Tað skal vísa seg at verða ein góð avgerð, tí sjey minuttir seinni er KÍ á odda 2-1. Fyrst ger Atli Gregersen eina feilavlevering, sum Jóannes Bjartalíð takkar fyri, spælir Páll A. Klettskarð, sum spælir Patrik Johannesen leysan. Eftir ein minni góðan dyst er Patrik ísakaldur og rekur fram­ við málverjanum og skorar til 1-1. Sjey minuttir seinni spælir KÍ upp í høgru síðu og tað endar við at nýggi landsliðsspælarin, Jóannes Kalsø Danielsen, legg­ur bóltin innfyri. Við aftaru stong er tað innskiftið Páll A. Klett­ skarð, sum sendir bóltin í málið til 2-1. Tveir minuttir seinni fær mið­vallarin hjá Víkingi, Heðin Han­sen, sítt seinna gula kort og verður útvístur. Upp á tíggju minuttir er dyst­ urin vendir á høvdið. Víkingur má eisini skifta Andreas Lava Ol­sen út. Víkingur royndi sein­ astu løtuna at svara aftur og tvær ferðir hevði Víkingur góðar skot­støður, men alt endar við at KÍ skorar til 3-1 í yvirtíðini Umstríddur dystur Dysturin millum Víking og KÍ skuldi upprunaliga spælast leygardagin, men bleiv útsettur vegna veður. Sum skilst, so hava røddir út Gøtu gjørt vart við trupulleikin áðrenn viku­skiftið og mælt til at spæla fríggja­kvøldið. Dysturin verður síðani settur til týsdagin klokkan 17, fyri síðani at verða fluttur til klokkan 19. Tað er ein góð avgerð, tí klokkan 17 er ikki spælandi í Gøtu, men tá spælararnir renna inn á vøllin klokkan 19 er spæl­ andi í Sarpugerði. -Eg havi virðing fyri at Eiler (Ras­mussen, dómari, blaðm) velur at útseta dystin. Eg sat við eini kenslu í dag at dysturin kundi verða útsettur eina ferð aftur­at, men beint áðrenn dyst­ urin byrjaði minkaði hann um vindin, sigur Mikkjal Thomas­ sen, venjari hjá KÍ. Hann ásannar eisini, at tað hevur verið eitt sindur órógv­ andi við útsetingini og at veðrið ikki spældi við seinnapartin týs­ dagin. -Tað stressar sjálvandi, at vit seta okkum upp til ein dyst og tað góð ein dag at fáa tann spenn­ingin úr kroppinum. Og so nú at seta okkum upp aftur og tað sær einki út í veðrinum. Tí óttast vit at tað hendir aftur og tað er krevjandi fyri spælar­ arnar, men tá tað kom til stykkið, so avrikaðu spælararnir so væl sum eg kundi vóna, sigur Mikkjal Thomassen. KÍ í FM-finaluna Við sigrinum hevur KÍ tryggja sær pláss í sokallaðu FM-finalu­ni, sum verður 26. oktober 2019. Tá verður 27. og seinasta umfar í Betri deildini hjá monnum í ár. Í Gundadali møtast B36 og KÍ, sum bæði hava 60 stig eftir 25 umfør. KÍ hevur betri málúrtøku og undir vanligum umstøðum, kann KÍ tapa í 26. umfari móti NSÍ og alíkavæl vinna FM við at vinna á B36. Støðan hjá B36 er eitt sindur øðrvísi. Um B36 tapur móti Víkingi í 26. umfari og KÍ vinnur á NSÍ, so skal B36 í minsta lagi vinna 5-0 á KÍ á seinasta leikdegi. Tí er kravið til B36 helst eitt stig í minsta lagi, tá teir vitja í Gøtu í komandi umfari. Víkingur verður eisini uttan Heðin Han­ sen, sum bleiv útvístur, og Elias Lervig, sum hevur leikbann fyri og nógv gul kort. Ger Sølvi eini Súni? Nógv bendir á, at Simen Sand­ mæl fer aftur til Norra, men er Sølvi Vanthamar avloysarin? Kappingarárið í fótbólti nærk­ast endanum og feløgini fara í holt við at fyrireika kom­ andi kappingarár. Greitt er nú, at HB skal hava nýggjan venj­ara, og at KÍ fær tilgongd av lands­liðs­mið­verjanum, Odmari Færø. Kringvarpið hevur verið og leitað í norskum miðlum, har ein samrøða er við miðvallarin hjá KÍ, Simen Raaen Sandmæl. Hann hevur verið millum bestu spælararnar hjá klaksvíkingum í ár, men væntar ikki at halda fram í føroyskum fótbólti. - Enn er tað ikki endaligt, men nógv bendir á, at eg ikki komi aftur til Føroya. Líkt er til, at føroyska fótbóltsævintýrið hjá mær er at enda komið. Nú vil eg at royna okkurt nýtt, tí eg vil dúva upp á fótbóltin í nøkur ár aftrat, sigur Simen Raaen Sand­ mæl við norska miðilin Stjørn­ dalens Blad. Tað ganga altíð nógvar søgur í fótbóltsheiminum. Ein av teimum er, at KÍ hevur eitt stórt ynski um at fáa Sølva Vatn­ hamar til felagið komandi ár. Hann hevur bara spælt við barn­ dóms­felagnum LÍF og síðani Víkingi, sum er ein saman­legg­ ing av LÍF og GÍ. Víkingur verður annað árið á rað uttan Evropa-fótbólt kom­ andi kappingarár. Felagið hevur meldað út, at liðið skal byggjast upp av nýggjum. Í 2016 tók Súni Olsen túrin til KÍ, har hann vann Løg­mans­ steypið. Nú bendir okkurt á, at KÍ hevur eitt ynski um at 33 ára gamli Sølvi Vatnhamar tekur sama túr. TRONDUR@SOSIALURIN.FO Fótbóltur Dysturin hesa vikuna... Skiftingarnar gjørdu munin: Útskiftingarnar gera munin, tá KÍ skal venda dystinum móti Víkingi. Við innskifta Pálli Klettskarð á odda skorar KÍ á tríggjar ferðir og hevur tryggja sær pláss í ”FM-finaluni” KÍ ER Í FM- FINALUNI