hósdagur 24. oktober 2019síða 42

18 Gongur væl hjá oljufeløg­unum Bæði oljufeløgini í Føroyum, P/F Magn og P/F Effo høvdu met úrslit í fjør. Tað vísir gjøgnum gongnd av roknskapunum Í sambandi við evnið um grønu umleggingina, hava vit stutt greinað roknskapirnar hjá orkufeløgunum í Føroyum, P/F Effo, P/F Magn, P/F Vindrøkt, P/F Fjarhitafelagnum og L/F SEV. Tey bæði síðstu nevndu eru almenn feløg, sum ikki eru stovnða við vinningi fyri eyga, meðan oljufeløgini og vindrøkt er privat vinnufeløg. Nevnast kann, at P/F Effo í árinum sum fór hevur keypt seg inn í vindmyllufelagið P/F Vindrøkt, og at P/F Magn hevur keypt seg inn í vvs-fyritøkuna Demich í Havn, sum eisini arbeiðir við grønum orkuloysnum. Effo hevði 33,9 milliónir í avlovpi P/F Effo hevði eitt gott roknskaparár í fjør, 2018. Tað vísir roknskapur felagsins. Talan er um besta roknskap felagsins – í øllum førum tey seinastu 15 árini, sum kunnu síggjast í roknskaparskipanini hjá Vinnuvitan.biz. Nettosølan hjá PF Effo var 908 milliónir kronur. Starvsfólkakostnaðurin var góðar 44 milliónir krónur, og rakstarúrslitið fyri skatt var góðar 41 milliónir krónur. Felagið rindaði 7,6 milliónir krónur í skatti, sum gav eitt úrslit eftir skatt upp á 33,9 milliónir krónur. Partapeningurin í P/F Effo er 40,5 milliónir krónur, og eginpeningur felagsins er nú góðar 134 milliónir krónur. Ársúrslitini tilsamans seinastu 10 árini hava verið 228,7 milliónir krónur. Langfreistaða skuldin hjá felagnum er góðar 38 milliónir krónur. Felagið rindaði í fjør eigarunum 17,7 milliónir krónur í vinningsbýti. Seinastu 10 árini hevur P/F Effo útgoldið 189.948 milliónir krónur í vinningsbýti. Fakta: Stjóri í PF/ Effo er Janus Thomsen. Nevndarformaður er Árni Tór Rasmussen  Hinir nevndarlimirnir eru: Jógvan Dávid Jacobsen Wilhelm Eyðinsson Petersen. Eigarar sambært ársroknskapinum 2018 eru: Sp/F Framinvest Kolan Aps (útlendskt felag) P/F Lív P/F Varðin Magn hevði 30,4 milliónir krónur í avlopi P/F Magn hevði sítt besta roknskaparár í fjør – í øllum førum um vit bera saman við roknskapirnar seinastu 15 árini, sum eru tøkir í roknskaparskipanini hjá Vinnuvitan. biz. Nettosølan hjá P/F Magn var í fjør 850 milliónir krónur. Starvsfólkakostnaðurin var góðar 38 milliónir krónur, og rakstrarúrslitið varð 38 milliónir krónur fyri skatt. Og tá felagð hevur goldið 7,7 milliónir í skatti, var úrslitið eftir skatt 30,4 milliónir krónur. Úrslitini tilsamans seinastu 10 árini hava verið 217,4 milliónir krónur. Partapeningurin í P/F Magn er 6 milliónir krónur, og eginogn felagsins er 137,9 milliónir krónur. Langfreistaða skuldi hjá P/F Magn er upp á slakar 64 milliónir krónur. Í fjør rindaði P/F Magn ikki vinningsbýtið til partaeigararnar, men vinningsbýtið seinastu 10 árini er tilsamans góðar 171 milliónir krónur. Fakta: Stjórar í PF/ Effo er Hendrik Egholm og Johnni Meinhard Poulsen. Nevndarformaður er Jens Meinhard Rasmussen Hinir nevndarlimirnir eru: Baldur Már Helgason Reykjavík, Ísland Birna Ósk Einarsdóttir, Seltjarnanes, Ísland Jón Díðrik Jónsson, Gardabær, Ísland Gunn Ellefsen, Hoyvík. Eigari sambært ársroknskapinum 2018 eru: Skeljungur hf (útlendskt felag) Nú eru P/F Effo partur av P/F Vindrøkt P/F Vindrøkt er felag í Vestmanna, sum hevur til endamáls at »framleiða orku