týsdagur 12. november 2019síða 22

Mikudagur 13. november 2019 · Nr. 131 22 Sosialurin Hugskot og viðmerkingar – send sms til 225000 SUÐUROY LÝSINGARTILFAR Vilmund Jacobsen Bærendsen Teknik á Tvøroyri er ein størri fyri­tøka sum ger smiðju­ arbeiði, rør-og el-inn­ legg­ingar­arbeiði. Men, tað er serliga fyri snøgga handilin, at fyritøkan er kend millum vanligar privat­kundar. Tað er Bergur Bærend­ sen, sum er stjóri í fyri­ tøkuni og konan, Nina Vitalis Bærendsen, er kendasta andlitið handli­ num, har hon eisini hevur onnur góð fólk til hjálpar. - Eg havi ofta tikið til, at vit selja alt uttan mat og klæði. Vit leggja dent á lampur og ljós og selja flestu el-tól til heimið. Vit kunnu saktans siga, at lampur og ljós í dag eru prýðis­lutir í einum duri, køki, stovu, barnakamari ella spegli. Nina Vitalis Bærend­ sen sigur, at el-handilin hevur allar vanligar hvít­vørur, dustsúgvarar, blend­ar­ar og onnur smá el-tól. - Haraftrat hava vit allar vanligar búnýtislutir til heimið – alt frá pann­ um og grýtum til ymiskar prýðislutir, sum gera heimið hugnaligari, sigur hon. Jólastovan klár Aftur í ár hava tey hjá Bærendsen skipað eina serstaka og vakra jóla­ stovu í El-handlinum, har tey taka ein part av handilinum burtur av til jóla­stovuna. - Tað er nógv arbeiði av hesum, tí tey ting, sum vanliga standa í hes­ um partinum av handli­ num, skulu flytast, og jóla­tingini skulu inn ístaðin. Men, hetta er sera hugnaligt, og tey eru mong, sum støkka inn á gólvið at síggja okkara stovu við alskyns jóla­ pynti, jólaketum, tingum og prýðislutum til jólini. Nina Vitalis Bærend­ sen heldur, at jólastovan eisini er eitt ávíst trekk­ plátur fyri handilin, nú jólamánaðin stundar til, og hon leggur dent á, at øll – bæði vaksin og børn – eru hjartaliga vælkomin á gátt. - Hetta byrjaði við ein­um lítlum króki í handlinum, men nú fyllir jóla­stovan umleið 1/6 av øllum, og tað er rættiliga fitt í einum so stórum handli sum okkara, legg­ ur hon aftrat. Fólk pynta nógv Nina Vitalis Bærendsen heldur, at fólk pynta nógv til jóla. Tað byrjar ofta við, at fólk pynta úti – fyrst eitt træ, síðan tað næsta træið, og tá pynt­að er uttan fyri, verður kanska ein síða á hús­unum eisini pyntað. Síðan kemur lop í, og skjótt kann tað henda, at øll húsini standa pyntað til jólar. - Áður kundi onkur flenna, tá fólk pyntaðu nógv til jóla, men hetta hevur rættiliga vundið upp á seg. Vit eru skjótt í myrkastu tíð, og einki er at ivast í, at lýsandi jóla­ pynt og jólaperur lætta um sinnið. Hon sigur, at fólk keypa nógv fleiri ljós í myrk­aru tíðini av árinum – ella figurar við ljósi, og tað eru serliga flottu battarí­drivnu led-ljósini, sum fólk vilja hava. - Hesi eru so fantast­ iska vøkur og líkjast so nógv veruligum kerti­ ljós­um, og tað eru eisini led-ljós, sum standa í stear­ini. Eg vil siga, at led-ljós­ini fullkomiliga hava yvirtikið søluna av ljós­um. Nina Vitalis Bærend­ sen væntar, at umleið 90 prosent av søluni av ljósum er ymisk led-ljós, meðan bert eini 10 pro­ sent er vanlig livandi kerti­ljós. - Led-ljósini dálka ikki, og eingin verður ovur­ við­kvæmur av teim­um, um fólk annars hava trupulleikar við ovur­við­ kvæmi, leggur hon aftrat. Eftirgjørd jólatrøð Tað er eisini vorðið meira og meira vanligt, at fólk keypa eftirgjørd jólatrøð. - Vit selja eisini eftir­ gjørd jólatrøð, og hesi líkjast nú so nógv veru­ ligum jólatrøum, at tú næst­an ikki sært munin. Tað er nú einaferð so­ leiðis, at hevur tú eitt eftirgjørt jólatræ, hevur tú altíð eitt vakurt jóla­ træ, sigur Nina Vitalis Bærendsen í El-handli­ num á Tvøroyri, sum legg­ur aftrat, at tey bæði hava og fara at fáa nógvar nýggj­ar vørur heim tær kom­andi vikurnar. JÓLASTOVA HJÁ EL-HANDLINUM Á TVØROYRI SAVNAR NÓGV FÓLK Handilin hjá Bærendsen við Sjógøtu á Tvøroyri – eisini róptur El-handilin – ger aftur í ár nógv burtur úr, nú jólini stunda til - Tey eru mong, sum støkka inn á gólvið at vitja okkara jólastovu, sigur Nina Vitalis Bærendsen Aftur í ár hava tey í El-handlinum hjá Bærendsen á Tvøroyri skipað eina serstaka og vakra jólastovu