hósdagur 17. oktober 2019síða 2

FRÍGGJADAGUR 18. OKTOBER 2019 SOSIALURIN 120 Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Tíðindaleiðari Hallur av Rana hallur@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður 1927 Prent: Prentmiðstøðin Rakel Helmsdal í uppskoti til stóra virðisløn Rakel Helmsdal er í uppskoti til Astrid Lindgren Mem­orial Award 2020, eisini nevnd ALMA-virðislønin. Hetta varð í dag kunn­gjørt á árligu bóka­messuni í Frankfurt. ALMA-­ virðislønin er størsta bókmenta­ virðis­lønin fyri barna- og ung­ dóms­bókmentir í heim­in­um. Til­ nevn­ingina hevur hon fingið fyri savnaða ritverk sítt sum rithøvundur, mynd­prýðari, søguforteljari og lesifremjari. Hetta er fjórðu ferð, at Rakel Helmsdal er tilnevnd, og hon er einasti føroyski rithøvundurin, sum hevur verið tilnevnd til hesa virðislønina. Vinnarin verður kunngjørdur á stóru barnabókamessuni í Bologna í mai 2020. 18. OKTOBER 2019 Tað var ein øðrvísi móttøka, sum amerikanski oyðarin, USS Donald Cook, fekk seinasta fríggjadag – um vit bera saman við móttøkuna, sum USS McCloy fekk, tá hann vitjaði á Havnini 9. juli í 1987. Ta ferðina møtti fjøld av fólki upp á molanum at mótmæla, tí sagt varð, at USS McCloy stóð á altjóða lista yvir krígsskip við kjarnorkuvápnum. Víst varð á løgtingssamtyktina frá 1983, sum lýsti Føroya land- og sjóøki sum kjarnorkuvápnafrí umveldi. Atli P. Dam, løgmaður, var ikki heima hendan dagin, men Jógvan Durhuus úr Tjóðveldisflokkinum, sum var varaløgmaður, mótmælti hjá ríkisumboðnum og vildi nokta skipinum at sleppa í Havn í Føroyum. Men einki batti. USS McCloy legði at ytst á molanum hendan hósmorgunin um áttatíðina – hóast fjøld av fólki vóru og mótmæltu. Har var felagsskapurin »Fólk fyri friði« og onnur, sum vildu vísa sína ónøgd við, at løgtingssamtyktin frá 1983 – kanska – ikki varð vird. At summi meintu tað í álvara sást millum annað, at tá ein kendur mentamaður legðist á at skera ein av tjúkku trossunum við einum felliknívi, men varð steðgaður av einum stórum manni frá sjóverjuni, sum tók í herðatoppin á honum. Eitt sindur komiskt sá tað út, tá konan skumpaði kaskettin av høvdinum á marianaranum, so hann mátti sleppa mentamanninum fyri at bjarga kaskettinum. Ein ikki sørt rokutur dagur á molanum, men vitjanin var sum so ikki órógvað, hóast mótmælisfundur var á Vaglinum í Havn seinni hendan dagin. Tá vóru spentar tíðir, og kalda kríggið leikaði. Oddamaðurin hjá Fólkaflokkinum skrivaði í Dagblaðnum, at tað vóru »Fríu Føroyar og Frædnur-poppgruppan við temum brúnu hundunum, sum átti politikkin hjá landsstýrinum, sum varð førdur ímóti NATO og áhugamálum Føroya í vestaru samgonguni.« Soleiðis tosar eingin í dag. Vit halda øll við USA og Vesturheiminum. Eingin so frægt sum leggur nakran undir at halda við Putin og Russlandi. Arktis er tað, sum hevur áhuga hjá stórveldum sum Kina, Russlandi og USA. Men vit vilja øll heldur hava USA, sjálvt um Trump ræður har – og eingin tosar longur um kjarnorkuvápn og kjarnorkuvápnafrí øki. Jú sanniliga munur á móttøku 32 ár seinni. Munur á herskipamóttøkum Oddagrein Eirikur Lindenskov blaðstjóri Nú skal tað ikki longur bera til hjá einum og hvørjum at verða duravørur á skeinkistøðum og dansihølum. Tað er endamálið við eini nýggjari kunn­gerð, sum Helgi Abrahamsen, lands­ stýrismaður í vinnumálum, ætlar at seta í gildi í næstum . Í dag verða eingi krøv sett til duravørar og løgreglan hevur gjørt myndugleikunum greitt, at ein avleiðing av tí er, at persónar, sum eru dømdir fyri álvarsom brotsverk, og sum eru kendir úr narko-umhvørvinum, ella ella eru settir í sambandi við anabolskar steroidir, hava virkað sum duravørar. Men nú skulu krøv setast til tey, sum eru duravørar, og eitt krav er, at tey skulu hava prógv í fyrstuhjálp og prógv í at nýta alla vanliga eldsløkkingarútgerð. Duravørar skulu eisini vátta, at teir er kunn­ugir við reglurnar í matstovulógina, um rúsdrekkalógina ogpolitiviðtøkurnar. Men undantøk kunnu gerast frá regl­ unum í ávísum førum, tí í mesta lagi í eitt ár. Duravørar skulu eisini hava arbeiðs­ klæðir, har tað týðiliga sæst, at viðkomandi er duravørur, eitt nú við at prenta orðið “Duravørður” á klæðini. – Tann, ið setur duravørð í starv, hevur ábygd av at tryggja, at duravørðurin kennir rýmingarleiðirnar og dugir at brúka alla eldsløkkingarútgerð á staðnum, stendur í kunngerðini. Tað stendur eisini, at duravørðar skulu, meðan teir eru til arbeiðis, hava sam­ leikaprógv uppi á sær og vera teir bidnir um at vísa tað, skulu teir gera tað, bæði tá ið gestir og myndugleikar biðja um tað. Hinvegin eru eingi krøv í kunnugerðini um at duravørar skulu hava reina revsi­ váttan, ella nakað, sum ber á tað borðið, so­leiðis sum tað annars upprunaliga varð lagt upp til. Nú skal ein og hvør ikki longur sleppa at vera duravørur Les eisini blaðið á telefonini Føroyar mugu mótmæla Síða 22 Lagnudagur í Westminster leygardagin Síða 19