úr vindi, vatni og øðrum náttúrutilfeingi, umframt annað virksemi í hesum sambandi«, sum skrivað stendur. Felagið eigur vindmyllurnar, sum standa á Mýrunum oman fyri Vestmanna, sum framleiða streym inn á netið hjá SEV. Sambært ársroknskapinum fyri 2018 hevði felagið eitt avlop upp á 118.000 krónur. Nettosøla felagsins í fjør var 1,16 milliónir krónur. Felagið hevur einki fólk í starvi og tí heldur ongar útreiðslur til tess. Úrslitið fyri skatt var 144.000 krónur, sum eftir skatt upp á 26 krónur gevur ársúrlsitið upp á 118.000 krónur. Partapeningurin í P/F Vindrøkt er 4,512 milliónir krónur. Eginogn felagsins er 4,6 milliónir krónur. Felagið hevur onga langfreistaða skuld. Felagið rindaði fyri fyrstu ferð vinningsbýti í fjør, tá eigararnir fingu slakar 1,5 milliónir krónur. Í fjør hevur P/F Effo keypt seg upp í felagið P/F Vindrøkt. Í hesum sambandi var partapeingurin hækkaður við 2.256.667 til kr. 4.512.000. Fakta: Stjóri í PF/ Vindrøkt er Jóhan í Niðristovu. Nevndarformaður er Árni Tór Rasmussen Hinir nevndarlimirnir eru: Eyðbjørn Mortan Larsen Johan í Niðristovu Janus Thomsen. Eigari sambært ársroknskapinum 2018 eru: P/F Effo, Tórshavn P/F Røkt í Vestmanna SEV og Tórshavnar kommuna eiga P/F Fjarhitafelagið P/F Fjarhitafelagið í Havn hevði í fjør eitt úrslit upp á 1,3 milliónir krónur. Endamálið hjá P/F Fjarhitafeglanum er at veita fjarhita í Tórshavnar kommunu og at reka handil og annað virksemi í hesum sambandi. P/F Fjarhitafelagið hevði í fjør eina nettosølu upp á 19,7 milliónir krónur. Starvsfólkini, sum í 2017 vóru 5 í tali, kostaðu tilsamans 3,5 milliónir krónur. Úrslit felagsins fyri skatt var 1,579 milliónir krónur, og eftir skattin upp á 284.000 var ársúrslitið 1,295 milliónir krónur. Partapeningurin í P/F Fjarhitafelagnum er upp á 5,5 milliónir krónur. Eginpeingur felagsins er 62,5 milliónir krónur. Langfreistaða skuldin hjá felagnum er 81,7 krónur. P/F Fjarhitafelagið hevur ongantíð rindað vinningsbýti til partaeigararnar. Fakta: Stjóri í PF/ Fjarhitafelagnum er Hans Christian Dam. Nevndarformaður er Suni Jacobsen í Sørvági. Hinir nevndarlimirnir eru: Hákun Djurhuus, Tórshavn Jákup Dam, Kollafjørður Jónsvein Hovgaard, Hov Tróndur Sigðurssson, Hoyvík. Eigari sambært ársroknskapinum 2018 eru: L/F SEV og Tórshavnar kommuna. SEV hevur eina eginogn upp á 1,2 milliardir krónur Elfelagið SEV hevði í fjør eitt árslit upp á 38 milliónir krónur. Nettosøla felagsins var upp á 408 milliónir krónur. Starvsfólkakostnaðurin fyri tey 144 starvsfólkini var góðar 74 milliónir krónur. Endamál felagsins er at fáa til vega elmegi og býta hana millum íbúgvarnar limakommunanna. Partapeningurin í L/F SEV er upp á 4,14 milliónir krónur. Eginogn felagsins er 1,2 milliardir krónur. Langfreistaða skuld felagsins er upp á 1,3 milliardir krónur. SEV hevur ongantíð rindað vinningsbýti til eigararnar. Fakta: Stjóri í L/F SEV er Hákun Djurhuus, Tórshavn. Nevndarformaður er John Zachariasen í Vestmanna. Hinir nevndarlimirnir eru: Hans Jákup Johannesen, Skáli Suni Jacobsen, Sørvágur Jónsvein Hovgaard, Hov Kristian Eli Zachariassen, Klaksvík Marin Katrina Ragnarsdóttir Frýdal, Hoyvík Vinjard Arnljótt Strænder Tungá, Húsavík Eigarar eru allar kommunurnar í landinum. TEKSTUR EIRIKUR LINDENSKOV MYNDIR SOSIALURIN